Sachin Tendulkar: సచిన్‌ చేతుల మీదుగా..

ముంబయి: మహిళల వన్డే ప్రపంచకప్‌ ఫైనల్‌ సందర్భంగా దిగ్గజ ఆటగాడు సచిన్‌ తెందుల్కర్‌ మైదానంలోకి వచ్చాడు. వెలుగు జిలుగుల మధ్య అతడు ప్రపంచకప్‌ ట్రోఫీతో ప్రవేశించగానే అభిమానుల అరుపులతో డీవై పాటిల్‌ స్టేడియం దద్దరిల్లింది. భారత ప్లేయర్లతో మాట్లాడి అతడు అభినందనలు తెలిపాడు. భారత మాజీ కెప్టెన్‌ రోహిత్‌ శర్మ కూడా మ్యాచ్‌కు హాజరయ్యాడు. ఫైనల్‌ ఆరంభానికి ముందు ప్రముఖ గాయని సునిధి చౌహాన్‌ జనగణమన ఆలపించింది. తర్వాత 60 మంది డ్యాన్సర్లతో సునిధి చేసిన ప్రదర్శన ఆకట్టుకుంది. కొరియోగ్రాఫర్‌ సంజయ్‌ శెట్టి ఫైర్‌వర్క్స్‌ ప్రదర్శన, డ్రోన్‌ డిస్‌ప్లే, లేజర్‌ షో అభిమానులను విశేషంగా అలరించాయి. 

ప్రైజ్‌మనీ

• విజేత జట్టుకు రూ.37.3 కోట్లు 
• రన్నరప్‌నకు రూ.20 కోట్లు