Breaking | Feedback | ePratibha | E-PAPER | Pratibha

IND vs AFG: రోహిత్‌ సెంచరీ.. టీమ్ఇండియా ఘన విజయం

అఫ్గానిస్థాన్‌ను చిత్తుగా భారత్ చిత్తుగా ఓడించింది. రోహిత్ శర్మ (131; 84 బంతుల్లో 16 ఫోర్లు, 5 సిక్స్‌లు) ‘శత’క్కొట్టడంతో అఫ్గాన్ నిర్దేశించిన 273 పరుగుల లక్ష్యాన్ని రెండు వికెట్లు కోల్పోయి టీమ్‌ఇండియా 35 ఓవర్లలోనే ఛేదించింది.

Updated : 11 Oct 2023 21:15 IST

11/10/2023 21:01(IST)

భారత్ ఘన విజయం

అఫ్గానిస్థాన్‌ను భారత్ చిత్తుగా ఓడించింది.
రోహిత్ శర్మ (131; 84 బంతుల్లో 16 ఫోర్లు, 5 సిక్స్‌లు) ‘శత’క్కొట్టడంతో అఫ్గాన్ నిర్దేశించిన 273 పరుగుల లక్ష్యాన్ని టీమ్‌ఇండియా రెండు వికెట్లు కోల్పోయి 35 ఓవర్లలోనే ఛేదించింది.
విరాట్ కోహ్లీ (55*; 56 బంతుల్లో 6 ఫోర్లు)అర్ధ శతకం బాదాడు.
ఇషాన్‌ కిషన్‌ (47; 47 బంతుల్లో 5 ఫోర్లు, 2 సిక్స్‌లు) త్రుటిలో అర్ధ శతకం చేజార్చుకున్నాడు.
శ్రేయస్ అయ్యర్ (25*) పరుగులు చేశాడు.
అఫ్గాన్‌ బౌలర్లలో రషీద్‌ ఖాన్‌ 2 వికెట్లు తీశాడు.

11/10/2023 20:25(IST)

రోహిత్ ఔట్

రోహిత్ శర్మ (131; 84 బంతుల్లో 16 ఫోర్లు, 5 సిక్స్‌లు) ఔటయ్యాడు.
రషీద్‌ఖాన్‌ వేసిన 25.4 ఓవర్‌కు బౌల్డ్ అయ్యాడు.
దీంతో 205 పరుగుల వద్ద భారత్ రెండో వికెట్ కోల్పోయింది.
26 ఓవర్లకు స్కోరు 207/2. కోహ్లీ (19), శ్రేయస్ అయ్యర్ (1) క్రీజులో ఉన్నారు.

11/10/2023 19:47(IST)

రోహిత్ సెంచరీ.. సచిన్ రికార్డు బ్రేక్

భారత కెప్టెన్ రోహిత్ శర్మ సెంచరీ పూర్తి చేసుకున్నాడు. అతడు 63 బంతుల్లోనే మూడంకెల స్కోరు అందుకున్నాడు.
మహ్మద్‌ నబీ వేసిన 18 ఓవర్‌లో మొదటి బంతికి ఫోర్ బాది 99 పరుగులకే చేరుకున్న హిట్ మ్యాన్‌ తర్వాతి బంతికి సింగిల్ తీసి శతకం పూర్తి చేసుకున్నాడు.
63 బంతుల్లో సెంచరీ మార్క్‌ను అందుకుని ప్రపంచకప్‌లో వేగవంతమైన సెంచరీ చేసిన భారత ఆటగాడిగా రికార్డు సృష్టించాడు.
ఈ క్రమంలోనే ప్రపంచకప్‌లో ఏడో సెంచరీ ఖాతాలో వేసుకుని రోహిత్.. సచిన్ (6) పేరిట ఉన్న రికార్డును బ్రేక్ చేశాడు.

