Breaking | Feedback | E-PAPER | Pratibha

IND vs SL: శ్రీలంకపై భారత్‌ విజయం

ఆసియా కప్‌ సూపర్-4లో భారత్ మరో విజయం సాధించింది. శ్రీలంకపై 41 పరుగుల తేడాతో గెలుపొందింది. 214 పరుగుల లక్ష్యంతో బరిలోకి దిగిన శ్రీలంక 41.3 ఓవర్లకు 172 పరుగులకు ఆలౌటైంది.

Updated : 12 Sep 2023 23:04 IST

12/09/2023 22:56(IST)

భారత్ విజయం

ఆసియా కప్‌ సూపర్-4లో భారత్ మరో విజయం సాధించింది. శ్రీలంకపై 41 పరుగుల తేడాతో గెలుపొందింది. 214 పరుగుల లక్ష్యంతో బరిలోకి దిగిన శ్రీలంక 41.3 ఓవర్లకు 172 పరుగులకు ఆలౌటైంది. ధనంజయ డి సిల్వా (41), దునిల్ వెల్లలాగే (42*) పోరాడారు. భారత బౌలర్లలో కుల్‌దీప్‌ యాదవ్‌ 4, బుమ్రా, జడేజా రెండేసి వికెట్లు పడగొట్టగా.. సిరాజ్‌, హార్దిక్‌ పాండ్య ఒక్కో వికెట్ తీశారు.

12/09/2023 22:27(IST)

ఉత్కంఠగా మారుతున్న మ్యాచ్‌

మొదట్లో శ్రీలంక వరుసగా వికెట్లు కోల్పోవడంతో భారత్ సునాయసంగా విజయం సాధించేలా కనిపించింది.
కానీ, ధనంజయ (41), వెల్లలాగే (29) క్రీజులో పాతుకుపోయి శ్రీలంక ఆదుకున్నారు. దీంతో మ్యాచ్‌ ఫలితంపై ఉత్కంఠ నెలకొంది.
36 ఓవర్లకు స్కోరు 156/6.

12/09/2023 21:36(IST)

ఆరో వికెట్

జడేజా వేసిన 26 ఓవర్‌లో మొదటి బంతికి శనక (9) ఔటయ్యాడు.
స్లిప్‌లో రోహిత్ శర్మకు క్యాచ్‌ ఇచ్చాడు. దీంతో 99 పరుగుల వద్ద లంక ఆరో వికెట్ కోల్పోయింది.
26 ఓవర్లకు స్కోరు 104/6. వెల్లలాగే (1), ధనంజయ (22) క్రీజులో ఉన్నారు.

12/09/2023 21:05(IST)

బతికిపోయిన అసలంక

చరిత్ అసలంక (21) ఔటయ్యే ప్రమాదం నుంచి తప్పించుకున్నాడు.
జడేజా వేసిన 16.5 ఓవర్‌కు అతడు భారీ షాట్ ఆడగా.. బంతి గాల్లోకి లేచింది. పరుగెత్తుకుంటూ వచ్చిన ఇషాన్‌ కిషన్‌ బంతి అందుకునే ప్రయత్నం చేశాడు.
బంతి చేతిలో పడినా వెంటనే పట్టుతప్పడంతో కింద పడింది. 17 ఓవర్లకు స్కోరు 67/3.

12/09/2023 20:44(IST)

రివ్యూ కోల్పోయిన భారత్

భారత్ ఒక రివ్యూను కోల్పోయింది.
కుల్‌దీప్‌ యాదవ్‌ వేసిన 11.2 ఓవర్‌కు అసలంక డిఫెన్స్‌ ఆడబోగా.. బంతి స్లిప్‌లో ఉన్న రోహిత్‌ చేతిలో పడింది.
ఔట్ కోసం అప్పీల్ చేయగా.. అంపైర్‌ నాటౌట్‌గా ప్రకటించాడు. దీంతో భారత్ రివ్యూ తీసుకోగా.. అక్కడ నాటౌట్ అని తేలింది.
12 ఓవర్లకు స్కోరు 44/3. సమరవిక్రమ (8), అసలంక (8) క్రీజులో ఉన్నారు.

