Chinarajappa: తెదేపా ఎమ్మెల్యే చినరాజప్పకు తప్పిన ప్రమాదం

పెద్దాపురం: తెదేపా ఎమ్మెల్యే నిమ్మకాయల చినరాజప్పకు త్రుటిలో ప్రమాదం తప్పింది. తెదేపా అభ్యర్థుల తొలి జాబితా ప్రకటించిన నేపథ్యంలో శనివారం పెద్దాపురంలో పార్టీ శ్రేణులు ర్యాలీ నిర్వహించాయి. అకస్మాత్తుగా కారుకు ఓ వ్యక్తి అడ్డురావడంతో డ్రైవర్‌ సడన్‌ బ్రేక్‌ వేశాడు. దీంతో వాహనం అదుపుతప్పి డివైడర్‌పైకి ఎక్కింది. ప్రమాద సమయంలో చినరాజప్ప కారులోనే ఉన్నారు. వెంటనే అప్రమత్తమైన కార్యకర్తలు కారును డివైడర్‌ పైనుంచి కిందకు దించారు. పెద్దాపురం నియోజకవర్గానికి తెదేపా-జనసేన ఉమ్మడి అభ్యర్థిగా చినరాజప్పను ఇవాళ చంద్రబాబు ప్రకటించిన విషయం తెలిసిందే.