11/10/2023 19:11(IST)

అత్యధిక సిక్సర్ల వీరుడిగా రోహిత్

అంతర్జాతీయ క్రికెట్‌లో అత్యధిక సిక్స్‌లు బాదిన క్రికెటర్‌గా రోహిత్ శర్మ చరిత్ర సృష్టించాడు.
ఈ మ్యాచ్‌లో నవీనుల్‌ హక్‌ వేసిన ఎనిమిదో ఓవర్‌లో ఐదో బంతికి సిక్స్ బాది ఈ ఘనత అందుకున్నాడు.
అంతకుముందు ఈ రికార్డు క్రిస్ గేల్ (553 సిక్స్‌లు) పేరిట ఉండేది.

11/10/2023 18:52(IST)

రోహిత్@1000

రోహిత్ శర్మ దూకుడుగా ఆడుతున్నాడు.
ఫజల్హక్ ఫారూఖీ వేసిన ఐదో ఓవర్‌లో రెండో బంతికి సిక్స్ బాది ప్రపంచకప్‌లో 1000 పరుగులు పూర్తి చేసుకున్నాడు.
హిట్‌మ్యాన్‌ ఇదే ఓవర్‌లో చివరి రెండు బంతులను బౌండరీకి పంపాడు.
5 ఓవర్లకు స్కోరు 37/0. రోహిత్ (31), ఇషాన్‌ (5) పరుగులతో ఉన్నారు.

11/10/2023 18:48(IST)

రెండు ఫోర్లు

ముజిబుర్‌ రెహ్మన్‌ వేసిన నాలుగో ఓవర్‌లో టీమ్ఇండియా ఓపెనర్లు రెండు ఫోర్లు బాదారు.
రెండో బంతికి బౌండరీ బాది ఇషాన్ తన పరుగుల ఖాతా తెరిచాడు.
ఐదో బంతికి రోహిత్‌ మిడ్‌ మీదుగా ఫోర్‌ బాదాడు.
4 ఓవర్లకు స్కోరు 23/0. రోహిత్ (17), ఇషాన్‌ (5) క్రీజులో ఉన్నారు.

11/10/2023 18:37(IST)

లక్ష్యఛేదనకు దిగిన భారత్

అఫ్గానిస్థాన్‌ నిర్దేశించిన 273 పరుగుల లక్ష్యాన్ని ఛేదించేందుకు భారత్‌ బరిలోకి దిగింది.
ఫజల్హక్ ఫారూఖీ వేసిన తొలి ఓవర్‌లో రెండే పరుగులు వచ్చాయి.
రోహిత్ శర్మ (1), ఇషాన్‌ కిషన్ (0) క్రీజులో ఉన్నారు.

11/10/2023 18:01(IST)

భారత్ టార్గెట్ 273

భారత్‌తో జరుగుతున్న మ్యాచ్‌లో టాస్‌ గెలిచి తొలుత బ్యాటింగ్ చేసిన అఫ్గాన్‌ జట్టు మంచి స్కోరు సాధించింది.
నిర్ణీత 50 ఓవర్లలో 8 వికెట్ల నష్టానికి 272 పరుగులు చేసింది.
కెప్టెన్ హష్మతుల్లా షాహిది (80; 88 బంతుల్లో 8 ఫోర్లు, 1 సిక్స్‌), మిడిల్ ఆర్డర్ బ్యాటర్ అజ్మతుల్లా (62; 69 బంతుల్లో 2 ఫోర్లు, 4 సిక్స్‌లు) కీలక ఇన్నింగ్స్‌లు ఆడారు.
భారత బౌలర్లలో జస్‌ప్రీత్‌ బుమ్రా 4, హార్దిక్ పాండ్య 2, శార్దూల్ ఠాకూర్, కుల్‌దీప్‌ యాదవ్‌ ఒక్కో వికెట్‌ పడగొట్టారు.