12/09/2023 19:58(IST)

క్యాచ్‌ మిస్

సిరాజ్‌ వేసిన నాలుగో ఓవర్‌లో ఎనిమిది పరుగులు వచ్చాయి.
మూడో బంతికి కుశాల్ మెండిస్ (6) ఫోర్ బాదాడు.
చివరి బంతికి కుశాల్ ఇచ్చిన క్యాచ్‌ను స్లిప్‌లో ఉన్న శుభ్‌మన్ గిల్ అందుకోలేకపోయాడు.
4 ఓవర్లకు స్కోరు 15/1. కరుణరత్నె (2) పరుగులతో ఉన్నారు.

12/09/2023 19:48(IST)

మొదటి వికెట్

శ్రీలంక మొదటి వికెట్ కోల్పోయింది. ఓపెనర్ పాథుమ్‌ నిశాంక (6) ఔటయ్యాడు.
బుమ్రా వేసిన 2.1 ఓవర్‌కు వికెట్ కీపర్‌ కేఎల్ రాహుల్‌కు క్యాచ్‌ ఇచ్చాడు.
ఈ ఓవర్‌లో వికెట్ రాబట్టిన బుమ్రా ఒక్క పరుగూ ఇవ్వలేదు.
3 ఓవర్లకు స్కోరు 7/1. కుశాల్ మెండిస్ (0), కరుణరత్నె (0) క్రీజులో ఉన్నారు.

12/09/2023 19:26(IST)

భారత్ ఆలౌట్

శ్రీలంకతో జరుగుతున్న మ్యాచ్‌లో భారత్ ఆలౌటైంది.
టాస్‌ గెలిచి తొలుత బ్యాటింగ్ చేసిన టీమ్‌ఇండియా 49.1 ఓవర్లలో 213 పరుగులు చేసి 10 వికెట్లు కోల్పోయింది.
భారత్ బ్యాటర్లలో రోహిత్ శర్మ (53) టాప్‌ స్కోరర్‌. కేఎల్ రాహుల్ (39), ఇషాన్‌ కిషన్‌ (33), అక్షర్ పటేల్ (26) ఫర్వాలేదనిపించారు. శుభ్‌మన్ గిల్ (19) పరుగులు చేశాడు.
విరాట్ కోహ్లీ (3), హార్దిక్ పాండ్య (5), జడేజా (4) సింగిల్ డిజిట్‌ స్కోరుకు పరిమితమయ్యారు.
లంక స్పిన్నర్లు దునిల్ వెల్లలాగే (5/40) భారత టాప్‌ ఆర్డర్‌ పనిపట్టాడు. చరిత్ అసలంక (4/14) విజృంభించాడు. తీక్షణ ఒక వికెట్ పడగొట్టాడు.

12/09/2023 18:24(IST)

మ్యాచ్‌కు వరుణుడి ఆటంకం

మ్యాచ్‌కు వరుణుడు ఆటంకం కలిగిస్తున్నాడు. 47 ఓవర్ల ఆట పూర్తయిన తర్వాత వర్షం మొదలైంది. దీంతో మైదానాన్ని కవర్లతో కప్పి ఉంచారు.
అప్పటికి భారత్ స్కోరు 197/9. సిరాజ్ (2), అక్షర్ పటేల్ (15) పరుగులతో ఉన్నారు.

12/09/2023 17:40(IST)

వెల్లలాగేకు ఐదు వికెట్లు

శ్రీలంక స్పిన్నర్ దునిత్ వెల్లలాగే ఈ మ్యాచ్‌లో ఐదో వికెట్లు పడగొట్టాడు.
అతడు వేసిన 36 ఓవర్‌లో చివరి బంతికి హార్దిక్ పాండ్య (5) వికెట్ కీపర్‌ కుశాల్ మెండిస్‌కు క్యాచ్‌ ఇచ్చాడు.
దీంతో 172 పరుగుల వద్ద భారత్ ఆరో వికెట్ కోల్పోయి కష్టాల్లో పడింది.

