ఆషాఢం.. కొత్త కోడళ్లకు సెలవు రోజులే! - importance of ashada masam and its significance
close
Published : 11/07/2021 12:23 IST

ఆషాఢం.. కొత్త కోడళ్లకు సెలవు రోజులే!

ఆషాఢమాసం.. కొత్తగా కాపురానికి వెళ్లిన కూతుర్ని మళ్లీ పుట్టింటికి తీసుకొచ్చే మాసం. ఈ క్రమంలో అబ్బాయికి, అమ్మాయి తరఫు వారు చిన్న చిన్న కట్నకానుకల రూపంలో ఆషాఢపట్టి పెట్టి అమ్మాయిని ఈ నెల రోజుల పాటు పుట్టింటికి తీసుకెళ్తారు. మళ్లీ శ్రావణ మాసం తొలిరోజున అమ్మాయి అత్తవారు.. అమ్మాయికి చీరతో పాటు ఇతర కానుకలు శ్రావణ పట్టి రూపంలో ఇచ్చి కోడలిని తమ ఇంటికి తెచ్చుకుంటారు. అలాగే ఈ నెలరోజుల పాటు అత్తాకోడళ్లు ఒకేచోట ఉండకూడదని, భర్త కూడా అత్తారింట్లో అడుగు పెట్టకూడదన్నది అనాదిగా వస్తున్న ఆచారం. ఈ మాసంలో పెళ్లిళ్లు, శంకుస్థాపనలు, గృహప్రవేశాలు.. తదితర శుభకార్యాలు కూడా చేయరు. కాబట్టే ఈ మాసాన్ని 'శూన్య మాసం'గా వ్యవహరిస్తారు. ఇంతకీ ఆషాఢం నేపథ్యం ఏంటంటారా?

నేపథ్యమిదే..

ఆషాఢమాసం గ్రీష్మ రుతువులో వస్తుంది. పౌర్ణమి రోజున 'ఉత్తరాషాఢ' నక్షత్రం రావడం వల్ల ఈ నెలకు ఉత్తరాషాఢ అని కూడా పేరు. ఈ మాసంలో గాలి ఎక్కువగా వీస్తూ ఉంటుంది. పూర్వ కాలంలో శుభకార్యాలు, యజ్ఞ యాగాదులు ఖాళీ ప్రదేశాల్లో చేసేవారు. గాలి ఎక్కువగా ఉండటం వల్ల వీటిని చేయడంలో ఇబ్బంది ఎదురవుతుండేది. అందుకే అప్పట్నుంచి ఆషాఢంలో ఎలాంటి శుభకార్యాలు చేసేవారు కాదు.. ఈ మాసంలో అనేక పండుగలు, పర్వదినాలు కూడా ఉన్నాయి. ఆషాఢ శుద్ధ ఏకాదశి విష్ణు ఆరాధనకు అత్యంత ముఖ్యమైన తిథి. దీన్ని తొలి ఏకాదశి అని కూడా అంటారు. ఇక్కడి నుంచి వారానికి లేదా ప్రతి 15 రోజులకోసారైనా ఏదో ఒక పండుగ, వ్రతం, పూజ ఉంటాయి.

భార్యాభర్తల ఎడబాటు..

ఆషాఢమాసంలో కొత్తగా పెళ్త్లెన జంటలు దూరంగా ఉండాలన్న సంప్రదాయం మనకు తెలిసిందే.. ఈ క్రమంలో వధువును పుట్టింటికి తీసుకెళ్లే ఆచారం ఇప్పటికీ కొన్ని చోట్ల కనిపిస్తుంది. ఎందుకంటే ఈ మాసంలో స్త్రీ నెల తప్పితే.. 9 నెలల తర్వాత అంటే మార్చి నుంచి మే మధ్య కాలంలో (వేసవి కాలంలో) ప్రసవం జరుగుతుంది. ఈ సమయంలో ఉష్ణోగ్రతలు బాగా ఎక్కువగా ఉంటాయి. కాబట్టి పుట్టిన శిశువుకు ఈ వేడి వాతావరణం బాగా ఇబ్బందికరంగా మారుతుంది. అలాగే ఈ వేడి ప్రభావం తల్లీబిడ్డలిద్దరి ఆరోగ్యం మీదా పడుతుంది. అందుకే భార్యాభర్తలను విడివిడిగా ఉంచేవారు. కొత్త కోడలిని పుట్టింటికి పంపించేవారు. అలాగే కొత్త అల్లుడు కూడా అత్తవారింటి గడప తొక్కకూడదన్న సంప్రదాయం కూడా ఇందుకే వచ్చింది.

గోరింటాకు అంతరార్థం..

ఆషాఢమాసంలో చాలామంది తమ చేతులను, కాళ్లను గోరింటాకుతో పండించుకోవడం తెలిసిందే.. ఎందుకంటే ఈ మాసంలో వచ్చే వాతావరణ మార్పుల ప్రభావం శరీరంపై పడకుండా, ఎలాంటి చర్మ వ్యాధులు రాకుండా ఉండటానికి అందరూ గోరింటాకు పెట్టుకుంటారు.

భార్యాభర్తలిద్దరూ ఉద్యోగాలు చేయడం సర్వసాధారణమైపోయిన ఈ రోజుల్లో ఇప్పుడు ఈ ఆచారాలను అంతగా పాటించకపోవచ్చు. దంపతులిద్దరూ దూరంగా ఉండకపోవచ్చు. అలాగే గర్భనిరోధక సాధనాలు ప్రతి ఒక్కరికీ అందుబాటులో ఉన్న ఈ రోజుల్లో వేసవిలో పిల్లలు పుడితే ఇబ్బందేమో అన్న సంశయమూ ఇప్పటి తరానికి ఉండకపోవచ్చు. కానీ వాడుకలో ఉన్న ప్రతి ఆచారం, సంప్రదాయానికీ ఒక శాస్త్రీయ నేపథ్యం ఉంటుందనడానికి ఆషాఢమే ఒక చక్కటి ఉదాహరణ!

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని