Amanjot Kaur: అప్పుడు కపిల్‌.. ఇప్పుడు అమన్‌

దక్షిణాఫ్రికా గెలవాలంటే 54 బంతుల్లో 79 పరుగులు చేయాలి. అయినా ఆ జట్టు ధీమాగా ఉంది. సెంచరీ చేసిన కెప్టెన్‌ లారా వోల్వార్ట్‌ ఇంకా క్రీజులో ఉండడమే ఇందుకు కారణం. ఈ స్థితిలో దీప్తిశర్మ వేసిన ఇన్నింగ్స్‌ 42వ ఓవర్లో వోల్వార్ట్‌ ఓ భారీ షాట్‌కు ప్రయత్నించింది. డీప్‌ మిడ్‌ వికెట్‌లోకి బంతి గాల్లోకి లేచింది. దూసుకొచ్చిన అమన్‌జ్యోత్‌ మొదట బంతిని పట్టేసినట్లే పట్టి విడిచిపెట్టింది. వెంటనే తేరుకుని మళ్లీ ప్రయత్నించింది ఈసారీ దొరకలేదు. మూడోసారి మాత్రం ఆమె చేతిలో ఒదిగిపోయింది. 1983 ప్రపంచకప్‌లో వివ్‌ రిచర్డ్స్‌ క్యాచ్‌ను కపిల్‌ ఇలాగే పట్టి మ్యాచ్‌ను మలుపు తిప్పాడు.