ICC: రవూఫ్, సూర్యలకు జరిమానా

దుబాయ్‌: ఆసియాకప్‌లో భారత్‌తో మ్యాచ్‌లో రెచ్చగొట్టే హావభావాలను ప్రదర్శించిన పాకిస్థాన్‌ పేసర్‌ హారిస్‌ రవూఫ్‌కు జరిమానా పడింది. తన మ్యాచ్‌ ఫీజులో అతడు 30 శాతం కోల్పోనున్నాడు. అర్ధసెంచరీ చేసిన తర్వాత గన్‌ఫైర్‌ సంబరాలు చేసుకున్న ఫర్హాన్‌ను ఐసీసీ మందలించింది. భారత కెప్టెన్‌ సూర్యకుమార్‌ యాదవ్‌కు కూడా మ్యాచ్‌ ఫీజులో 30 శాతం జరిమానా పడింది. పహల్గాం ఉగ్రదాడి బాధితులకు సంఘీభావాన్ని తెలపడంతో పాటు... పాక్‌పై తమ విజయాన్ని ఆపరేషన్‌ సిందూర్‌లో పాల్గొన్న భారత సాయుధ దళాలకు సూర్య అంకితం ఇవ్వడంపై పాక్‌ ఫిర్యాదు చేసింది. అయితే సూర్యకు జరిమానా విధించడాన్ని బీసీసీఐ సవాల్‌ చేసినట్టు సమాచారం.