గాజా కాల్పుల విరమణపై పీటముడి!
గాజాలో కాల్పుల విరమణకు సంబంధించి పీటముడి పడింది. శాశ్వత కాల్పుల విరమణను మాత్రమే తాము ఆమోదిస్తామని హమాస్ పేర్కొంటుంటే, యుద్ధాన్ని ఆపేదే లేదని, గాజాలోని రఫాపై దండయాత్ర ఖాయమని ఇజ్రాయెల్ అంటోంది.
ఒప్పందం కుదిరినా యుద్ధం ముగించే ప్రసక్తే లేదు
బ్లింకెన్కు స్పష్టంచేసిన నెతన్యాహు
తాత్కాలిక విరమణైతే ఒప్పకోం: హమాస్
టెల్ అవీవ్: గాజాలో కాల్పుల విరమణకు సంబంధించి పీటముడి పడింది. శాశ్వత కాల్పుల విరమణను మాత్రమే తాము ఆమోదిస్తామని హమాస్ పేర్కొంటుంటే, యుద్ధాన్ని ఆపేదే లేదని, గాజాలోని రఫాపై దండయాత్ర ఖాయమని ఇజ్రాయెల్ అంటోంది. కాల్పుల విరమణకు సంబంధించి అమెరికా, ఈజిప్టు, ఖతార్ మధ్యవర్తిత్వంతో ప్రస్తుతం కైరోలో చర్చలు జరుగుతున్న సంగతి తెలిసిందే. 40 రోజుల కాల్పుల విరమణ.. హమాస్ చెరలోని 33 మంది బందీల విడుదల.. ప్రతిగా భారీ సంఖ్యలో పాలస్తీనా ఖైదీలను విడిచిపెట్టడం...ఇదీ ఇజ్రాయెల్ ప్రతిపాదన. హమాస్ మాత్రం తాత్కాలిక కాల్పుల విరమణకు ససేమిరా అంటోంది. పశ్చిమాసియాలో పర్యటనలో భాగంగా బుధవారం ఇజ్రాయెల్ చేరుకున్న అమెరికా విదేశాంగ మంత్రి ఆంటోనీ బ్లింకెన్.. ప్రధాని నెతన్యాహుతో చర్చలు జరిపారు. ఈ సందర్భంగా గాజా యుద్ధాన్ని ముగించే ప్రసక్తే లేదని నెతన్యాహు స్పష్టంచేసినట్లు తెలుస్తోంది. శాశ్వత కాల్పుల విరమణకూ తమ దేశం అంగీకరించదన్న విషయాన్నీ ఆయన బ్లింకెన్కు చెప్పినట్లు సమాచారం. నెతన్యాహుతో చర్చల అనంతరం బ్లింకెన్ మాట్లాడారు. ఇజ్రాయెల్ ఉదారంగా చేసిన ప్రతిపాదనకు అంగీకారం తెలపాల్సింది హమాసేనని పేర్కొన్నారు. ‘‘వాళ్ల (హమాస్) ముందు ప్రతిపాదన ఉంది. ఆలస్యం చేయకుండా, సాకులు చెప్పకుండా దాన్ని వారు ఆమోదించాలి’’ అని బ్లింకెన్ తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమెరికాలో చైనా ‘సైన్యం’.. ట్రంప్ ప్రచారంపై రచ్చ!
చైనా నుంచి అమెరికాకు వలసలు భారీగా పెరిగాయని.. వాటివల్ల భవిష్యత్తులో ముప్పు పొంచివుందని మాజీ అధ్యక్షుడు డొనాల్డ్ ట్రంప్ ఆందోళన వ్యక్తంచేశారు. -
34 ఏళ్లకే నానమ్మ.. ఆ ఇన్ఫ్లుయెన్సర్ ఏం చెప్పారంటే!
సింగపూర్కు చెందిన ఓ ఇన్ఫ్లుయెన్సర్.. 34 ఏళ్లకే నానమ్మ అయ్యారు. తన 17ఏళ్ల కుమారుడు గతేడాది తండ్రి అయిన విషయాన్ని ఆమె ఇటీవల వెల్లడించారు. -
రాచరిక చట్టాలపై అసమ్మతి గళం.. నెలల తరబడి నిరాహార దీక్షతో హక్కుల కార్యకర్త మృతి!
థాయ్లాండ్లో రాచరిక చట్టాలపై అసమ్మతి గళం వినిపించిన ఓ మహిళా కార్యకర్త నెలల తరబడి నిరాహార దీక్ష అనంతరం మృతి చెందారు.
తాజా వార్తలు (Latest News)
-
నిశిరాత్రిలో ఘోరం.. అయిదుగురి సజీవదహనం
-
నేటి రాశి ఫలాలు.. 12 రాశుల ఫలితాలు ఇలా... (15/05/24)
-
‘2గంటల జర్నీ 20 నిమిషాల్లోనే..’ సాధ్యమవుతుందని ఎప్పుడైనా అనుకున్నామా?: రష్మిక
-
అమెరికాలో చైనా ‘సైన్యం’.. ట్రంప్ ప్రచారంపై రచ్చ!
-
34 ఏళ్లకే నానమ్మ.. ఆ ఇన్ఫ్లుయెన్సర్ ఏం చెప్పారంటే!
-
బికినీలో అనన్య పాండే.. కాబోయే భర్తతో వరలక్ష్మి ఫొటో