11/10/2023 17:53(IST)

అద్భుతమైన క్యాచ్‌

రషీద్‌ ఖాన్‌ (16) ఔటయ్యాడు.
బుమ్రా వేసిన 49 ఓవర్‌లో మొదటి బంతికి కుల్‌దీప్‌ యాదవ్ రన్నింగ్ క్యాచ్‌ పట్టాడు.
తొలుత బంతి కుల్‌దీప్‌ చేతిలో పడి గాల్లోకి ఎగిరింది. వెంటనే ఎలాంటి తడబాటు లేకుండా బంతిని అందుకోవడంతో రషీద్‌ వెనుదిరిగాడు.
ఈ ఓవర్‌లో వికెట్ రావడంతోపాటు మూడు పరుగులు వచ్చాయి. 49 ఓవర్లకు స్కోరు 264/8.

11/10/2023 17:37(IST)

మరో వికెట్

బుమ్రా మరో వికెట్ పడగొట్టాడు.
మహ్మద్‌ నబీ (19) ఔటయ్యాడు.
45 ఓవర్‌లో చివరి బంతికి నబీ ఎల్బీడబ్ల్యూగా వెనుదిరిగాడు.
అఫ్గాన్‌ రివ్యూకు వెళ్లగా.. అక్కడ అంపైర్స్‌ కాల్‌తో నబీని ఔట్‌గా ప్రకటించారు.
45 ఓవర్లకు స్కోరు 235/7.

11/10/2023 17:25(IST)

ఐదో వికెట్

అఫ్గానిస్థాన్‌ ఐదో వికెట్ కోల్పోయింది.
హష్మతుల్లా షాహిది (80; 88 బంతుల్లో) ఔటయ్యాడు.
కుల్‌దీప్ యాదవ్‌ వేసిన 42.4 ఓవర్‌కు వికెట్ల ముందు దొరికిపోయాడు.
43 ఓవర్లకు స్కోరు 225/5. నబీబుల్లా జాద్రాన్‌ (0), మహ్మద్‌ నబీ (13) క్రీజులో ఉన్నారు.

11/10/2023 16:47(IST)

ఒమర్జాయ్‌ ఔట్

భారత్‌కు హార్దిక్ పాండ్య ఉపశమనాన్ని అందించాడు.
అర్ధ శతకం పూర్తి చేసుకున్న అజ్మతుల్లా ఒమర్జాయ్‌ (62)ని పెవిలియన్‌కు పంపాడు.
హార్దిక్‌ వేసిన 35 ఓవర్‌లో తొలి బంతికి ఫోర్ బాదిన ఒమర్జాయ్‌.. తర్వాతి బంతికే క్లీన్‌బౌల్డ్ అయ్యాడు.
35 ఓవర్లకు స్కోరు 189/4. హష్మతుల్లా షాహిది (60), మహ్మద్‌ నబీ (1) క్రీజులో ఉన్నారు.

11/10/2023 16:38(IST)

హష్మతుల్లా కూడా అర్ధ శతకం

హష్మతుల్లా షాహిది కూడా అర్ధ శతకం (58 బంతుల్లో ) పూర్తి చేసుకున్నాడు.
అతడు హార్దిక్ పాండ్య వేసిన 33 ఓవర్లో వరుసగా ఫోర్, సిక్స్ బాదాడు.
33 ఓవర్లకు స్కోరు 173/3. హష్మతుల్లా (56), ఒమర్జాయ్‌ (51) పరుగులతో ఉన్నారు.

11/10/2023 16:33(IST)

ఒమర్జాయ్ హాఫ్‌ సెంచరీ

అజ్మతుల్లా ఒమర్జాయ్‌ హాఫ్‌ సెంచరీ (62 బంతుల్లో) పూర్తి చేసుకున్నాడు.
సిరాజ్‌ వేసిన 32 ఓవర్‌లో చివరి బంతికి సింగిల్ తీసి అర్ధ శతకం అందుకున్నాడు.
ఇదే ఓవర్‌లో మూడో బంతికి హష్మతుల్లా షాహిది (45) ఫోర్ బాదాడు.
32 ఓవర్లకు స్కోరు 161/3.

