Breaking | Feedback | ePratibha | E-PAPER | Pratibha

దిల్లీ X హైదరాబాద్‌ ఐపీఎల్‌ మ్యాచ్‌ లైవ్‌ అప్‌డేట్స్‌..

దిల్లీతో జరుగుతున్న మ్యాచ్‌లో హైదరాబాద్‌ భారీ స్కోరు సాధించింది. నిర్ణీత 20 ఓవర్లలో 7 వికెట్ల నష్టానికి 266 పరుగులు చేసింది.

Updated : 20 Apr 2024 21:26 IST

20/04/2024 23:11(IST)

Delhi vs Hyderabad: దిల్లీ 199 ఆలౌట్.. హైదరాబాద్ ఘన విజయం

267 పరుగుల లక్ష్యఛేదనలో దిల్లీ 199 పరుగులకు ఆలౌటైంది.
దీంతో హైదరాబాద్‌ 67 పరుగుల తేడాతో ఘన విజయం సాధించింది.
తొలుత బ్యాటింగ్ చేసిన హైదరాబాద్ 7 వికెట్ల నష్టానికి 266 పరుగులు చేసింది.
ఈ సీజన్‌లో హైదరాబాద్‌కు ఇది వరుసగా నాలుగో విజయం.
దిల్లీ బ్యాటర్లలో జేక్ ఫ్రేజర్‌ (65; 18 బంతుల్లో), అభిషేక్‌ పోరెల్‌ (42; 22 బంతుల్లో) ఉన్నంతసేపు మెరుపులు మెరిపించారు.
రిషబ్‌ పంత్‌ (44; 34 బంతుల్లో) దూకుడుగా ఆడలేకపోయాడు.
హైదరాబాద్‌ బౌలర్లలో నటరాజన్‌ 4, మయాంక్‌ 2, నితీశ్‌ కుమార్ రెడ్డి 2, భువనేశ్వర్, వాషింగ్టన్‌ సుందర్‌ తలో వికెట్‌ తీశారు.

20/04/2024 23:01(IST)

Delhi vs Hyderabad: మ్యాచ్‌పై పట్టు బిగించిన హైదరాబాద్

బౌలర్లు కట్టుదిట్టంగా బౌలింగ్ చేస్తుండటంతో మ్యాచ్‌పై హైదరాబాద్ పట్టు బిగించింది.
భువనేశ్వర్‌ వేసిన 17 ఓవర్‌లో 9 పరుగులు వచ్చాయి.
దిల్లీ సాధించాల్సిన రన్‌రేట్ 26కు చేరుకుంది.
17 ఓవర్లకు స్కోరు 188/6. రిషభ్ పంత్ (35), అక్షర్ పటేల్ (4) క్రీజులో ఉన్నారు.

20/04/2024 22:43(IST)

Delhi vs Hyderabad: కట్టుదిట్టంగా బౌలింగ్ చేసిన కమిన్స్

తన తొలి ఓవర్‌లో 20 పరుగులు ఇచ్చిన కమిన్స్ తర్వాత కట్టుదిట్టంగా బౌలింగ్ చేస్తున్నాడు.
అతడు తన తర్వాతి రెండు ఓవర్లలో నాలుగు పరుగులే ఇచ్చాడు.
14 ఓవర్లకు స్కోరు 159/5. లలిత్ యాదవ్ (3), రిషభ్ పంత్ (16) పరుగులతో ఉన్నారు.

20/04/2024 22:33(IST)

Delhi vs Hyderabad: స్టబ్స్‌ (10) ఔట్.. దిల్లీ ఐదో వికెట్

దిల్లీ ఐదో వికెట్ కోల్పోయింది. ట్రిస్టన్ స్టబ్స్ (10) ఔటయ్యాడు.
నితీశ్ కుమార్‌ రెడ్డి వేసిన 13 ఓవర్లో రెండో బంతికి షాబాజ్‌ అహ్మద్‌కు క్యాచ్‌ ఇచ్చాడు.
ఈ ఓవర్‌లో నాలుగు పరుగులు రావడంతోపాటు ఒక వికెట్ పడింది.
13 ఓవర్లకు స్కోరు 157/5. లలిత్ యాదవ్ (2), రిషభ్ పంత్ (15) పరుగులతో ఉన్నారు.

