ఉన్నతి సంచలన విజయం

సెమీస్‌లో ప్రవేశం 

సార్‌బ్రూకెన్‌ (జర్మనీ): భారత బ్యాడ్మింటన్‌ యువ తార ఉన్నతి హుడా సంచలన విజయం సాధించింది. హైలో ఓపెన్‌ టోర్నీలో నాలుగో సీడ్‌ తి లిన్‌ (చైనీస్‌ తైపీ)కి షాకిచ్చి ఆమె సెమీఫైనల్‌కు దూసుకెళ్లింది. శుక్రవారం మహిళల సింగిల్స్‌ క్వార్టర్స్‌లో ఉన్నతి 22-20, 21-13తో తి లిన్‌ను కంగుతినిపించింది. పురుషుల సింగిల్స్‌లో లక్ష్యసేన్‌ ఓడిపోయాడు. క్వార్టర్స్‌లో 17-21, 21-14, 15-21తో అలెక్స్‌ లానియర్‌ (ఫ్రాన్స్‌)కు తలొంచాడు. ఈ సీజన్లో అలెక్స్‌ చేతిలో అతడికిది రెండో ఓటమి. మరో క్వార్టర్స్‌లో ఆయుష్‌ శెట్టి 21-19, 12-21, 20-22తో కోల్జోనిన్‌ (ఫిన్లాండ్‌)పై పోరాడి ఓడాడు. పురుషుల సింగిల్స్‌ కిరణ్‌ జార్జి మాత్రమే బరిలో ఉన్నాడు.