Andhra news: భీమవరంలో అతిరాత్ర మహోత్కృష్ట సోమయాగం: గజల్‌ శ్రీనివాస్‌

భీమవరం: పశ్చిమగోదావరి జిల్లా భీమవరంలో మే 15 నుంచి 25 వరకు మహోత్కృష్ట సోమయాగం నిర్వహించనున్నట్టు సేవ్‌ టెంపుల్స్‌ భారత్‌ అధ్యక్షులు గజల్‌ శ్రీనివాస్‌ తెలిపారు. నెలమూరు ఉమా రామలింగేశ్వర ట్రస్ట్ ఆధ్వర్యంలో, జంధ్యాల శ్రీనివాస్ సుబ్రహ్మణ్య శర్మ పర్యవేక్షణలో ఈ కార్యక్రమం ఏర్పాటు చేయనున్నట్టు వెల్లడించారు. రాజశ్యామల, పుత్ర కామేష్ఠి, దశమహావిద్యా సహిత అతిరాత్ర మహాయగం కూడా నిర్వహిస్తారని పేర్కొన్నారు. ఎంతో మంది పీఠాధిపతులు, మహా సాధువులు, ప్రముఖులు ఈ కార్యక్రమంలో పాల్గొంటారని, చెరుకువాడ రంగశాయి, కంతేటి వెంకట్రాజులు ఈ యాగానికి సమన్వయకర్తలుగా వ్యవహరిస్తారని గజల్‌ శ్రీనివాస్‌ తెలిపారు.