Gangs of Godavari: ఓటీటీలోకి ‘గ్యాంగ్స్‌ ఆఫ్‌ గోదావరి’.. స్ట్రీమింగ్‌ ఎప్పుడంటే?

ఇంటర్నెట్‌ డెస్క్‌: విష్వక్‌ సేన్‌ (Vishwak Sen) హీరోగా నటించిన ‘గ్యాంగ్స్‌ ఆఫ్‌ గోదావరి’ (Gangs of Godavari) సినిమా ఓటీటీ విడుదల తేదీ ఖరారైంది. ‘నెట్‌ఫ్లిక్స్‌’ (Netflix)లో ఈ నెల 14 నుంచి స్ట్రీమింగ్‌ కానుంది. ఈ మేరకు సదరు సంస్థ పోస్టర్‌ విడుదల చేసింది. ‘‘చరిత్రలో మిగిలిపోవడానికి లంకల రత్నం వస్తున్నాడు’’ అని క్యాప్షన్‌ పెట్టింది. తెలుగుతోపాటు తమిళ్‌, మలయాళం, కన్నడలో ఈ చిత్రం అందుబాటులో ఉండనుంది. కృష్ణ చైతన్య దర్శకత్వం వహించిన ఈ సినిమా మే 31న థియేటర్లలో విడుదలై, ప్రేక్షకులను అలరించింది. లంకల రత్నాకర్‌గా విష్వక్‌ సేన్‌, రత్నమాలగా అంజలి, బుజ్జి పాత్రలో నేహాశెట్టి ఆకట్టుకున్నారు.

క‌థేంటంటే?ఎద‌గ‌డం మ‌న హ‌క్కు అని న‌మ్మిన ఓ యువ‌కుడు లంక‌ల ర‌త్నాక‌ర్ (విష్వక్‌ సేన్‌). తండ్రి చెప్పిన ఆ మాట‌ని చిన్న‌ప్పుడే  బాగా ఒంట‌బ‌ట్టించుకుంటాడు. మానవత్వాన్ని ప‌క్క‌న‌పెట్టి, ఎదుటివాళ్ల‌ని వాడుకోవ‌డ‌మే ప‌నిగా పెట్టుకుంటాడు. చిన్నచిన్న దొంగ‌త‌నాలు చేసే ర‌త్నాకర్‌.. స్థానిక ఎమ్మెల్యే దొర‌సామి (గోప‌రాజు ర‌మ‌ణ‌)కి కుడిభుజంగా మార‌తాడు. దొర‌సామి, నానాజీల మ‌ధ్య న‌డుస్తున్న రాజ‌కీయ వైరంలోకీ త‌ల‌దూర్చుతాడు. ఆ రాజ‌కీయం అత‌న్ని ఎక్కడిదాకా తీసుకెళ్లింది? అత‌ను కోరుకున్న‌ట్టు ఎదిగాడా, లేదా? లంక‌ల్లోని ప‌గ ఎలా వెంటాడింది? బుజ్జి (నేహాశెట్టి), ర‌త్న‌మాల (అంజ‌లి)ల‌తో రత్నాకర్‌కు ఉన్న సంబంధం ఏమిటి? అన్నది మిగతా కథ.

పూర్తి రివ్యూ కోసం క్లిక్‌ చేయండి..