20/04/2024 22:22(IST)

Delhi vs Hyderabad: 10 ఓవర్లు పూర్తి.. దిల్లీ స్కోరు ఎంతంటే?

267 పరుగుల లక్ష్యఛేదనలో దిల్లీ గట్టి పోటీనిస్తోంది.
10 ఓవర్లు ముగిసేసరికి 138/4 స్కోరుతో నిలిచింది.
రిషభ్ పంత్ (2), ట్రిస్టన్ స్టబ్స్ (6) పరుగులతో ఉన్నారు.
దిల్లీ విజయానికి 60 బంతుల్లో 129 పరుగులు అవసరం.

20/04/2024 22:17(IST)

Delhi vs Hyderabad: అభిషేక్ పొరెల్ (42) ఔట్.. దిల్లీ నాలుగో వికెట్

దిల్లీ నాలుగో వికెట్ కోల్పోయింది. అభిషేక్ పొరెల్ (42) ఔటయ్యాడు.
మయాంక్ మార్కండే వేసిన తొమ్మిదో ఓవర్‌లో స్టంపౌటయ్యాడు.
9 ఓవర్లకు స్కోరు 136/4. స్టబ్స్ (5), రిషభ్ పంత్ (1) క్రీజులో ఉన్నారు.

20/04/2024 22:13(IST)

Delhi vs Hyderabad: దంచికొడుతున్న అభిషేక్ పొరెల్

అభిషేక్ పొరెల్ (41; 21 బంతుల్లో) దూకుడుగా ఆడుతున్నాడు.
షాబాజ్‌ అహ్మద్‌ వేసిన ఎనిమిదో ఓవర్‌లో మొదటి మూడు బంతులకు వరసగా 4, 4, 6 బాది చివరి బంతికి బౌండరీ రాబట్టాడు.
8 ఓవర్లకు స్కోరు 131/3. ట్రిస్టన్ స్టబ్స్‌ (3) పరుగులతో ఉన్నాడు.

20/04/2024 22:08(IST)

Delhi vs Hyderabad: ఫ్రేజర్ (65) ఔట్.. దిల్లీ మూడో వికెట్

జేక్ ఫ్రేజర్ (65; 18 బంతుల్లో) ఔటయ్యాడు.
మయాంక్ మార్కండే వేసిన ఏడో ఓవర్‌లో మూడు సిక్సర్లు బాదిన అతడు చివరి బంతికి క్లాసెన్‌కు క్యాచ్‌ ఇచ్చాడు.
7 ఓవర్లకు స్కోరు 109/3. అభిషేక్ పొరెల్ (22) పరుగులతో ఉన్నాడు.

20/04/2024 21:56(IST)

Delhi vs Hyderabad: దిల్లీ బ్యాటర్ల దూకుడు.. 5 ఓవర్‌లో 20 పరుగులు

దిల్లీ బ్యాటర్లు దూకుడుగా ఆడుతున్నారు.
కమిన్స్‌ వేసిన ఐదో ఓవర్లో 20 పరుగులు రాబట్టారు.
అభిషేక్ పొరెల్ (15) వరుసగా రెండు ఫోర్లు బాదగా.. జేక్ ఫ్రేజర్ (46) ఫోర్, సిక్స్ కొట్టాడు.
5 ఓవర్లకు స్కోరు 81/2.

20/04/2024 21:45(IST)

Delhi vs Hyderabad: మూడో ఓవర్.. వరుసగా 4, 4, 6, 4, 6, 6

దిల్లీ వన్‌డౌన్ బ్యాటర్ జేక్ ఫ్రేజర్ చెలరేగి ఆడుతున్నాడు.
వాషింగ్టన్ సుందర్ వేసిన మూడో ఓవర్‌లో వరుసగా 4, 4, 6, 4, 6, 6 బాదేశాడు.
దీంతో ఈ ఓవర్లో అతడు 30 పరుగులు పిండుకున్నాడు.
3 ఓవర్లకు స్కోరు 55/2. ఫ్రేజర్ (35), అభిషేక్ పొరెల్ (0) క్రీజులో ఉన్నారు.