11/10/2023 16:29(IST)

150 దాటిన స్కోరు

అఫ్గాన్‌ బ్యాటర్లు నిలకడగా బౌండరీలు బాదుతున్నారు.
బుమ్రా వేసిన 31 ఓవర్‌లో మొదటి ఐదు బంతుల్లో రెండే పరుగులు రాగా.. చివరి బంతికి హష్మతుల్లా షాహిది (40) ఫోర్ బాదాడు.
దీంతో అఫ్గాన్‌ స్కోరు 150 దాటింది.
31 ఓవర్లకు స్కోరు 153/3. ఒమర్జాయ్‌ (47*) పరుగులతో ఉన్నాడు.

11/10/2023 16:21(IST)

అర్ధ శతకానికి చేరువలో

అజ్మతుల్లా ఒమర్జాయ్‌ (46*) అర్ధ శతకానికి చేరువయ్యాడు.
సిరాజ్‌ వేసిన 30 ఓవర్‌లో తొలి బంతిని అతడు బౌండరీకి పంపాడు.
ఈ ఓవర్లో మూడో బంతికి హష్మతుల్లా షాహిది (35*) కూడా ఫోర్‌ బాదాడు.
దీంతో 30 ఓవర్‌లో 10 పరుగులు వచ్చాయి. 30 ఓవర్లకు స్కోరు 147/3.

11/10/2023 16:10(IST)

ఒమర్జాయ్ దూకుడు

అజ్మతుల్లా ఒమర్జాయ్‌ దూకుడు పెంచుతున్నాడు.
ఇప్పటికే కుల్‌దీప్‌ బౌలింగ్‌లో రెండు సిక్స్‌లు బాదిన అతడు.. జడేజా వేసిన 28 ఓవర్‌లో ఓ సిక్స్‌ రాబట్టాడు.
28 ఓవర్‌లో సిక్స్‌ సహా 12 పరుగులు వచ్చాయి.
28 ఓవర్లకు స్కోరు 133/3. ఒమర్జాయ్‌ (40), హష్మతుల్లా షాహిది (29) పరుగులతో ఉన్నారు.

11/10/2023 15:43(IST)

20 ఓవర్లు పూర్తి

భారత బౌలర్లు కట్టుదిట్టంగా బౌలింగ్ చేస్తున్నారు.
కుల్‌దీప్ యాదవ్‌ వేసిన 19 ఓవర్‌లో మూడు పరుగులు రాగా.. జడేజా వేసిన తర్వాతి ఓవర్‌లో ఒక పరుగు వచ్చింది.
20 ఓవర్లకు స్కోరు 83/3. హష్మతుల్లా షాహిది (14*), ఒమర్జాయ్ (6*) ఉన్నారు.

11/10/2023 15:30(IST)

2, 1, 1, 1, 0, 1

16 ఓవర్లు: ఇవీ శార్దూల్‌ వేసిన ఓవర్‌లో వచ్చిన పరుగులు.
కట్టుదిట్టంగా బంతులు వేస్తున్నా.. అఫ్గాన్‌ బ్యాటర్లు నిలకడగా ఆడుతున్నారు.
మొత్తం 6 పరుగులు రావడంతో అఫ్గాన్‌ స్కోరు 76/3.
క్రీజ్‌లో ఒమర్జాయ్ (4*), హష్మతుల్లా (9*) ఉన్నారు.

11/10/2023 15:17(IST)

శార్దూల్‌కు వికెట్

అద్భుతమైన క్యాచ్‌ను పట్టిన శార్దూల్‌ బౌలింగ్‌లోనూ ఆ ఊపు చూపించాడు.
రహ్మాత్ షా (16)ను వికెట్ల ముందు దొరకబుచ్చుకున్నాడు.
అఫ్గాన్‌ డీఆర్‌ఎస్‌కు వెళ్లినా ఫలితం వారికి అనుకూలంగా రాలేదు.
అంపైర్స్ కాల్‌ రావడంతో రహ్మాత్ పెవిలియన్‌ బాట పట్టాడు.
దీంతో 13.1 ఓవర్లలో అఫ్గాన్‌ 63 పరుగుల వద్ద మూడో వికెట్‌ను నష్టపోయింది.
క్రీజ్‌లో ఒమర్జాయ్‌ (1*), హష్మతుల్లా షాహిది (2*) ఉన్నారు.
ఈ ఓవర్‌లో మూడు పరుగులు వచ్చాయి.
ప్రస్తుతం అఫ్గాన్‌ స్కోరు 14 ఓవర్లకు 66/3.

