జెమీమా మానసిక శక్తి ఆదర్శం: హీలీ

ముంబయి: భారత బ్యాటర్‌ జెమీమా రోడ్రిగ్స్‌పై ఆస్ట్రేలియా కెప్టెన్‌ అలీసా హీలీ ప్రశంసల వర్షం కురిపించింది. జెమీమా మానసిక శక్తి ఆదర్శప్రాయమని కొనియాడింది. ‘‘ఇంకా నాలుగైదు ఓవర్లు ఉన్నప్పుడు మేం రేసులోనే ఉన్నాం. కాని క్రికెట్లో అద్భుతాలు జరుగుతుంటాయి. ప్రత్యర్థిపై తగినంత ఒత్తిడి తీసుకురాగలిగితే ఫలితం ఉంటుంది. ఏదేమైనా జెమీమా అద్భుతంగా ఆడింది. మేం సృష్టించుకున్న అవకాశాల్ని సద్వినియోగం చేసుకోలేకపోయాం. మా ప్రదర్శన ఆసీస్‌ శైలిలా అనిపించలేదు. ప్రపంచకప్‌లో ఆసీస్‌ ఆటతీరు నిరాశపరిచింది. జెమీమాకు కొన్ని అవకాశాలు అందివ్వడం మాకు నష్టం చేసింది. కానీ జెమీమా గొప్పగా ఆడింది. జట్టుకు విజయాన్ని అందించాలన్న ఆమె మానసిక శక్తి అసాధారణం. ఈ ఘనత పూర్తిగా జెమీమాదే’’ అని హీలీ పేర్కొంది.