Vimanam: తండ్రీతనయుల విమానం గోల

వీరయ్య దివ్యాంగుడు అయినా కొడుకుని మాత్రం ఎంతో ప్రేమగా చూసుకుంటాడు. కొడుక్కి విమానం ఎక్కడం అంటే ఇష్టం. ఎప్పుడూ పదే పదే తండ్రిని అదే అడుగుతాడు. మరి తండ్రీ కొడుకుల ఈ విమానం చివరికి ఏమైందో తెలియాలంటే ‘విమానం’ సినిమా చూడాల్సిందే అంటున్నారు సముద్రఖని. ఆయన ప్రధాన పాత్రలో నటిస్తున్న చిత్రమిది. మాస్టర్‌ ధ్రువన్‌, మీరా జాస్మిన్‌, అనసూయ, రాహుల్‌రామకృష్ణ తదితరులు కీలక పాత్రల్లో నటిస్తున్నారు. శనివారం ఈ సినిమా టీజర్‌ను విడుదల చేశారు. శివ ప్రసాద్‌ యానాల దర్శకత్వం వహిస్తున్న ఈ చిత్రాన్ని జీ స్టూడియోస్‌, కిరణ్‌ కొర్రపాటి నిర్మిస్తున్నారు. జూన్‌ 9న సినిమా విడుదల కానుంది.