Rashmika: నా చిన్నప్పటి కల ఇప్పుడు నెరవేరింది: రష్మిక

ఇంటర్నెట్‌ డెస్క్‌: టోక్యోలో జరిగిన ‘క్రంచీ రోల్‌ అనిమే’ అవార్డుల వేడుకలో రష్మిక మెరిసిన సంగతి తెలిసిందే. ఈ సందర్భంగా జపాన్‌లోని అభిమానులకు ధన్యవాదాలు చెబుతూ కొన్ని ఫొటోలు షేర్‌ చేశారు. ‘జపాన్‌ రావాలని నా చిన్నప్పటి నుంచి కలలు కన్నాను. అది ఇలా సాధ్యమవుతుందని ఎప్పుడూ అనుకోలేదు. అనిమే ప్రపంచంలోని సృష్టికర్తల్లో ఒకరికి అవార్డును అందించే అవకాశం లభించింది. ఈ ఈవెంట్‌లో భాగమైనందుకు ఆనందంగా ఉంది. ఇక్కడ ఎంతోమందిని కలుసుకోవడం.. అభిమానుల ప్రేమను పొందడం అదృష్టంగా భావిస్తున్నా. ఇకపై ప్రతి ఏడాది ఇక్కడికి వస్తాను’ అంటూ ఆ దేశంపై తనకున్న ప్రేమను వ్యక్తపరిచారు.

ఒకే వేదికపై జాన్వీ - ఖుషీ డ్యాన్స్.. నెటిజన్ల రియాక్షనిదే

ప్రస్తుతం రష్మిక ‘పుష్ప2’లో నటిస్తున్నారు. అల్లు అర్జున్‌ (Allu Arjun)- సుకుమార్‌ కాంబోలో రానున్న యాక్షన్‌ థ్రిల్లర్‌ ఇది. దీని షూటింగ్‌ రామెజీ ఫిల్మ్‌ సిటీలో శరవేగంగా జరుగుతోంది. ఫహద్‌ ఫాజిల్‌ (Fahadh Faasil) ప్రతినాయకుడిగా నటిస్తున్నారు. ఆగస్టు 15న ఈ చిత్రం ప్రపంచవ్యాప్తంగా విడుదల కానుంది. ఇటీవలే ఈ సినిమా గురించి రష్మిక మాట్లాడుతూ.. ఊహించిన దానికంటే ఎక్కువగా ఉంటుందని చెప్పారు. దీనితో పాటు ‘రెయిన్‌ బో’, ‘ది గర్ల్‌ఫ్రెండ్‌’ చిత్రాలతోనూ ఆమె అలరించనున్నారు.