20/04/2024 21:42(IST)

Delhi vs Hyderabad: డేవిడ్ వార్నర్ (1) ఔట్.. దిల్లీ రెండో వికెట్

దిల్లీ మరో వికెట్ కోల్పోయింది. డేవిడ్ వార్నర్ (1) ఔటయ్యాడు.
భువనేశ్వర్‌ కుమార్‌ వేసిన రెండో ఓవర్‌లో చివరి బంతికి మిడాఫ్‌లో కమిన్స్‌కు దొరికిపోయాడు.
2 ఓవర్లకు స్కోరు 25/2. జేక్ ఫ్రేజర్ (5) క్రీజులో ఉన్నాడు.

20/04/2024 21:34(IST)

Delhi vs Hyderabad: వరుసగా నాలుగు ఫోర్లు.. ఐదో బంతికి ఔట్

లక్ష్యఛేదనకు దిగిన దిల్లీకి తొలి ఓవర్లోనే షాక్‌..
ఓపెనర్ పృథ్వీ షా (16; 5 బంతుల్లో) ఔటయ్యాడు.
వాషింగ్టన్ సుందర్ వేసిన తొలి ఓవర్లో మొదటి నాలుగు బంతులకు బౌండరీలు బాదిన పృథ్వీ షా ఐదో బంతికి సమద్‌కు క్యాచ్‌ ఇచ్చాడు.
1 ఓవర్‌కు స్కోరు 16/1.

20/04/2024 21:16(IST)

Delhi vs Hyderabad: దంచికొట్టిన హైదరాబాద్‌ ఓపెనర్లు.. దిల్లీ లక్ష్యం 267

దిల్లీతో జరుగుతున్న మ్యాచ్‌లో హైదరాబాద్‌ ఓపెనర్లు ట్రావిస్ హెడ్ (89; 32 బంతుల్లో 11 ఫోర్లు, 6 సిక్స్‌లు), అభిషేక్ శర్మ (46; 12 బంతుల్లో 2 ఫోర్లు, 6 సిక్స్‌లు) విశ్వరూపం ప్రదర్శించారు.
షాబాజ్‌ అహ్మద్ (59*; 29 బంతుల్లో 2 ఫోర్లు, 5 సిక్స్‌లు) చివర్లో మెరుపులు మెరిపించాడు.
దీంతో నిర్ణీత 20 ఓవర్లలో హైదరాబాద్ 7 వికెట్ల నష్టానికి 266 పరుగుల భారీ స్కోరు సాధించింది.
నితీశ్ రెడ్డి (37; 27 బంతుల్లో 2 ఫోర్లు, 2 సిక్స్‌లు) రాణించాడు.
మార్‌క్రమ్ (1) విఫలం కాగా.. హెన్రిచ్‌ క్లాసెన్ (15; 8 బంతుల్లో 2 సిక్స్‌లు), అబ్దుల్ సమద్ (13; 8 బంతుల్లో 1 ఫోర్, 1 సిక్స్) ఎక్కువసేపు క్రీజులో నిలవలేదు.
దిల్లీ బౌలర్లలో కుల్‌దీప్‌ యాదవ్ నాలుగు వికెట్లు పడగొట్టాడు. ముకేశ్ కుమార్‌, అక్షర్ పటేల్ తలో వికెట్ తీశారు.

20/04/2024 20:58(IST)

Delhi vs Hyderabad: నితీశ్ రెడ్డి (37) ఔట్.. హైదరాబాద్ ఐదో వికెట్

దూకుడుగా ఆడుతున్న నితీశ్ రెడ్డి (37; 27 బంతుల్లో) ఔటయ్యాడు.
కుల్‌దీప్‌ యాదవ్ వేసిన 17 ఓవర్‌లో నాలుగో బంతికి సిక్సర్ బాదిన నితీశ్.. చివరి బంతికి భారీ షాట్ ఆడి వార్నర్‌కు దొరికిపోయాడు.
దీంతో హైదరాబాద్‌ ఐదో వికెట్ కోల్పోయింది. 17 ఓవర్లకు స్కోరు 221/5.

