Breaking | Feedback | ePratibha | E-PAPER | Pratibha

చెన్నై X కోల్‌కతా ఐపీఎల్ మ్యాచ్‌ లైవ్‌ అప్‌డేట్స్‌

వరుసగా మూడు మ్యాచ్‌ల్లో విజయాలు సాధించి జోరు మీదున్న కోల్‌కతాకు చెన్నై షాక్‌ ఇచ్చింది. చెపాక్‌ స్టేడియం వేదికగా జరిగిన మ్యాచ్‌లో ఏడు వికెట్ల తేడాతో చెన్నై ఘన విజయం సాధించింది.

Updated : 08 Apr 2024 23:11 IST

08/04/2024 23:01(IST)

Chennai vs Kolkata: కోల్‌కతాకు షాక్.. చెన్నై ఘన విజయం

వరుసగా మూడు మ్యాచ్‌ల్లో విజయాలు సాధించి జోరు మీదున్న కోల్‌కతాకు చెన్నై షాక్‌ ఇచ్చింది.
చెపాక్‌ స్టేడియం వేదికగా జరిగిన మ్యాచ్‌లో ఏడు వికెట్ల తేడాతో చెన్నై ఘన విజయం సాధించింది.
తొలుత కోల్‌కతాను 137/9కే కట్టడి చేసిన చెన్నై.. ఈ స్వల్ప లక్ష్యాన్ని 17.4 ఓవర్లలో 3 వికెట్లు కోల్పోయి ఛేదించింది.
కెప్టెన్ రుతురాజ్ గైక్వాడ్ (67*) అర్ధ శతకంతో మెరిశాడు.
శివమ్ దూబె (28), డారిల్ మిచెల్ (25) పరుగులు చేశారు.
కోల్‌కతా బౌలర్లలో వైభవ్ అరోరా 2, సునీల్ నరైన్ ఒక వికెట్ పడగొట్టారు.

08/04/2024 22:34(IST)

Chennai vs Kolkata: డారిల్ మిచెల్ (25) క్లీన్‌బౌల్డ్.. చెన్నై రెండో వికెట్

డారిల్ మిచెల్ (25) ఔటయ్యాడు. దీంతో చెన్నై రెండో వికెట్ కోల్పోయింది.
సునీల్ నరైన్‌ వేసిన 12.3 ఓవర్‌కు క్లీన్‌బౌల్డ్ అయ్యాడు.
13 ఓవర్లకు స్కోరు 99/2. రుతురాజ్ గైక్వాడ్ (53), శివమ్‌ దూబె (1) క్రీజులో ఉన్నారు.

08/04/2024 22:31(IST)

Chennai vs Kolkata: రుతురాజ్‌ హాఫ్‌ సెంచరీ..100కు చేరువలో చెన్నై

వరుణ్‌ చక్రవర్తి వేసిన 12 ఓవర్‌లో ఏడు పరుగులు వచ్చాయి.
ఈ క్రమంలోనే రుతురాజ్ గైక్వాడ్ (51) అర్ధ శతకం పూర్తి చేసుకున్నాడు.
12 ఓవర్లకు స్కోరు 96/1. డారిల్ మిచెల్ (25) పరుగులతో ఉన్నాడు.

08/04/2024 22:12(IST)

Chennai vs Kolkata: కట్టుదిట్టంగా బౌలింగ్ చేసిన వరుణ్ చక్రవర్తి

వరుణ్‌ చక్రవర్తి కట్టుదిట్టంగా బౌలింగ్ చేశాడు.
ఇన్నింగ్స్‌ ఎనిమిదో ఓవర్‌ వేసి ఒకే పరుగు ఇచ్చాడు.
8 ఓవర్లకు స్కోరు 67/1. డారిల్ మిచెల్ (16), రుతురాజ్‌ గైక్వాడ్ (34) పరుగులతో ఉన్నారు.

