Lok Sabha Polls: దక్షిణాదిలో ఈసారి భాజపా అత్యుత్తమ పనితీరు: అమిత్‌ షా

గాంధీనగర్‌: దక్షిణాదిలో పట్టు సాధించేందుకు కమలనాథులు తీవ్ర ప్రయత్నాలు చేస్తున్నారు. ఈ లోక్‌సభ ఎన్నికల్లో (Lok Sabha Elections) ఇక్కడ అధిక సీట్లు గెలుచుకోవడమే లక్ష్యంగా తీవ్రంగా శ్రమిస్తున్నారు. ఈనేపథ్యంలో కేంద్ర హోం మంత్రి అమిత్‌ షా (Amit Shah) కీలక వ్యాఖ్యలు చేశారు. దక్షిణాదిలో ఈసారి తమ పార్టీ అత్యుత్తమ ప్రదర్శన కనబరుస్తుందని విశ్వాసం వ్యక్తంచేశారు. తాను పోటీ చేస్తున్న గుజరాత్‌లోని గాంధీనగర్‌లో ఎన్నికల ప్రచార రోడ్‌షోలో ఆయన పాల్గొని ప్రసంగించారు.

అమ్మ చనిపోయారు.. నేను పోటీ చేయలేను: ‘హిమాచల్‌’ డిప్యూటీ సీఎం కుమార్తె

దేశంలో వాతావరణం చూస్తుంటే తమకు 400లకు పైగా సీట్లు వచ్చేలా కనబడుతోందన్నారు. దక్షిణాదిలోనూ ఇదివరకు ఎన్నడూ లేనంతగా పార్టీ పనితీరు ఉండబోతుందని వ్యాఖ్యానించారు. గుజరాత్‌లో తమ పార్టీ మొత్తం 26 స్థానాలనూ అధిక మెజార్టీతో కైవసం చేసుకుంటుందని అమిత్‌ షా ధీమా వ్యక్తంచేశారు. గుజరాత్‌లో మొత్తం 26 లోక్‌సభ స్థానాలు ఉండగా.. ఒకేసారి ఎన్నికలు జరగనున్నాయి. మే 7న ఇక్కడ ఎన్నికల పోలింగ్ నిర్వహించనున్నారు.