11/10/2023 15:10(IST)

శార్దూల్ సూపర్బ్‌ క్యాచ్‌

అఫ్గాన్‌ రెండో వికెట్‌ను నష్టపోయింది.
శార్దూల్ అద్భుతమైన క్యాచ్‌పట్టడంతో గుర్బాజ్ (21) పెవిలియన్‌కు చేరాడు.
హార్దిక్ వేసిన (12.4వ ఓవర్) షార్ట్‌ పిచ్‌ బంతిని కొట్టే క్రమంలో బౌండరీ లైన్‌ వద్ద శార్దూల్‌కు దొరికిపోయాడు.
మైదానం ఆవల పడినట్లు అనిపించినా.. నియంత్రణతో శార్దూల్‌ క్యాచ్‌ను ఒడిసిపట్టాడు.
దీంతో 63 పరుగుల వద్ద అఫ్గాన్‌ రెండో వికెట్‌ కోల్పోయింది.
ఈ ఓవర్‌లో ఫోర్‌ సహా 5 పరుగులు వచ్చాయి.
ప్రస్తుతం క్రీజ్‌లో రహ్మాత్ (16*), షాహిది ఉన్నారు.
అఫ్గాన్‌ స్కోరు 13 ఓవర్లకు 63/2.

11/10/2023 15:06(IST)

బీమర్‌ వేసిన శార్దూల్

12 ఓవర్లు: శార్దూల్‌ ఠాకూర్‌ బీమర్‌ వేశాడు.
బ్యాటర్‌ మీదుగా బంతిని విసిరాడు. దీంతో ఫ్రీహిట్‌ వచ్చింది.
అయితే, ఫ్రీ హిట్‌గా ఇచ్చిన బంతికి శార్దూల్ కేవలం ఒక్క పరుగే ఇచ్చాడు.
మొత్తం 7 పరుగులు రావడంతో అఫ్గాన్ స్కోరు 58/1.
ఓవర్‌లో ఒకే ఒక్క బంతిని బౌండరీగా ఇస్తున్నాడు.
దీంతో మిగతా కష్టమంతా వృథాగా మారుతోంది.
ఈ ఓవర్‌లోనూ రహ్మాత్ (11*) బౌండరీ కొట్టాడు.

11/10/2023 14:35(IST)

తొలి వికెట్‌ డౌన్

బుమ్రా అద్భుతమైన డెలివరీకి జాద్రాన్‌ (22) పెవిలియన్‌కు చేరాడు.
అవుట్‌సైడ్‌ ఎడ్జ్‌ తీసుకోవడంతో బంతినేరుగా వికెట్ కీపర్‌ చేతికి చిక్కాడు.
దీంతో 6.4 ఓవర్లలో 32 పరుగుల వద్ద అఫ్గాన్‌ తొలి వికెట్‌ను నష్టపోయింది.
ఈ ఓవర్‌లో ఒక బౌండరీ వచ్చింది.
దీంతో అఫ్గాన్‌ స్కోరు 7 ఓవర్లకు 32/1.
క్రీజ్‌లో గుర్బాజ్ (9*), రహ్మాత్‌ షా ఉన్నారు.

