Akhil:‘ఏజెంట్‌’ సాహసాలు

అఖిల్‌ అక్కినేని స్పైగా నటిస్తున్న యాక్షన్‌ థ్రిల్లర్‌ ‘ఏజెంట్‌’. సురేందర్‌ రెడ్డి తెరకెక్కిస్తున్నారు. రామబ్రహ్మం సుంకర నిర్మాత. సాక్షి వైద్య కథానాయిక. మమ్ముట్టి కీలక పాత్ర పోషిస్తున్నారు. ప్రస్తుతం మనాలిలోని మంచు పర్వతాల్లో  శరవేగంగా చిత్రీకరణ జరుపుకొంటోంది. ఇందులో భాగంగా అఖిల్‌పై భారీ యాక్షన్‌ సన్నివేశాల్ని తెరకెక్కిస్తున్నారు. దీనికి సంబంధించిన సెట్లోని కొన్ని ఫొటోలను చిత్ర బృందం సామాజిక మాధ్యమాల్లో పంచుకుంది. ఆ ఫొటోల్లో అఖిల్‌ ముఖం నిండా గాయాలతో ఆసక్తికరంగా కనిపించారు. ‘‘విభిన్నమైన హైవోల్టేజ్‌ స్టైలిష్‌ స్పై థ్రిల్లర్‌గా ఈ సినిమా రూపొందిస్తున్నాం. అఖిల్‌ లుక్‌, పోరాట ఘట్టాలు చిత్రానికి ప్రధాన ఆకర్షణగా నిలుస్తాయి’’ అని చిత్ర వర్గాలు తెలిపాయి. ఈ సినిమా ఆగస్ట్‌ 12న విడుదల కానుంది. సంగీతం: హిప్‌ హాప్‌ తమిళ్‌, కూర్పు: నవీన్‌ నూలి, ఛాయాగ్రహణం: రసూల్‌ ఎల్లోర్‌.