Chikoti Praveen: చీకోటి ప్రవీణ్‌కు చేదు అనుభవం.. భాజపాలో చేరిక వాయిదా?

హైదరాబాద్‌: భాజపాలో చేరేందుకు ఏర్పాట్లు చేసుకున్న క్యాసినో నిర్వాహకుడు చీకోటి ప్రవీణ్‌కు చుక్కెదురైంది. భాజపాలో చేరడానికి పెద్ద ఎత్తున తన అనుచరులతో కలిసి సంతోష్‌ నగర్‌ నుంచి ర్యాలీగా.. నాంపల్లిలోని భాజపా రాష్ట్ర కార్యాలయానికి చీకోటి వచ్చారు. భాజపా రాష్ట్ర అధ్యక్షుడు, కేంద్ర మంత్రి కిషన్‌రెడ్డి కోసం చీకోటి, తన అనుచరులు పడిగాపులు కాశారు. చీకోటి రాకుముందే పార్టీ కార్యాలయం నుంచి కిషన్‌రెడ్డి వెళ్లిపోయారు. దీంతో హంగు ఆర్భాటాలతో వచ్చిన చీకోటి అనుచరులు ఆగ్రహం వ్యక్తం చేశారు. చేసేది ఏమీ లేక పార్టీ కార్యాలయం నుంచి చీకోటి వెనుదిరిగి వెళ్లిపోయారు. 

భాజపా అంటే క్రమశిక్షణకు మారుపేరని, పార్టీ పెద్దలతో భేటీ తర్వాత తన కార్యాచరణ ప్రకటిస్తానని చీకోటి ప్రవీణ్‌ తెలిపారు.రాజకీయాల్లో ఆవేశం పనికిరాదని, ఓపికగా ఉండాలని అభిమానులకు సూచించారు.