08/04/2024 22:04(IST)

Chennai vs Kolkata: డారిల్ మిచెల్‌ క్యాచ్‌ మిస్‌.. గైక్వాడ్ రెండు ఫోర్లు

డారిల్ మిచెల్ (3) ఔటయ్యే ప్రమాదం నుంచి తప్పించుకున్నాడు.
వైభవ్ వేసిన ఆరో ఓవర్‌లో మూడో బంతికి మిచెల్ ఇచ్చిన క్యాచ్‌ను రమణ్‌దీప్‌ మిస్‌ చేశాడు.
తర్వాత రుతురాజ్‌ గైక్వాడ్ (32) వరుసగా రెండు ఫోర్లు బాదాడు.
6 ఓవర్లకు స్కోరు 52/1.

08/04/2024 21:53(IST)

తొలి వికెట్‌ కోల్పోయిన చెన్నై

రచిన్‌ రూపంలో చెన్నై తొలి వికెట్‌ కోల్పోయింది
వైభవ్‌ వేసిన నాలుగో ఓవర్‌ రెండో బంతిని ఎదుర్కొన్న రచిన్‌(15) వరుణ్‌కి క్యాచ్‌ ఇచ్చి ఔటయ్యాడు
క్రీజులో గైక్వాడ్‌(11), డారిల్‌ మిచెల్‌ (1) ఉన్నారు
ఈ ఓవర్లో వచ్చిన మొత్తం పరుగులు 3
నాలుగు ఓవర్లకు చెన్నై స్కోరు 29/1

08/04/2024 21:16(IST)

Chennai vs Kolkata: చెలరేగిన చెన్నై బౌలర్లు.. కోల్‌కతా@ 137/9

కోల్‌కతాతో జరుగుతున్న మ్యాచ్‌లో చెన్నై బౌలర్లు చెలరేగారు.
దీంతో తొలుత బ్యాటింగ్ చేసిన కోల్‌కతా నిర్ణీత 20 ఓవర్లలో 9 వికెట్ల నష్టానికి 137 పరుగులే చేసింది.
శ్రేయస్ అయ్యర్ (34) టాప్‌ స్కోరర్‌. సునీల్ నరైన్ (27), రఘువంశీ (24) పరుగులు చేశారు.
చెన్నై బౌలర్లలో జడేజా 3, తుషార్‌ దేశ్‌పాండే 3, ముస్తాఫిజుర్ 2, తీక్షణ ఒక వికెట్ పడగొట్టారు.

08/04/2024 21:06(IST)

Chennai vs Kolkata: రస్సెల్ ఔట్.. కోల్‌కతా ఏడో వికెట్

కోల్‌కతా ఏడో వికెట్ కోల్పోయింది. ఆండ్రూ రస్సెల్ (10) ఔటయ్యాడు.
తుషార్‌ దేశ్‌పాండే వేసిన 18.2 ఓవర్‌కు భారీ షాట్ ఆడి డారిల్‌ మిచెల్‌కు క్యాచ్‌ ఇచ్చాడు.
19 ఓవర్లకు స్కోరు 135/7. అనుకుల్ రాయ్ (3), శ్రేయస్ అయ్యర్ (34) పరుగులతో ఉన్నారు.

08/04/2024 20:53(IST)

Chennai vs Kolkata: కోల్‌కతాకు బిగ్ షాక్.. రింకు సింగ్ ఔట్

కోల్‌కతాకు బిగ్ షాక్‌ తగిలింది. హార్డ్ హిట్టర్ రింకు సింగ్ (9) తక్కువ స్కోరుకే వెనుదిరిగాడు.
తుషార్ దేశ్‌పాండే వేసిన 17 ఓవర్‌లో నాలుగో బంతిని హిట్టింగ్‌ చేయబోయి వికెట్ల మీదికి ఆడుకున్నాడు.
17 ఓవర్లకు స్కోరు 113/6. రస్సెల్ (1), శ్రేయస్ అయ్యర్ (27) క్రీజులో ఉన్నారు.

