Published : 31/10/2021 23:15 IST

Covid Protocol: కరోనా ఆంక్షల అమలుపై షాకింగ్‌ సర్వే.. థర్డ్ వేవ్ తప్పదా?

దిల్లీ: కొవిడ్​ ఆంక్షలు, భౌతికదూరం, మాస్కుధారణ తదితర అంశాలపై నిర్వహించిన ఓ సర్వేలో విస్తుపోయే విషయాలు వెలుగులోకి వచ్చాయి. పండగల సీజన్​ దృష్ట్యా.. దేశంలోని చాలా ప్రాంతాల్లో కొవిడ్ ఆంక్షలు అమల్లో లేవని అత్యధిక మంది పౌరులు భావిస్తున్నట్లు ఓ సర్వేలో తేలింది. మాస్కులు ధరించాలన్న నిబంధనను కేవలం రెండు శాతం మంది మాత్రమే కచ్చితంగా పాటిస్తున్నారని.. తమ ప్రాంతం, జిల్లాల్లోని మూడు శాతం మందే భౌతిక దూరం నిబంధనను అనుసరిస్తున్నట్లు భావిస్తున్నామని సర్వేలో పాల్గొన్నవారు పేర్కొన్నారు. లోకల్ సర్కిల్స్ అనే డిజిటల్​ సంస్థ దేశవ్యాప్తంగా 366 జిల్లాల్లో 20వేల మందిపై సర్వే నిర్వహించగా వారు ఈ విధంగా స్పందించారు.

సర్వేలో వెల్లడైన అంశాలు ఇవే..

* మాస్కు తప్పనిసరిగా ధరించాలన్న నిబంధనను కచ్చితంగా పాటిస్తున్నారని 2శాతం మంది భారతీయులు మాత్రమే భావిస్తున్నారు.

* తమ జిల్లాల్లోని ప్రజలు భౌతిక దూరం నియమాలను పాటిస్తున్నట్లు 3 శాతం మంది మాత్రమే అనుకుంటున్నారు. 

* సర్వేలో పాల్గొన్న 90శాతం మందికిపైగా పౌరులు.. తమ ప్రాంతంలో 2 శాతం మంది మాత్రమే మాస్కు ధరించటం, భౌతికదూరం పాటిస్తున్నట్లు తెలిపారు.

* ప్రయాణాల్లో భౌతిక దూరం పాటించటం లేదని మరో 9 శాతం మంది అభిప్రాయపడ్డారు.

* కేవలం 6 శాతం మంది మాత్రమే తమ ప్రాంతంలో భౌతిక దూరాన్ని కచ్చితంగా పాటిస్తున్నారని పేర్కొన్నారు.

ఈ సర్వే సందర్భంగా సమాధానం ఇచ్చిన వారిలో 42శాతం మంది టైర్-1 జిల్లాలు, 30శాతం టైర్-​2 డిస్ట్రిక్స్‌, 23శాతం టైర్​-3 జిల్లాలు, టైర్-4 జిల్లాల నుంచి ఉన్నారు. 65 శాతం మంది పురుషులు, 35శాతం మంది మహిళలు ఈ సర్వేలో పాల్గొన్నారు. దీపావళి పండగ సీజన్ నేపథ్యంలో దేశవ్యాప్తంగా విమానాశ్రయాలు, రైల్వేస్టేషన్స్​లో కొవిడ్ ఆంక్షలను కట్టుదిట్టంగా అమలు చేయాల్సిన అవసరాన్ని సూచిస్తోందని సర్వే తెలిపింది. ప్రజలు కొవిడ్ ఆంక్షలను గాలికొదిలేస్తే.. దేశవ్యాప్తంగా కొవిడ్​ థర్డ్​ వేవ్ వ్యాప్తి అవకాశముందని అభిప్రాయపడింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని