IPL 2024:: ఐపీఎల్ 2024.. రెండు మ్యాచ్‌లను రీషెడ్యూల్ చేసిన బీసీసీఐ

ఇంటర్నెట్ డెస్క్: ఐపీఎల్ 17వ సీజన్‌లో రెండు మ్యాచ్‌లను బీసీసీఐ రీ షెడ్యూల్ చేసింది. ముందుగా ప్రకటించిన షెడ్యూల్ ప్రకారం కోల్‌కతా, రాజస్థాన్‌ల మధ్య మ్యాచ్‌ ఈనెల 17న ఈడెన్‌ గార్డెన్స్‌లో జరగాల్సిఉంది. కానీ, అదేరోజు శ్రీరామనవమి ఉండటంతో మ్యాచ్‌కు కావాల్సినంత భద్రత కల్పించలేమని బెంగాల్‌ క్రికెట్‌ సంఘం (క్యాబ్‌)కు పోలీసులు తెలియజేశారు. దీంతో ఈ మ్యాచ్‌ను ఒకరోజు ముందు (ఏప్రిల్ 16న) నిర్వహించనున్నట్లు బీసీసీఐ ప్రకటించింది. అదేవిధంగా అహ్మదాబాద్‌ వేదికగా ఏప్రిల్ 16న గుజరాత్, దిల్లీ మధ్య జరగాల్సిన మ్యాచ్‌ను మరుసటి రోజు (ఏప్రిల్ 17న) నిర్వహిస్తామని పేర్కొంటూ ఈమేరకు ఓ ప్రకటనను విడుదల చేసింది.