20/04/2024 20:46(IST)

Delhi vs Hyderabad: 15 ఓవర్లు.. 200 దాటిన హైదరాబాద్ స్కోరు

అక్షర్ పటేల్ వేసిన 15 ఓవర్‌లో 11 పరుగులు వచ్చాయి.
ఐదో బంతికి షాబాజ్‌ అహ్మద్‌ (24) సిక్సర్ బాదగా.. మిగిలిన బంతులకు సింగిల్స్‌ వచ్చాయి.
15 ఓవర్లకు స్కోరు 205/4. నితీశ్ రెడ్డి (26) పరుగులతో ఉన్నాడు.

20/04/2024 20:35(IST)

Delhi vs Hyderabad: నిలకడగా ఆడుతున్న షాబాజ్‌, నితీశ్

హైదరాబాద్‌ బ్యాటర్లు నిలకడగా ఆడుతున్నారు.
అక్షర్‌ పటేల్ వేసిన 13 ఓవర్‌లో 9 పరుగులు రాబట్టారు.
ఐదో బంతికి నితీశ్‌ రెడ్డి (16) బౌండరీ బాదాడు. మిగిలిన బంతులకు సింగిల్స్ వచ్చాయి.
13 ఓవర్లకు స్కోరు 184/4. షాబాజ్‌ అహ్మద్‌ (13) పరుగులతో ఉన్నాడు.

20/04/2024 20:27(IST)

Delhi vs Hyderabad: పుంజుకున్న దిల్లీ బౌలర్లు.. నెమ్మదించిన స్కోరు వేగం

దిల్లీ బౌలర్లు పుంజుకుని వరుసగా వికెట్లు పడగొట్టడంతో హైదరాబాద్ స్కోరు వేగం నెమ్మదించింది.
నోకియా వేసిన 11 ఓవర్‌లో నాలుగు పరుగులు మాత్రమే వచ్చాయి.
11 ఓవర్లకు స్కోరు 162/4. షాబాజ్ అహ్మద్‌ (4), నితీశ్ రెడ్డి (3) పరుగులతో ఉన్నారు.

20/04/2024 20:18(IST)

Delhi vs Hyderabad: క్లాసెన్‌ను క్లీన్‌బౌల్డ్ చేసిన అక్షర్ పటేల్

హైదరాబాద్‌ నాలుగో వికెట్ కోల్పోయింది. గత ఓవర్‌లో రెండు సిక్సర్లు బాదిన హెన్రిచ్ క్లాసెన్ (15; 8 బంతుల్లో) పెవిలియన్ చేరాడు.
అక్షర్ పటేల్ వేసిన 10 ఓవర్‌లో తొలి బంతికి క్లీన్‌బౌల్డ్ అయ్యాడు.
10 ఓవర్లకు స్కోరు 158/4. నితీశ్‌ రెడ్డి (1), షాబాజ్‌ అహ్మద్‌ (3) పరుగులతో ఉన్నారు.

20/04/2024 20:15(IST)

Delhi vs Hyderabad: ట్రావిస్ హెడ్ (89) ఔట్.. ఊపిరి పీల్చుకున్న దిల్లీ బౌలర్లు

ట్రావిస్ హెడ్ (89; 32 బంతుల్లో 11 ఫోర్లు, 6 సిక్స్‌లు) విధ్వంసక ఇన్నింగ్స్‌కు తెరపడింది.
కుల్‌దీప్ వేసిన 9వ ఓవర్‌లో చివరి బంతికి స్టబ్స్‌కు క్యాచ్‌ ఇచ్చాడు.
9 ఓవర్లకు స్కోరు 154/3.

20/04/2024 20:07(IST)

Delhi vs Hyderabad: ఒకే ఓవర్‌లో రెండు వికెట్లు పడగొట్టిన కుల్‌దీప్‌ యాదవ్

కుల్‌దీప్‌ యాదవ్ ఒకే ఓవర్లో మరో వికెట్ పడగొట్టాడు.
ఐడెన్ మార్‌క్రమ్ (1) ఏడో ఓవర్లో చివరి బంతికి అక్షర్ పటేల్‌కు చిక్కాడు.
ఇదే ఓవర్లో రెండో బంతికి అభిషేక్ ఔటైన సంగతి తెలిసిందే.
7 ఓవర్లకు స్కోరు 133/2. ట్రావిడస్ హెడ్ (85) పరుగులతో ఉన్నాడు.

