రూ.వందల కోట్లున్నా.. అమ్మాయి దొరకట్లేదు!

ఇంటర్నెట్‌ డెస్క్‌: కాలిఫోర్నియాకు చెందిన సంపన్నుడు బ్రియాన్‌ జాన్సన్‌ (45) పద్దెనిమిదేళ్ల యువకుడిలా కనిపించేందుకు ఏటా రూ.16 కోట్లు ఖర్చుపెడుతున్నా.. తనకు తోడు దొరకడం లేదని ఆవేదన వ్యక్తం చేస్తున్నాడు. ఇతడికి ప్రత్యేకంగా ఓ వైద్యుల బృందం చికిత్స అందిస్తోంది. వృద్ధాప్య ఛాయలు దరిచేరకుండా రూ.కోట్లు ఖర్చుపెడుతున్న ఈ ధనవంతుడి వ్యవహారం ఇప్పటికే వార్తల్లో నిలిచిన సంగతి తెలిసిందే. అమితమైన సంపద, అందం రెండూ ఉన్నా ఏ మగువా ఎందుకు దగ్గరకావడం లేదంటే.. ఈయన పెట్టిన పది షరతులే కారణం. ఇటీవల ఓ పాడ్‌కాస్ట్‌ ఇంటర్వ్యూలో తన అనుభావాలను పంచుకున్న బ్రియాన్‌ ప్రస్తుతం ఒంటరిగానే ఉన్నానని, భాగస్వామి దొరకడం కష్టమైన మాట నిజమేనని అంగీకరించాడు. ‘‘డేటింగుకు వెళదామనుకొన్నపుడు.. మొదట నేను ఓ జాబితా అమ్మాయి ముందుంచుతా. దాన్ని చూసి జీవిత భాగస్వామిగా ఉండేందుకు ఎవరూ ముందుకు రావడం లేదు. నాకు ముడుచుకొని పడుకోవడం అలవాటు. భాగస్వామితో ఉన్నప్పుడు అలా ఉండలేం కదా. రోజుకు 111 మాత్రలు వేసుకుంటా’’ అని బ్రియాన్‌ జాన్సన్‌ వివరించాడు.