గురువు పాటవం.. గోడలూ చెబుతాయి పాఠం

పాఠాలు చెప్పి వదిలేయకుండా ఆయా అంశాలకు సంబంధించిన బొమ్మలను తరగతి గదిలో గోడలపై స్వయంగా వేస్తూ విద్యార్థులకు అర్థమయ్యేలా వివరిస్తున్నారు నాగర్‌కర్నూల్‌ జిల్లా తిమ్మాజీపేట మండలం గొరిట జడ్పీ ఉన్నత పాఠశాలలో  జీవశాస్త్ర ఉపాధ్యాయుడు రాచర్ల నరేందర్‌. 1998 నుంచి ఇప్పటివరకు ఆయన పనిచేసిన ఐదు బడులను ఇలా రంగులతో మార్చారు.  తరగతి గదులు, వరండాల్లో పుస్తకాల్లోని అంశాలు, స్వాతంత్య్ర సమరయోధులు, మేధావుల బొమ్మలు వేశారు. ఇదంతా సెలవు రోజులు, పాఠశాల ముగిసిన తర్వాతే చేస్తారు. ఇప్పటివరకు రంగులకు దాదాపు రూ.2 లక్షలు వెచ్చించినట్లు ఆయన చెబుతున్నారు.

న్యూస్‌టుడే, తిమ్మాజీపేట