20/04/2024 20:00(IST)

Delhi vs Hyderabad: సెంచరీ దిశగా ట్రావిస్ హెడ్.. పవర్‌ ప్లేలో రికార్డు స్కోరు

ముకేశ్‌ కుమార్‌ వేసిన ఆరో ఓవర్‌లో 22 పరుగులు వచ్చాయి.
ఈ ఓవర్‌లో ట్రావిస్ హెడ్ వరుసగా... 4, 4, 4, 4, 0, 6 బాదాడు.
దీంతో పవర్ ప్లే ముగిసేసరికి హైదరాబాద్ 125/0 స్కోరు సాధించింది.
అభిషేక్‌ శర్మ (40) పరుగులతో ఉన్నాడు. హెడ్ (84; 26 బంతుల్లో) సెంచరీకి చేరువలో ఉన్నాడు.
ఐపీఎల్ చరిత్రలో పవర్‌ ప్లేలో ఇదే అత్యధిక స్కోరు.

20/04/2024 19:55(IST)

Delhi vs Hyderabad: 5 ఓవర్లకే 100 దాటిన హైదరాబాద్ స్కోరు

హైదరాబాద్ ఓపెనర్లు దిల్లీ బౌలర్లకు చుక్కలు చూపిస్తున్నారు.
ప్రతి ఓవర్లో సిక్సర్లు, బౌండరీలు బాదుతూ ముచ్చెమటలు పట్టిస్తున్నారు.
కుల్‌దీప్‌ యాదవ్ వేసిన ఐదో ఓవర్లో అభిషేక్ శర్మ (40; 10 బంతుల్లో) మూడు సిక్సర్లు బాదేశాడు.
5 ఓవర్లకు స్కోరు 103/0. ట్రావిస్ హెడ్ (62) పరుగులతో ఉన్నాడు.

20/04/2024 19:49(IST)

Delhi vs Hyderabad: చెలరేగి ఆడుతున్న అభిషేక్ శర్మ

అభిషేక్ శర్మ (21; 6 బంతుల్లో) కూడా చెలరేగి ఆడుతున్నాడు.
లలిత్ యాదవ్ వేసిన నాలుగో ఓవర్‌లో అతడు రెండు సిక్సర్లు బాదాడు.
ట్రావిస్ హెడ్ (61) కూడా చివరి బంతిని స్టాండ్స్‌లోకి పంపాడు.
4 ఓవర్లకు హైదరాబాద్ స్కోరు 83/0.

20/04/2024 19:44(IST)

Delhi vs Hyderabad: 16 బంతుల్లోనే హెడ్ హాఫ్‌ సెంచరీ.. 3 ఓవర్లకే 60 దాటిన స్కోరు

ట్రావిస్ హెడ్ మరోసారి తన విశ్వరూపం ప్రదర్శిస్తున్నాడు.
నోకియా వేసిన మూడో ఓవర్‌లో నాలుగు ఫోర్లు, ఓ సిక్స్ బాది 16 బంతుల్లోనే హాఫ్‌ సెంచరీ పూర్తి చేసుకున్నాడు.
దీంతో 3 ఓవర్లకే హైదరాబాద్ స్కోరు 62కు చేరింది.
హెడ్ (54), అభిషేక్ శర్మ (8) పరుగులతో ఉన్నారు.

20/04/2024 19:41(IST)

Delhi vs Hyderabad: దంచికొడుతున్న ట్రావిస్ హెడ్

తొలి ఓవర్లో రెండు ఫోర్లు, ఓ సిక్స్ బాదిన ట్రావిస్ హెడ్ (32).. రెండో ఓవర్లో అదే దూకుడు ప్రదర్శించాడు.
లలిత్ యాదవ్ బౌలింగ్‌లో వరుసగా రెండు సిక్సర్లు బాది తర్వాత ఓ బౌండరీ రాబట్టాడు.
చివరి బంతిని అభిషేక్ శర్మ (4) బౌండరీకి పంపాడు. 2 ఓవర్లకు స్కోరు 40/0.

