Suryakumar Yadav: సూర్య భాయ్.. ఇలాగైతే వన్డేల్లో కష్టమేనోయ్!
వన్డే ప్రపంచ కప్లో చోటు దక్కించుకున్న సూర్యకుమార్ యాదవ్ (Suryakumar Yadav).. ఆసియా కప్లో వచ్చిన ఒకే ఒక్క అవకాశాన్ని మాత్రం దుర్వినియోగం చేసుకున్నాడు. ఓ పక్క యువ బ్యాటర్ గిల్ సెంచరీతో రాణించగా.. సూర్య మాత్రం తన బలహీనతను మరోసారి బయటపెట్టుకుని పెవిలియన్కు చేరాడు.
వరల్డ్ కప్ స్క్వాడ్లో ఉండటం గొప్పే కానీ.. స్టార్ ప్లేయర్ అయి ఉండి తుది జట్టులో స్థానం దక్కించుకుని మ్యాచ్లు ఆడలేకపోతే మాత్రం ‘ఉన్నా లేనట్లే’. బోలెడంత టాలెంట్ ఉంది. క్రీజ్లో కుదురుకుంటే వీరబాదుడు బాదేస్తాడనే పేరుంది. తీరా, అన్నీ ఉన్నా అల్లుడి నోట్లో శని అన్నట్లుగా వచ్చిన అవకాశాలను మాత్రం అందిపుచ్చుకోలేక విమర్శలు ఎదుర్కొంటున్నాడు మన ‘మిస్టర్ 360’ ఆటగాడు సూర్యకుమార్ యాదవ్.
Rohit Sharma: రోహిత్.. దశ సహస్ర వీర!
వన్డేల్లో గొప్ప ప్రదర్శన లేకపోయినప్పటికీ సూర్యకుమార్కు అవకాశాలు వస్తూనే ఉన్నాయి. గత పది వన్డేల్లో ఒక్కటంటే ఒక్క హాఫ్ సెంచరీ లేదంటే మీరు నమ్మగలరా..? ఈ పదింట్లో అతడి అత్యధిక స్కోరు 35 పరుగులు కావడం గమనార్హం. టీ20ల్లో చిరుతలా ప్రత్యర్థి బౌలర్లపై విరుచుకుపడే సూర్య.. 50 ఓవర్ల ఫార్మాట్కు వచ్చేసరికి ఇబ్బంది పడుతున్నాడు. అయినా, వెస్టిండీస్ సిరీస్కు, ఆసియా కప్ జట్టులో ఉన్నాడు. ఇక వరల్డ్ కప్ కోసం ప్రకటించిన 15 మంది జాబితాలోనూ చోటు దక్కింది. ఇప్పటి వరకు వచ్చిన అవకాశాలను సద్వినియోగం చేసుకోలేకపోతున్న సూర్య అభిమానులను తీవ్ర నిరాశకు గురి చేశాడు. ఇప్పుడు మరోసారి హాట్ టాపిక్గా మారాడు.
ఈ ఆసియా కప్లో తొలిసారి..
ఆసియా కప్ ఫైనల్కు భారత్ వెళ్లింది. దీంతో బంగ్లాదేశ్తో నామమాత్రమైన మ్యాచ్లో ప్రయోగాలకు కెప్టెన్ రోహిత్ సిద్ధమై టాస్ నెగ్గి తొలుత బౌలింగ్ ఎంచుకున్నాడు. ఫ్లడ్లైట్ల కింద ఛేదన ఎలా ఉంటుంది.. బౌలింగ్కు అనుకూలంగా ఉన్న పిచ్పై బ్యాటర్లు ఎలా ఆడతారు.. రిజర్వ్ బెంచ్లోని ఆటగాళ్లను పరీక్షించుకోవడానికి వేదికగా మార్చుకున్నాడు. ఈ క్రమంలో యువ బ్యాటర్ తిలక్ వర్మతోపాటు సూర్యకుమార్ యాదవ్కు అవకాశం దక్కింది. టాప్ ఆర్డర్లో శుభ్మన్ గిల్ (121) మినహా మిగతావారంతా విఫలమై నిరాశపరిచారు. తిలక్ (5) త్వరగా పెవిలియన్కు చేరాడు. అయితే, మిడిలార్డర్లో కీలకంగా మారతాడని భావించిన సూర్య (26) ఆరంభంలో ఆచితూచి ఆడాడు. క్రీజ్లో కుదురుకున్నాక దూకుడుగా ఆడటం మొదలుపెట్టాడు. అంతా ఓకే విలువైన పరుగులు చేస్తున్నాడని భావిస్తున్న వేళ.. తనకెంతో ఇష్టమైన స్వీప్ షాట్ను కొట్టే ప్రయత్నంలో బోల్తా పడ్డాడు. షకిబ్ తెలివిగా సంధించిన బంతిని అంచనా వేయడంలో విఫలమైన సూర్య క్లీన్బౌల్డ్ కావడం గమనార్హం.