08/04/2024 20:44(IST)

Chennai vs Kolkata: కట్టుదిట్టంగా చెన్నై బౌలింగ్.. 15 ఓవర్లు పూర్తి

చెన్నై బౌలర్లు కట్టుదిట్టమైన బౌలింగ్ కొనసాగిస్తున్నారు.
మహీశ్‌ తీక్షణ వేసిన 15 ఓవర్‌లో ఐదు పరుగులు వచ్చాయి.
15 ఓవర్లకు స్కోరు 99/5. శ్రేయస్ అయ్యర్ (20), రింకు సింగ్ (4) పరుగులతో ఉన్నారు.

08/04/2024 20:35(IST)

Chennai vs Kolkata: అదరగొట్టిన జడ్డూ.. నాలుగు ఓవర్లలో 18 రన్స్‌, 3 వికెట్లు

జడేజా కోటా ఓవర్లు పూర్తి అయ్యాయి.
అతడు నాలుగు ఓవర్లు వేసి 18 పరుగులు ఇచ్చి మూడు వికెట్లు పడగొట్టాడు.
13 ఓవర్లకు స్కోరు 88/5. రింకు సింగ్ (1), శ్రేయస్ అయ్యర్ (13) పరుగులతో ఉన్నారు.

08/04/2024 20:29(IST)

Chennai vs Kolkata: సిక్స్‌ కొట్టాడు.. తర్వాతి బంతికే క్లీన్‌బౌల్డ్

తీక్షణ వేసిన 12 ఓవర్‌లో నాలుగో బంతికి రమణ్‌దీప్‌ సింగ్ (13) సిక్స్ బాదాడు.
అతడు తర్వాతి బంతికే క్లీన్‌బౌల్డ్ అయ్యాడు.
దీంతో కోల్‌కతా 85 పరుగుల వద్ద ఐదో వికెట్ కోల్పోయింది.
రింకు సింగ్ (0), శ్రేయస్ అయ్యర్ (11) క్రీజులో ఉన్నారు.

08/04/2024 20:14(IST)

Chennai vs Kolkata: వెంకటేశ్ అయ్యర్ ఔట్.. జడేజాకు మూడో వికెట్

జడేజా విజృంభిస్తున్నాడు. వెంకటేశ్ అయ్యర్ (3)ని ఔట్ చేసి మ్యాచ్‌లో మూడో వికెట్‌ను ఖాతాలో వేసుకున్నాడు.
జడ్డూ వేసిన 8.2 ఓవర్‌కు వెంకటేశ్‌.. డారిల్ మిచెల్‌కు చిక్కాడు.
దీంతో 64 పరుగుల వద్ద కోల్‌కతా నాలుగో వికెట్ కోల్పోయి కష్టాల్లో పడింది.
9 ఓవర్లకు స్కోరు 66/4. రమణ్‌దీప్ సింగ్ (2), శ్రేయస్ అయ్యర్ (3) పరుగులతో ఉన్నారు.

08/04/2024 20:13(IST)

Chennai vs Kolkata: పొదుపుగా బౌలింగ్ చేసిన తీక్షణ

తన మొదటి ఓవర్‌లో 13 పరుగులు ఇచ్చిన మహీశ్‌ తీక్షణ రెండో ఓవర్‌ పొదపుగా బౌలింగ్‌ చేశాడు.
ఇన్నింగ్స్‌ ఎనిమిదో ఓవర్‌ వేసి రెండు పరుగులు మాత్రమే ఇచ్చాడు.
8 ఓవర్లకు స్కోరు 63/3. వెంకటేశ్‌ అయ్యర్ (3), శ్రేయస్ అయ్యర్ (2) పరుగులతో ఉన్నారు.

08/04/2024 20:08(IST)

Chennai vs Kolkata: ఒకే ఓవర్లో రెండు వికెట్లు పడగొట్టిన జడేజా

ఒకే ఓవర్‌లో ఇద్దరు సెటిల్ బ్యాటర్లను ఔట్ చేశాడు జడేజా.
ఈ ఓవర్‌లో తొలి బంతికి రఘువంశీని వెనక్కి పంపిన జడ్డూ.. ఐదో బంతికి సునీల్ నరైన్ (27)ను ఔట్ చేశాడు.
నరైన్ భారీ షాట్ ఆడి తీక్షణకు చిక్కాడు.
7 ఓవర్లకు స్కోరు 61/3. వెంకటేశ్‌ అయ్యర్ (1), శ్రేయస్ అయ్యర్ (2) పరుగులతో ఉన్నారు.