11/10/2023 14:22(IST)

జాద్రాన్ దూకుడు

4 ఓవర్లు: జాద్రాన్ (16*) దూకుడుపెంచాడు.
సిరాజ్ వేసిన ఈ ఓవర్‌లో రెండు ఫోర్లు బాదాడు.
మూడో బంతికి ఎల్బీగా ఔటయ్యే ప్రమాదం నుంచి బయటపడ్డాడు.
భారత్‌ డీఆర్‌ఎస్‌కు వెళ్లినా ఫలితం దక్కలేదు.
బంతి వికెట్లను తాకకుండా వెళ్లినట్లు రిప్లేలో వచ్చింది.
ఈ ఓవర్‌లో 9 పరుగులు రావడంతో అఫ్గాన్‌ స్కోరు 18/0కి చేరింది.

11/10/2023 13:49(IST)

మేం ఛేదనే కోరుకున్నాం: రోహిత్

‘‘టాస్‌ నెగ్గినా మేం తొలుత బౌలింగ్‌కు మొగ్గు చూపే వాళ్లం. ఛేదన చేసేందుకే చూసేవాడిని. గత రాత్రి ఇక్కడ తేమ ప్రభావం ఉంది. కాబట్టి, ఇవాళ్టికి పెద్దగా మార్పు ఉండదని భావిస్తున్నా. ఆసీస్‌తో మేం తీవ్ర ఒత్తిడికి గురైనప్పటికీ కేఎల్, విరాట్ అద్భుతంగా ఆడారు. ఈసారి అలా కాకుండా గొప్ప ప్రదర్శన ఇస్తాం. ఈ మ్యాచ్‌లో అశ్విన్‌కు బదులు శార్దూల్‌ను తీసుకున్నాం’’ అని రోహిత్ తెలిపాడు.

11/10/2023 13:34(IST)

అఫ్గాన్‌ టాస్‌

అఫ్గానిస్థాన్‌ టాస్‌ నెగ్గింది. కెప్టెన్ షాహిది బ్యాటింగ్‌ ఎంచుకున్నాడు. ‘‘పిచ్‌ బ్యాటింగ్‌కు అనుకూలంగా ఉందనిపిస్తోంది. ఛేదనలో తప్పకుండా భారత్‌ను కట్టడి చేస్తామనే నమ్మకం ఉంది. మా జట్టులో ఎలాంటి మార్పులు లేవు’’ అని షాహిది వెల్లడించాడు.

11/10/2023 12:56(IST)

అఫ్గాన్‌తో మ్యాచ్‌.. అశ్విన్‌కు బదులు శార్దూల్ అయితే బెటర్: మాజీ క్రికెటర్

వన్డే ప్రపంచకప్‌లో (ODI World Cup 2023) భారత్ రెండో మ్యాచ్‌కు సిద్ధమైంది. దిల్లీ వేదికగా అఫ్గానిస్థాన్‌తో టీమ్‌ఇండియా (IND vs AFG) తలపడనుంది. బ్యాటింగ్‌కు అనుకూలంగా ఉండే ఈ మైదానంలో అదనంగా మరొక బ్యాటర్‌తో బరిలోకి దిగితే బాగుంటుందని మాజీ క్రికెటర్ సంజయ్‌ మంజ్రేకర్ సూచించాడు. అందుకోసం ఒక స్పిన్నర్‌ను తగ్గించుకుని పేస్‌ ఆల్‌రౌండర్‌ను తీసుకోవాలని పేర్కొన్నాడు. దిల్లీ మైదానం బ్యాటింగ్‌కు అనుకూలంగా ఉంటుందని.. స్పిన్నర్ల ప్రభావం చాలా తక్కువని తెలిపాడు. దక్షిణాఫ్రికా - శ్రీలంక జట్ల మధ్య మ్యాచ్‌ ఇందుకు ఉదాహరణగా వెల్లడించాడు. అయితే, అఫ్గాన్‌ జట్టులో స్పిన్నర్లే కీలకమని.. వారితో భారత బ్యాటర్లకు సవాల్ తప్పదని వ్యాఖ్యానించాడు. పూర్తి వార్త కోసం క్లిక్‌ చేయండి

11/10/2023 12:56(IST)

అహ్మదాబాద్‌కు గిల్ .. పాక్‌తో మ్యాచ్‌ ఆడతాడా..? బ్యాటింగ్‌ కోచ్‌ ఏమన్నారంటే..?

