Pawan Kalyan: పవన్‌ను ఎత్తుకున్న సాయి ధరమ్‌ తేజ్‌.. వీడియో వైరల్‌

ఇంటర్నెట్‌ డెస్క్‌: జనసేన అధినేత పవన్‌ కల్యాణ్‌ (Pawan Kalyan) ఎన్నికల్లో విజయం సాధించడంతో కుటుంబసభ్యులు, పార్టీ వర్గాలు, అభిమానులు ఫుల్‌ జోష్‌లో ఉన్నారు. కొందరు నేరుగా, మరికొందరు సోషల్‌ మీడియా వేదికగా ఆయనకు శుభాకాంక్షలు తెలియజేస్తున్నారు. మరోవైపు, ఎన్నికల ఫలితాలు వెలువడిన అనంతరం పవన్‌ మంగళగిరి వెళ్లారు. ఆయన వెంట హీరో సాయి ధరమ్‌తేజ్‌ (Sai Dharam Tej), తనయుడు అకీరా నందన్‌ (Akira Nandan) ఉన్నారు. అక్కడికి చేరుకున్నాక సాయితేజ్‌ ఉత్సాహంతో తన మేనమామ పవన్‌ను హగ్‌ చేసుకుని, అనంతరం ఎత్తుకున్నారు. సంబంధిత విజువల్స్‌ను పంచుకుంటూ ‘‘మీ గెలుపే మా పొగరు. జనసేనాని పవన్‌ కల్యాణ్‌ నా హీరో, గురువు’’ అని ఆయనపై ఉన్న ప్రేమను మరోసారి చాటుకున్నారు. సంబంధిత వీడియో నెట్టింట వైరల్‌గా మారింది.

నా హృదయం ఉప్పొంగుతోంది: చిరంజీవి ఆనందం