20/04/2024 19:36(IST)

Delhi vs Hyderabad: ప్రారంభమైన మ్యాచ్‌.. తొలి ఓవర్‌లోనే 19 పరుగులు

దిల్లీ, హైదరాబాద్ జట్ల మధ్య మ్యాచ్‌ ప్రారంభమైంది.
టాస్ ఓడి హైదరాబాద్‌ బ్యాటింగ్‌కు దిగింది.
ఓపెనర్ ట్రావిస్ హెడ్ తొలి ఓవర్‌ నుంచే దూకుడుగా ఆడుతున్నాడు.
ఖలీల్ అహ్మద్ వేసిన మొదటి ఓవర్‌లో తొలి బంతి డాట్. తర్వాత హెడ్ వరుసగా 6, 4, 4 బాదేశాడు.
చివరి బంతికి అభిషేక్‌ శర్మ (4) ఫోర్ కొట్టాడు. 1 ఓవర్‌కు హైదరాబాద్ స్కోరు 19/0.

20/04/2024 19:15(IST)

Delhi vs Hyderabad: దిల్లీ తుది జట్టులో చోటు దక్కింది వీరికే

డేవిడ్ వార్నర్, జేక్ ఫ్రేజర్, అభిషేక్ పొరెల్, రిషభ్‌ పంత్ (కెప్టెన్‌), ట్రిస్టన్‌ స్టబ్స్‌, అక్షర్ పటేల్, లలిత్ యాదవ్, కుల్‌దీప్‌ యాదవ్, అన్రిచ్‌ నోకియా, ముకేశ్ కుమార్‌, ఖలీల్ అహ్మద్‌.

ఇంపాక్ట్ సబ్‌స్టిట్యూట్‌లు: పృథ్వీ షా, షై హోప్, ప్రవీణ్ దూబె, రషిక్‌ దార్ సలామ్, సుమిత్ కుమార్.

20/04/2024 19:13(IST)

Delhi vs Hyderabad: హైదరాబాద్‌ తుది జట్టు ఇదే

ట్రావిస్ హెడ్, అభిషేక్ శర్మ, ఐడెన్ మార్‌క్రమ్‌, హెన్రిచ్‌ క్లాసెన్, అబ్దుల్ సమద్, నితీశ్ కుమార్‌ రెడ్డి, షాబాజ్‌ అహ్మద్, పాట్ కమిన్స్ (కెప్టెన్), భువనేశ్వర్‌ కుమార్‌, మయాంక్‌ మార్కండే, నటరాజన్.

ఇంపాక్ట్ సబ్‌స్టిట్యూట్‌లు: ఉమ్రాన్‌ మాలిక్, అన్మోల్‌ప్రీత్ సింగ్, ఆకాశ్‌ మహరాజ్‌ సింగ్, గ్లెన్ ఫిలిప్స్‌, వాషింగ్టన్‌ సుందర్.

20/04/2024 19:01(IST)

Delhi vs Hyderabad: ఒక్క వికెట్ దూరంలో భువీ..

సుదీర్ఘకాలంగా హైదరాబాద్‌ జట్టుకు ప్రాతినిధ్యం వహిస్తున్న భువనేశ్వర్‌ కుమార్‌ మరో వికెట్ పడగొడితే ఓ రికార్డు అందుకోనున్నాడు.
హైదరాబాద్‌ తరఫున 150 వికెట్లు పడగొట్టిన తొలి బౌలర్‌గా అవతరించనున్నాడు.
ప్రస్తుతం హైదరాబాద్ తరఫున భువీ 149 వికెట్లు పడగొట్టాడు. దిల్లీతో జరిగే మ్యాచ్‌లో భువనేశ్వర్‌ ఈ రికార్డు సాధించే ఛాన్స్ ఉంది.

