Fire: మంటల్లో కాలిపోయిన భవంతులు.. నలుగురు మృతి, 14 మంది మిస్సింగ్‌

మాద్రీద్‌: స్పెయిన్‌లోని వాలెన్సీయా నగరంలో భారీ అగ్నిప్రమాదం (Valencia Fire Incident) చోటుచేసుకుంది. రెండు బహుళ అంతస్తుల నివాస భవనాలు మంటల్లో చిక్కుకుపోయిన ఘటనలో నలుగురు మృతి చెందగా.. 13 మందికి గాయాలయ్యాయి. వారిలో అగ్నిమాపక సిబ్బంది కూడా ఉన్నారు. మరో 14 మంది ఆచూకీ లభించాల్సి ఉంది. ఈ సమాచారం అందుకున్న వెంటనే రంగంలోకి దిగిన సహాయక సిబ్బంది క్రేన్ల సాయంతో పలువురిని రక్షించారు.

గూగుల్ ‘జెమిని’లో మోదీపై వివాదాస్పద సమాధానం.. కేంద్రం సీరియస్‌

తొలుత ఓ భవనంలో చెలరేగిన మంటలు క్రమంగా పక్కనే ఉన్న మరో దానికి వ్యాపించినట్లు సమాచారం. అగ్నికీలలు, పెద్దఎత్తున పొగ వెలువడుతోన్న దృశ్యాలు నెట్టింట చక్కర్లు కొడుతున్నాయి. ఈ ప్రమాదానికి గల కారణాలు, భవంతుల్లో ఎంతమంది ఉన్నారో తెలియరాలేదు. భవన నిర్మాణంలో వాడిన సామగ్రి కారణంగా మంటలు వేగంగా విస్తరించినట్లు స్థానిక వార్తా సంస్థలు తెలిపాయి. స్పెయిన్‌ ప్రధాని పెడ్రో షాంచేజ్‌ ఈ ఘటనపై తీవ్ర దిగ్భ్రాంతి వ్యక్తంచేశారు.