Hyderabad vs Mumbai:: హైదరాబాద్‌, ముంబయి మ్యాచ్‌లో నమోదైన రికార్డులివీ..

హైదరాబాద్‌: ఐపీఎల్‌ 2024లో ఉప్పల్‌ వేదికగా సొంత మైదానంలో జరిగిన మ్యాచ్‌లో హైదరాబాద్‌ (Hyderabad) చెలరేగిపోయింది. ముంబయి (Mumbai)ని 31 పరుగుల తేడాతో ఓడించింది. ఈ మ్యాచ్‌లో హైదరాబాద్‌ ఐపీఎల్‌ చరిత్రలోనే అత్యధికంగా 277 పరుగులు చేసి కొత్త రికార్డును తన పేరుమీద లిఖించుకుంది. ఇక ముంబయి సైతం దూకుడుగా ఆడింది. 20 ఓవర్లలో ఆ జట్టు 5 వికెట్ల నష్టానికి 246 పరుగులు చేసింది. అయితే కీలక సమయంలో వికెట్లు కోల్పోవడం, భారీ రన్‌రేట్‌ ఉండడంతో చివర్లో ముంబయి చతికిలపడింది.

ఈ మ్యాచ్‌లో నమోదైన రికార్డులు ఇవీ.. 

• ఐపీఎల్‌ చరిత్రలోనే అత్యధిక పరుగులు చేసిన జట్టు హైదరాబాద్‌- 277 
• సెకండ్‌ ఇన్నింగ్స్‌లోనూ అత్యధిక స్కోర్‌ నమోదు.. ముంబయి - 246
• ఒక మ్యాచ్‌లో రెండు జట్ల మొత్తం స్కోర్‌ - 523
• 2023లో దక్షిణాఫ్రికా, వెస్టిండీస్‌ జట్ల మొత్తం స్కోర్‌ 517 పరుగులు
• పురుషుల టీ20, ఐపీఎల్‌ టోర్నీలో ఇదే (523) అత్యధిక స్కోర్‌
• ఐపీఎల్‌లో 2010లో చెన్నై, రాజస్థాన్‌ జట్లు కలిసి 469 పరుగులు చేశాయి. 
• ఒక ఐపీఎల్‌ మ్యాచ్‌లో అత్యధికంగా నమోదైన సిక్స్‌లు - 38
• పురుషుల టీ20 టోర్నీలో అత్యధిక నమోదైన సిక్స్‌లు నమోదైన మ్యాచ్‌ ఇదే- 38
• ఈ మ్యాచ్‌లో మొత్తం నమోదైన సిక్స్‌లు, ఫోర్లు 69. 2010లో చెన్నై, రాజస్థాన్‌ మధ్య జరిగిన మ్యాచ్‌లో 69 బౌండరీలు ఉన్నాయి.
• ఈ మ్యాచ్‌లో ముంబయి బ్యాటర్లు కొట్టిన సిక్స్‌ల సంఖ్య 20. అంతకుముందు 2013లో బెంగళూరు బ్యాటర్లు 21 సిక్స్‌లు కొట్టారు.
• తొలి 10 ఓవర్లలో సన్‌రైజర్స్‌ స్కోరు 148. గత రికార్డు (2014లో పంజాబ్‌, 2021లో ముంబయి 131 పరుగులు) కనుమరుగైంది.
• అర్ధశతకం సాధించేందుకు అభిషేక్‌ శర్మ ఆడిన బంతులు 16. సన్‌రైజర్స్‌ తరపున ఐపీఎల్‌లో అత్యంత వేగంగా ఈ ఘనత సాధించిన బ్యాటర్‌ అతనే.
• ఓ ఐపీఎల్‌ మ్యాచ్‌లో ఒకే జట్టు నుంచి 20 బంతుల్లోపే అర్ధశతకాలు పూర్తి చేసుకున్న తొలి ద్వయంగా హెడ్‌- అభిషేక్‌ నిలిచారు.
• ముంబయి పేసర్‌ మపాక సమర్పించుకున్న పరుగులు 66. ఐపీఎల్‌ అరంగేట్ర మ్యాచ్‌లో అత్యధిక పరుగులు ఇచ్చుకున్నది అతనే.
• ముంబయి తరపున ఐపీఎల్‌లో రోహిత్‌ ఆడిన మ్యాచ్‌లు 200. ఆ జట్టు తరపున అత్యధిక మ్యాచ్‌లు ఆడింది అతనే. ఈ సందర్భంగా మ్యాచ్‌కు ముందు రోహిత్‌కు సచిన్‌ 200 నంబరుతో కూడిన ప్రత్యేక జెర్సీ, టోపీ బహుకరించాడు.