డెంగీ బారిన పడిన శుభ్‌మన్‌ గిల్ (Shubman Gill) కోలుకుని ఆసుపత్రి నుంచి డిశ్చార్జి అయిన సంగతి తెలిసిందే. ఇవాళ అఫ్గానిస్థాన్‌తో (IND vs AFG) మ్యాచ్‌కు అందుబాటులో ఉండటం లేదని ఇప్పటికే బీసీసీఐ వెల్లడించింది. అయితే, పాకిస్థాన్‌తో శనివారం అహ్మదాబాద్‌ వేదికగా జరగనున్న మ్యాచ్‌లో గిల్ ఆడతాడనే కథనాలు సోషల్‌ మీడియాలో హల్‌చల్‌ చేస్తున్నాయి. చెన్నై నుంచి అహ్మదాబాద్‌కు వెళ్తాడనే ప్రచారం సాగింది. తాజాగా ఆ వార్తలపై భారత బ్యాటింగ్‌ కోచ్ విక్రమ్ రాఠోడ్ కీలక వ్యాఖ్యలు చేశాడు. అదే విధంగా గిల్ ఆరోగ్యంపై అప్‌డేట్ ఇచ్చాడు. పూర్తి వార్త కోసం క్లిక్‌ చేయండి

11/10/2023 12:55(IST)

IND vs AFG: మహా సమరానికి ముందు మినీ పోరు

ఆస్ట్రేలియాతో ఆరంభ పోరులో కొంచెం కష్టపడ్డప్పటికీ.. విజయం మాత్రమే రోహిత్‌ సేనదే. ఎన్నో ఆశలతో, అంచనాలతో ప్రపంచకప్‌లో అడుగు పెట్టిన భారత జట్టుకు ఈ మ్యాచ్‌ ఒక పాఠమే. దీని తర్వాత అందరి దృష్టీ నిలిచి ఉన్నది పాకిస్థాన్‌ పోరు మీదే. ప్రపంచకప్‌కే ఆకర్షణ కానున్న ఆ పోరుకు ముందు భారత్‌ చిన్న జట్టు అఫ్గానిస్థాన్‌తో తలపడబోతోంది. శనివారం జరిగే మహా పోరుకు ముందు టీమ్‌ఇండియాకిది ప్రాక్టీస్‌ మ్యాచ్‌ లాంటిదనే చెప్పొచ్చు. బ్యాటర్లు, బౌలర్లు అందరూ గాడిన పడటానికి ఈ మ్యాచ్‌ మంచి అవకాశం. పూర్తి వార్త కోసం క్లిక్‌ చేయండి

IND vs AFG: రోహిత్‌ సెంచరీ.. టీమ్ఇండియా ఘన విజయం

తాజా వార్తలు (Latest News)

‘భారతీయుల వల్లే అమెరికా టెక్‌ ఇండస్ట్రీ మనుగడ’

ఆ బెత్తం దెబ్బలు ఎప్పటికీ మర్చిపోలేను: సీజేఐ జస్టిస్‌ చంద్రచూడ్‌

ఎన్టీఆర్‌కు అర్జున్‌పై నమ్మకం.. నేను రీషూట్‌ చేయలేదు: సుకుమార్‌

డోపింగ్‌ శాంపిల్‌కు బజరంగ్‌ నిరాకరణ.. సస్పెన్షన్‌ వేటు!

మృణాల్‌ అవుట్‌ఫిట్‌కు నెటిజన్లు ఫిదా.. డిజైనింగ్‌కు 1400 గంటలు

కొద్ది రోజులుగా అనారోగ్యంతో ఉన్నా.. ఆడతానని అనుకోలేదు: సిరాజ్

సుఖీభవ

చదువు