క్లీన్‌ సిటీపై అమెరికన్‌ బ్లాగర్‌ వీడియో.. తన ఆకాంక్షను పంచుకున్న ఆనంద్‌ మహీంద్రా

Anand Mahindra | ఇంటర్నెట్‌డెస్క్‌:  దేశంలోనే అత్యంత పరిశుభ్ర నగరాల జాబితాలో మధ్యప్రదేశ్‌లోని ఇందౌర్‌ (Indore) వరుసగా ఏడోసారి తొలి స్థానం దక్కించుకొంది. 2023 సంవత్సరానికి గానూ ప్రకటించిన స్వచ్ఛ సర్వేక్షణ్‌ అవార్డు (Swachh Survekshan Awards 2023)ను ఈ ఏడాది జనవరిలో సొంతం చేసుకుంది. దేశీయ పర్యటనకు వచ్చిన ఓ అమెరికన్‌ బ్లాగర్‌ ఈ క్లీన్‌ సిటీని చూసి ఆశ్చర్యపోయాడు. దీనికి సంబంధించిన వీడియోను ప్రముఖ వ్యాపారవేత్త ఆనంద్ మహీంద్రా (Anand Mahindra) ‘‘ఎక్స్‌’’ వేదికగా పంచుకున్నారు.

అమెరికన్‌ ట్రావెల్ బ్లాగర్ మాక్స్ మెక్‌ఫార్లిన్ ఇందౌర్‌లో స్ట్రీట్‌ఫుడ్‌స్టాల్స్‌ ఏవిధంగా తమ పరిసరాలను శుభ్రంగా ఉంచుకున్నారో ఆ వీడియోలో చూపించాడు. ప్లాస్టిక్‌ ప్లేట్లు వాడకుండా స్టీల్‌ పాత్రలు వాడటం, నీరు వృధా కాకుండా వారు పాటిస్తున్న విధానాల గురించి అందులో మాట్లాడాడు. ఓ వ్యక్తి తినే ఆహారం పొరపాటున వీధిలో నేలపై పడితే వెంటనే దాన్ని అతను అక్కడి నుంచి తీసేసి ఆ ప్రదేశాన్ని శుభ్రపరచడం చూసి అవాక్కయ్యాడు. ఇలా అక్కడ గమనించిన ప్రతీ చిన్న అంశాన్ని అందులో బంధించాడు.

కేంద్రానికి ఆర్‌బీఐ ‘డబుల్‌’ బొనాంజా.. డివిడెండ్‌ కింద ₹2.11 లక్షల కోట్లు

ఈ వీడియోను మహీంద్రా ‘‘ఎక్స్‌’’ వేదికగా పంచుకున్నారు. దేశమంతా ఇలానే ఉండాలంటూ తన ఆకాంక్షను పోస్టులో వ్యక్తపరిచారు. ప్రస్తుతం ఈ వీడియో నెట్టింట వైరల్‌గా మారింది. ఈ నగర సంస్కృతి, పరిశుభ్రత కోసం వారు చూపుతున్న ప్రాధాన్యాన్ని ప్రశంసిస్తూ నెటిజన్లు కామెంట్లు పెడుతున్నారు. ఇదిలాఉండగా.. ఇందౌర్‌ నగరం వ్యర్థాల నిర్వహణ కోసం ఏటా రూ.200కోట్లు ఖర్చు చేస్తోంది. రోజూ టన్నుల కొద్దీ ప్లాస్టిక్‌ వ్యర్థాలను సేకరిస్తోంది.