ఎన్నికల కమిషన్‌ కాదు.. భాజపా కమిషన్‌: మమత

రాయ్‌గంజ్‌ : ముర్షీదాబాద్‌ రామనవమి ర్యాలీలో చోటు చేసుకున్న హింసపై పశ్చిమబెంగాల్‌లో తృణమూల్‌ కాంగ్రెస్‌, భాజపాల మధ్య మాటల యుద్ధం ప్రారంభమైంది. ఈ హింస వెనక భాజపా హస్తం ఉందని గురువారం ముఖ్యమంత్రి మమతా బెనర్జీ ఆరోపించారు. ఎన్నికల కమిషన్‌.. భాజపా కమిషన్‌లా వ్యవహరిస్తోందని ఆమె విమర్శించారు. బుధవారం ముర్షీదాబాద్‌లోని శక్తిపుర్‌లో రామనవమి సందర్భంగా బాంబు పేలుడు జరిగింది. ఓ మహిళకు గాయాలయ్యాయి. రామనవమి ముందు రోజు ముర్షీదాబాద్‌ డీఐజీని తొలగించడాన్ని మమత తప్పుపట్టారు. భాజపాకు మేలు చేకూర్చడానికే ఎన్నికల కమిషన్‌ ఈ బదిలీ చేసిందని మండిపడ్డారు.