08/04/2024 19:58(IST)

Chennai vs Kolkata: దూకుడుగా బ్యాటింగ్‌.. 5 ఓవర్లకే కోల్‌కతా 50

కోల్‌కతా బ్యాటర్లు దూకుడుగా ఆడుతున్నారు.
మహీశ్ తీక్షణ్ వేసిన ఐదో ఓవర్‌లో 13 పరుగులు వచ్చాయి.
రెండో బంతికి రఘువంశీ (19) సిక్సర్‌ బాదాడు. ఇది 81 మీటర్ల సిక్స్‌.
చివరి బంతికి సునీల్ నరైన్ ((26) కూడా సిక్స్‌ కొట్టడంతో కోల్‌కతా స్కోరు 50కి చేరింది.

08/04/2024 19:47(IST)

Chennai vs Kolkata: బాదుడు మొదలెట్టిన సునీల్ నరైన్

కోల్‌కతా ఓపెనర్ సునీల్ నరైన్‌ బాదుడు మొదలెట్టాడు.
తుషార్ దేశ్‌పాండే వేసిన మూడో ఓవర్‌లో రెండు ఫోర్లు, ఓ సిక్స్‌ రాబట్టాడు.
ఇదే ఓవర్‌లో లెగ్‌బైస్‌ రూపంలో బౌండరీ వచ్చింది.
3 ఓవర్లకు స్కోరు 26/1. నరైన్‌ (15), రఘువంశీ (6) పరుగులతో ఉన్నారు.

08/04/2024 19:41(IST)

Chennai vs Kolkata: మ్యాచ్‌లో ఫస్ట్ బౌండరీ బాదిన రఘువంశీ

కోల్‌కతా వన్‌డౌన్ బ్యాటర్ రఘువంశీ మ్యాచ్‌లో తొలి బౌండరీ బాదాడు.
ముస్తాఫిజుర్‌ వేసిన రెండో ఓవర్‌లో నాలుగో బంతికి ఫోర్ కొట్టాడు.
2 ఓవర్లకు స్కోరు 7/1. రఘువంశీ (6), నరైన్ (1) క్రీజులో ఉన్నారు.

08/04/2024 19:37(IST)

Chennai vs Kolkata: దేశ్‌పాండే సూపర్ బౌలింగ్‌.. తొలి బంతికే వికెట్

పేసర్ తుషార్ దేశ్‌పాండే తొలి ఓవర్‌ అద్భుతంగా బౌలింగ్ చేశాడు.
మొదటి బంతికే ఫిలిప్‌ సాల్ట్‌ను వెనక్కి పంపాడు.
తర్వాతి ఐదు బంతుల్లో ఒకే సింగిల్ ఇచ్చాడు.
సునీల్ నరైన్ (0), రఘువంశీ (1) క్రీజులో ఉన్నారు.

08/04/2024 19:32(IST)

Chennai vs Kolkata: కోల్‌కతాకు షాక్.. తొలి బంతికే వికెట్

టాస్‌ ఓడి బ్యాటింగ్‌కు దిగిన కోల్‌కతాకు తొలి ఓవర్‌లోనే షాక్ తగిలింది.
ఫిలిప్‌ సాల్ట్ (0) ఔటయ్యాడు.
తుషార్‌ దేశ్‌పాండే వేసిన ఇన్నింగ్స్‌ తొలి బంతికే బ్యాక్‌వర్డ్ పాయింట్‌లో జడేజాకు చిక్కాడు.

