Vinod Kumar: రైతుబంధు పథకంపై కేబినెట్‌ సమావేశంలో చర్చించాలి: వినోద్‌కుమార్‌

హైదరాబాద్‌: ఈ కేబినెట్‌ సమావేశంలోనైనా మంచి నిర్ణయాలు తీసుకోవాలని భారాస నేత వినోద్‌కుమార్ కోరారు. రైతుబంధు పథకం గురించి సమావేశంలో చర్చించాలని డిమాండ్‌ చేశారు. భారాస ప్రభుత్వం తీసుకొచ్చిన రైతుబంధు పథకాన్ని ప్రధానితో సహా చాలా మంది స్వాగతించారని తెలిపారు. పీఎం కిసాన్‌ పథకానికి స్ఫూర్తి ఇదే అని పేర్కొన్నారు. రోహిణి కార్తె సమయంలో రైతులు పెట్టుబడి కోసం తిరుగుతారని తెలిపారు. కానీ రేవంత్‌ రెడ్డి ప్రభుత్వం పంట కోతల తర్వాత రైతుబంధు ఇచ్చిందని ఎద్దేవా చేశారు. కాంగ్రెస్‌ ఇస్తామన్న రైతు భరోసా ఇప్పటివరకు అమలు కాలేదని విమర్శించారు. రైతు భరోసా అమలు చేసి ఎకరాకు రూ.15 వేలు విడుదల చేయాలని డిమాండ్‌ చేశారు. వరి పండించిన రైతులకు రూ.500 బోనస్‌ ఇప్పటివరకు అందించలేదని చెప్పారు.