Munawar Faruqui: హుక్కా బార్‌లో సోదాలు.. పోలీసుల అదుపులో మునావర్‌ ఫరూఖీ

ముంబయి: స్టాండప్‌ కమెడియన్‌, బిగ్‌బాస్‌ విన్నర్ మునావర్ ఫరూఖీ (Munawar Faruqui) మరోసారి వివాదాల్లో నిలిచాడు. ముంబయిలోని హుక్కా బార్‌లో జరిగిన సోదాల అనంతరం అతడిని పోలీసులు అదుపులోకి తీసుకున్నారు.

‘బటర్‌ చికెన్‌’ వివాదంలో పరువు నష్టం వ్యాఖ్యలు

నగరంలోని ఫోర్ట్ ఏరియాలో చట్టవిరుద్ధంగా నడుపుతోన్న హుక్కా పార్లర్‌లో మంగళవారం రాత్రి పోలీసులు తనిఖీలు నిర్వహించారు. బుధవారం తెల్లవారుజాము 5 గంటల వరకు సోదాలు జరిగాయి. కొంత మొత్తంలో నగదు, కొన్ని హుక్కా పాట్స్‌ను సీజ్‌ చేశారు. ‘దాడుల్లో భాగంగా ఫరూఖీ, మరికొందరు హుక్కా పీలుస్తున్నట్లు మా సిబ్బంది గుర్తించారు. దానికి సంబంధించిన దృశ్యాలు మా వద్ద ఉన్నాయి. మొత్తం 14 మందిని అదుపులోకి తీసుకున్నాం’ అని అధికారులు తెలిపారు. వారిపై మోపిన సెక్షన్లు బెయిల్‌ ఇచ్చేందుకు అనుకూలంగా ఉండటంతో, వారికి నోటీసులు ఇచ్చి, విడుదల చేశామని తెలిపారు.

ఇదిలా ఉంటే.. మతపరమైన మనోభావాలు దెబ్బతీశారంటూ అతడి షోపై ఫిర్యాదులు అందడంతో 2021లో నెలరోజుల పాటు మునావర్ జైలు జీవితం గడిపాడు. 2022లో ‘లాకప్‌’ రియాలిటీ టీవీ షో విజేతగా నిలిచాడు. తర్వాత బిగ్‌బాస్‌-17 షోలో కూడా విజయం సాధించాడు.