Breaking | Feedback | ePratibha | E-PAPER | Pratibha

IPL 2024: ఐపీఎల్‌ ఆరంభ వేడుకలు.. సందడి చేసే స్టార్లు వీరే!

ఐపీఎల్ (IPL) 2024 సీజన్‌ ఆరంభ వేడుకల్లో సందడి చేసే స్టార్ల వివరాలను ఐపీఎల్ యాజమాన్యం వెల్లడించింది.

Published : 20 Mar 2024 19:00 IST

ఇంటర్నెట్ డెస్క్‌: అభిమానులు ఎప్పుడెప్పుడా అని ఎదురుచూస్తున్న ఐపీఎల్‌ (IPL) 2024 సీజన్‌ ఆరంభానికి అంతా సిద్ధమైంది. గతేడాది మాదిరిగానే ఈసారి కూడా ఆరంభ వేడుకలను అట్టహాసంగా నిర్వహించేందుకు బీసీసీఐ ఏర్పాట్లు పూర్తి చేసింది. ఇందుకు కోసం చెన్నైలోని ఎంఎ చిదంబరం స్టేడియం (చెపాక్‌)ను మిరుమిట్లు గొలిపే దీపకాంతులతో సర్వాంగ సుందరంగా ముస్తాబు చేశారు. ఈ వేడుకల్లో బాలీవుడ్ స్టార్స్‌ అక్షయ్‌కుమార్‌, టైగర్‌ ష్రాఫ్‌తోపాటు ప్రముఖ సంగీత దర్శఖుడు ఏఆర్‌ రెహమాన్‌, సింగర్‌ సోనూ నిగమ్ ‌ఆటపాటలతో సందడి చేయనున్నారు.

సాయంత్రం 6:30 గంటలకు సెలబ్రేషన్స్‌ మొదలవుతాయి. ఈ వేడుకలను స్టార్‌స్పోర్ట్స్‌ నెట్‌వర్క్‌లో ప్రత్యక్షప్రసారం చేయనుంది. జియో సినిమా యాప్‌, వెబ్‌సైట్‌లోనూ లైవ్‌స్ట్రీమింగ్ ఉంటుంది. ఇక, తొలి మ్యాచ్‌లో డిఫెండింగ్‌ ఛాంపియన్‌ చెన్నై సూపర్‌ కింగ్స్‌ (CSK)తో రాయల్ ఛాలెంజర్స్‌ బెంగళూరు (RCB) తలపడనుంది. ఆరంభ వేడుకలు ముగిసిన అనంతరం 7:30 గంటలకు మ్యాచ్‌ టాస్‌ వేస్తారు. రాత్రి 8 గంటలకు మ్యాచ్‌ మొదలవుతుంది.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.