20/04/2024 16:35(IST)

Delhi vs Hyderabad: తుది జట్లు (అంచనా)

దిల్లీ: పృథ్వీ షా, సుమిత్ కుమార్, జేక్ ఫ్రేజర్, ట్రిస్టన్ స్టబ్స్, షై హోప్, రిషభ్ పంత్ (కెప్టెన్/వికెట్ కీపర్), అక్షర్ పటేల్, కుల్‌దీప్‌ యాదవ్, ఇషాంత్ శర్మ, ముకేశ్ కుమార్‌, ఖలీల్ అహ్మద్.

హైదరాబాద్‌: ట్రావిస్ హెడ్, అభిషేక్ శర్మ, ఐదెన్ మార్‌క్రమ్, హెన్రిచ్ క్లాసెన్ (వికెట్ కీపర్), అబ్దుల్ సమద్, నితీశ్‌ రెడ్డి, షహ్‌బాజ్ అహ్మద్, పాట్ కమిన్స్ (వికెట్ కీపర్), భువనేశ్వర్ కుమార్, జయ్‌దేవ్ ఉనద్కత్, నటరాజన్‌.

20/04/2024 16:32(IST)

Delhi vs Hyderabad: పిచ్‌ పరిస్థితి..

ఐపీఎల్ 17వ సీజన్‌లో దిల్లీ వేదికగా జరగబోయే తొలి మ్యాచ్‌ ఇదే. ఇంతకుముందు మహిళల ప్రీమియర్‌ లీగ్‌లో సగం మ్యాచ్‌లు ఇక్కడే జరిగాయి. దీంతో మైదానాన్ని సిద్ధం చేసేందుకు సమయం పట్టింది. డబ్ల్యూపీఎల్‌లో కొన్ని మ్యాచుల్లో భారీ స్కోర్లు నమోదైనప్పటికీ... టోర్నీ సాగే కొద్దీ పిచ్‌ మందకొడిగా మారిపోయింది. పేస్‌తోపాటు స్పిన్‌కూ అనుకూలంగా ఉంటుందని క్రికెట్ విశ్లేషకుల అంచనా.

20/04/2024 16:31(IST)

దిల్లీ కోటలో తొలి మ్యాచ్‌.. హైదరాబాద్‌ దూకుడు కొనసాగేనా?

దూకుడే ఆయుధంగా దుమ్ము రేపుతోంది హైదరాబాద్‌. ప్రత్యర్థి ఎవరన్నది లెక్క చేయకుండా ‘భారీ’ స్కోర్ల రికార్డులను తిరగరాస్తూ చెలరేగుతోంది. మరోవైపు వరుసగా రెండు విజయాలు సాధించి హ్యాట్రిక్‌పై కన్నేసిన దిల్లీ.. ఇరు జట్ల మధ్య పోరుకు వేదికగా అరుణ్‌జైట్లీ స్టేడియం నిలిచింది. ఐపీఎల్ 17వ సీజన్‌లో ఇక్కడ తొలి మ్యాచ్‌ కావడం విశేషం. పూర్తి వార్త కోసం క్లిక్ చేయండి

దిల్లీ X హైదరాబాద్‌ ఐపీఎల్‌ మ్యాచ్‌ లైవ్‌ అప్‌డేట్స్‌..

తాజా వార్తలు (Latest News)

‘తుపాకీతో బెదిరించి.. అత్యాచారం చేసి..’ - ప్రజ్వల్‌పై మహిళ ఫిర్యాదు

ఈనాడు.నెట్‌లో టాప్‌ 10 వార్తలు @ 9 PM

‘అప్రమత్తంగా ఉండండి’ : ఇజ్రాయెల్‌, ఇరాన్‌ వెళ్లే భారతీయులకు విదేశాంగ సూచన

ఎన్నికల వేళ.. ‘సూపర్ సీఎం’ సతీమణిపై బదిలీ వేటు

ఫేక్‌ యాప్స్‌కు గూగుల్‌ చెక్‌.. ప్రభుత్వ అప్లికేషన్లకు ఇకపై లేబుల్స్‌

ఉగ్రదాడులకు కుట్ర.. ఉక్రెయిన్‌ ‘ఏజెంట్‌’ను చంపిన రష్యా

సుఖీభవ

చదువు