Rajasthan HC: న్యాయవ్యవస్థపై వివాదాస్పద వ్యాఖ్యలు.. రాజస్థాన్‌ సీఎంకు షోకాజ్‌ నోటీసులు

జైపుర్: న్యాయవ్యవస్థ (Judiciary)పై రాజస్థాన్‌ ముఖ్యమంత్రి అశోక్‌ గహ్లోత్‌ (Ashok Gehlot) చేసిన వ్యాఖ్యలు ఇటీవల వివాదాస్పదమయ్యాయి. ఈ క్రమంలోనే రాజస్థాన్‌ హైకోర్టు (Rajasthan High Court) శనివారం సీఎం గహ్లోత్‌కు షోకాజ్‌ నోటీసులు జారీ చేసింది. వివాదాస్పద వ్యాఖ్యల విషయంలో గహ్లోత్‌పై సుమోటోగా క్రిమినల్‌ ధిక్కార చర్యలు తీసుకోవాలని కోరుతూ ఓ న్యాయవాది హైకోర్టులో ప్రజాప్రయోజన వ్యాజ్యం దాఖలు చేశారు. దీనిపై శనివారం విచారణ చేపట్టిన జస్టిస్‌ ఎంఎం శ్రీవాస్తవ, జస్టిస్‌ అశుతోష్‌ కుమార్‌లతో కూడిన ధర్మాసనం.. ఈ మేరకు నోటీసులు జారీ చేసింది.

ప్రతి సీజన్‌లో భాగస్వామిని మార్చేసే.. సహజీవన బంధాలపై హైకోర్టు ఘాటు వ్యాఖ్యలు

మూడు వారాల్లోగా జవాబు ఇవ్వాలని సీఎం గహ్లోత్‌ను ఆదేశించింది. ఇటీవల జైపుర్‌లో మీడియాతో మాట్లాడిన గహ్లోత్‌.. ఈ రోజుల్లో న్యాయవ్యవస్థలో అవినీతి పెచ్చరిల్లిపోయిందని ఆరోపిస్తూ.. తీర్పుల విషయంలో వివాదాస్పద వ్యాఖ్యలు చేశారు. దీనిపై పెద్దఎత్తున విమర్శలు రావడంతో.. తాను చెప్పింది తన వ్యక్తిగత అభిప్రాయం కాదని వివరణ ఇచ్చారు. న్యాయవ్యవస్థను ఎప్పుడూ గౌరవిస్తానని, నమ్ముతానని తెలిపారు. మరోవైపు.. సీఎం వ్యాఖ్యలకు నిరసనగా శుక్రవారం జోధ్‌పుర్‌లోని హైకోర్టు, దిగువ కోర్టుల్లో వేలాది మంది న్యాయవాదులు విధులను బహిష్కరించారు.