08/04/2024 19:09(IST)

Chennai vs Kolkata: కోల్‌కతా తుది జట్టు ఉన్నది వీరే

శ్రేయస్ అయ్యర్ (కెప్టెన్), ఫిలిప్‌ సాల్ట్ (వికెట్ కీపర్‌), సునీల్ నరైన్, వెంకటేశ్‌ అయ్యర్, రఘువంశీ, ఆండ్రూ రస్సెల్, రింకు సింగ్, రమణ్‌దీప్‌ సింగ్, మిచెల్ స్టార్క్‌, వైభవ్ అరోరా, వరుణ్ చక్రవర్తి.

08/04/2024 19:07(IST)

Chennai vs Kolkata: చెన్నై తుది జట్టు ఇదే

రుతురాజ్‌ గైక్వాడ్ (కెప్టెన్‌), రచిన్ రవీంద్ర, అజింక్య రహానె, డారిల్ మిచెల్, సమీర్ రిజ్వీ, రవీంద్ర జడేజా, ఎంఎస్ ధోనీ (వికెట్ కీపర్‌), శార్దూల్ ఠాకూర్, ముస్తాఫిజుర్ రెహ్మన్, తుషార్ దేశ్‌పాండే, మహీశ్ తీక్షణ.

08/04/2024 19:02(IST)

Chennai vs Kolkata: టాస్‌ గెలిచి బౌలింగ్‌ ఎంచుకున్న చెన్నై

మరికాసేపట్లో చెపాక్‌ స్టేడియం వేదికగా చెన్నై, కోల్‌కతా జట్లు తలపడనున్నాయి.
టాస్‌ గెలిచిన చెన్నై కెప్టెన్ రుతురాజ్‌ గైక్వాడ్ బౌలింగ్‌ ఎంచుకున్నాడు.

08/04/2024 17:37(IST)

రుతురాజ్‌ ఫామ్‌పై ఆందోళన లేదు: చెన్నై బౌలింగ్‌ కోచ్‌ ఎరిక్‌

ఈ ఐపీఎల్‌ సీజన్‌లో చెన్నై కెప్టెన్‌గా కొత్త బాధ్యతలు చేపట్టిన యువ ఆటగాడు రుతురాజ్‌ గైక్వాడ్‌ వ్యక్తిగతంగా ఆకట్టుకోలేకపోతున్నాడు. ఓపెనర్‌గా గత సీజన్లలో చెన్నైకి మంచి ఆరంభాలు అందించిన అతడు.. ఇప్పుడు ఆ ఫామ్‌ను కొనసాగించలేకపోతున్నాడు. దీనిపై జట్టు బౌలింగ్‌ కోచ్‌ ఎరిక్‌ సైమన్స్‌ స్పందిస్తూ సారథికి అండగా నిలిచాడు. పూర్తి వార్త కోసం క్లిక్‌ చేయండి

08/04/2024 16:50(IST)

Chennai vs Kolkata: చెన్నై మళ్లీ గెలుపు బాట పడుతుందా?

డిఫెండింగ్ ఛాంపియన్‌ చెన్నై మొదటి రెండు మ్యాచ్‌ల్లో గెలిచి ఊపు మీద కనిపించింది.
కానీ, తర్వాత రెండు మ్యాచ్‌ల్లో ఓటమిపాలై డీలా పడింది. కోల్‌కతాపై నెగ్గి మళ్లీ గెలుపు బాటపట్టాలని చూస్తోంది.

App

చెన్నై X కోల్‌కతా ఐపీఎల్ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

గోద్రేజ్‌ విభజన షేర్ల బదిలీతోనే.. ముంబయిలోని 3400 ఎకరాలు జెంషెడ్‌ వర్గానికి..

రస్‌మలై, బిర్యానీ మానేసి.. 16కిలోలు తగ్గి..

బద్వేలులో భూబకాసురులు...ఆ బావబామ్మర్దులు!

రెండేళ్లలో ఆరు ప్రభుత్వ ఉద్యోగాలు

రేవంత్‌ మహారాష్ట్ర.. కేసీఆర్‌ గుజరాత్‌!

ప్రైవేటు ఆస్తిని సమాజ ఉమ్మడి వనరుగా నిర్ణయిస్తే భవిష్యత్తుకు ఇంకేమీ మిగలదు

సుఖీభవ

చదువు