ఎందుకిలా..?
టీ20 ఫార్మాట్లో సక్సెస్ అయిన నంబర్వన్ బ్యాటర్ సూర్యకుమార్ అనూహ్యంగా వన్డేల్లో విఫలం కావడంపై అందరిలోనూ సందిగ్ధత నెలకొంది. ఎందుకు ఇలా పరుగులు చేయడానికి ఇబ్బంది పడుతున్నాడనే అనుమానాలు తలెత్తడం సహజమే. పొట్టి ఫార్మాట్లో ఇరగదీసే సూర్య వన్డేల్లో మాత్రం బ్యాట్ను ఝుళిపించకపోవడానికి ప్రధాన కారణం ఒత్తిడి. టీ20ల్లో సాధారణంగా బౌలర్లపై ఆ ఒత్తిడి ప్రభావం ఉంటుంది. నాలుగు ఓవర్ల కోటాలో భారీగా పరుగులు ఇవ్వకుండా ఉండాలనే లక్ష్యంతో బౌలర్లు బరిలోకి దిగుతారు. కానీ, బ్యాటర్లు మాత్రం ఉన్న కాసేపైనా వీరబాదుడు బాదేయడానికే చూస్తారు. అదే, వన్డేలకొచ్చేసరికి ఇదొక విభిన్నమైన ఫార్మాట్. ఇక్కడ తొలుత నిలకడగా ఆడాలి. ఆ తర్వాత కాస్త దూకుడు పెంచాలి.. చివర్లో బాదుడు మొదలెట్టాలి. అంటే ప్యాసింజర్ రైలు వేగం నుంచి ఎక్స్ప్రెస్ వేగానికి మారి.. అక్కడ నుంచి బుల్లెట్ ట్రైన్లా దూసుకుపోవాల్సి ఉంటుంది. కానీ, సూర్య మాత్రం వచ్చీ రాగానే దూకుడుగా ఆడటానికి ప్రయత్నించడం.. అతడిని ఊరించేలా బౌలర్లు బంతులను సంధించడం.. వాటికి దొరికిపోవడం కూడా కారణాలుగా విశ్లేషకుల అంచనా వేశారు. వన్డేల్లో వినియోగించే మైదానాలు, పిచ్లు కూడా విభిన్నంగా ఉంటాయి. టీ20ల్లో బ్యాటర్లకు అనుకూలంగా ఉండేవి వాడుతుంటారు. 50 ఓవర్ల ఫార్మాట్ విషయానికొస్తే మాత్రం బ్యాటింగ్, బౌలింగ్కు సమానంగా అవకాశాలు ఉంటాయి.
వన్డే భవిష్యత్తు కష్టమే..
ఇప్పుడు ఆసియా కప్లో ఒకే ఒక్క మ్యాచ్ మిగిలి ఉంది. అదీనూ శ్రీలంకతో ఫైనల్. కాబట్టి, సూర్యకుమార్కు తుది జట్టులో అవకాశం రాకపోవచ్చు. మినీ టోర్నీ ముగిసిన తర్వాత ఆసీస్తో వన్డే సిరీస్ ఉంది. సెప్టెంబర్ 22 నుంచి మూడు వన్డేల సిరీస్ ప్రారంభం కానుంది. ఇందులో అవకాశం వచ్చి రాణించలేకపోతే మాత్రం ప్రపంచ కప్ జట్టు నుంచి ఉద్వాసన తప్పకపోవచ్చు. ఒక వేళ స్క్వాడ్లో ఉన్నా తుది జట్టులో అవకాశం మాత్రం రావడం గగనమవుతుంది. మరోవైపు సంజూ శాంసన్ తన ఛాన్స్ కోసం కాచుకుని ఉన్నాడు. మిడిలార్డర్లో దూకుడుగా ఆడే రిషభ్ పంత్ లేనిలోటును సూర్యకుమార్ తీరుస్తాడని భావించినా.. అతడి ఫామ్ను చూస్తే తుది జట్టులో కనీసం స్థానం దక్కడం కూడా కష్టమే.
-ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్