12/09/2023 17:12(IST)

నాలుగో వికెట్

నిలకడగా ఆడుతూ అర్ధ శతకం దిశగా సాగుతున్న కేఎల్ రాహుల్ (39; 44 బంతుల్లో) ఔటయ్యాడు.
వెల్లలాగే వేసిన 30 ఓవర్‌లో చివరి బంతికి బౌలర్‌కే క్యాచ్‌ ఇచ్చాడు.
దీంతో 154 పరుగుల వద్ద భారత్ నాలుగో వికెట్ కోల్పోయింది.
ఇప్పటివరకు టీమ్‌ఇండియా కోల్పోయిన నాలుగు వికెట్లు వెల్లలాగే ఖాతాలోనే చేరాయి.

12/09/2023 17:05(IST)

9 ఓవర్ల తర్వాత

9 ఓవర్ల తర్వాత బౌండరీ వచ్చింది.
వెల్లలాగే వేసిన 28 ఓవర్‌లో తొలి రెండు బంతులకు కేఎల్ రాహుల్ (34) బౌండరీలు బాదాడు.
ఈ ఓవర్‌లో మొత్తం 11 పరుగులు వచ్చాయి.
28 ఓవర్లకు స్కోరు 145/3. ఇషాన్ కిషన్ (19), కేఎల్ రాహుల్ (34) పరుగులతో ఉన్నారు.

12/09/2023 16:53(IST)

సగం ఓవర్లు పూర్తి

25 ఓవర్లు పూర్తయ్యేసరికి భారత్ 3 వికెట్ల నష్టానికి 128 పరుగులు చేసింది.
రోహిత్ శర్మ (53), శుభ్‌మన్ గిల్ (19), కోహ్లీ (3) వికెట్లను కోల్పోయింది
ఈ ముగ్గురినీ స్పిన్నర్ దునిత్ వెల్లలాగే ఔట్ చేశాడు.
ప్రస్తుతం ఇషాన్‌ కిషన్‌ (18), కేఎల్ రాహుల్ (18) పరుగులతో ఉన్నారు.

12/09/2023 16:37(IST)

కట్టుదిట్టంగా బౌలింగ్

శ్రీలంక స్పిన్నర్లు కట్టుదిట్టంగా బౌలింగ్ చేస్తున్నారు.
గత రెండు ఓవర్లలో నాలుగు పరుగులే ఇచ్చారు.
వెల్లలాగే వేసిన 20 ఓవర్‌లో, ధనంజయ వేసిన తర్వాతి ఓవర్‌లో రెండేసి సింగిల్స్ వచ్చాయి. 21 ఓవర్లకు స్కోరు 111/3
కేఎల్ రాహుల్ (8), ఇషాన్ కిషన్ (12) పరుగులతో ఉన్నారు.

12/09/2023 16:15(IST)

రోహిత్‌ కూడా

టీమ్‌ఇండియా వరుసగా వికెట్లు కోల్పోతోంది.
ఇప్పటికే గిల్, కోహ్లీ ఔట్ కాగా.. తాజాగా రోహిత్ కూడా పెవిలియన్ బాట పట్టాడు.
వెల్లలాగే వేసిన 15.1 ఓవర్‌కు క్లీన్‌బౌల్డ్ అయ్యాడు.
ఈ ముగ్గురినీ వెల్లలాగే ఔట్ చేయడం గమనార్హం.
16 ఓవర్లకు భారత్ స్కోరు 93/3. ఇషాన్‌ (1), కేఎల్ రాహుల్ (1) పరుగులతో ఉన్నారు.

12/09/2023 16:07(IST)

అయ్యో! కోహ్లీ ఔట్

టీమ్‌ఇండియా అభిమానులకు షాక్‌. విరాట్ కోహ్లీ (3) ఔటయ్యాడు.
వెల్లలాగే వేసిన 13.5 ఓవర్‌కు శనకకు క్యాచ్‌ ఇచ్చాడు.
ఈ ఓవర్లో కోహ్లీ వికెట్‌ను కోల్పోయిన భారత్ ఒక్క పరుగూ రాబట్టలేకపోయింది.
14 ఓవర్లకు స్కోరు 90/2. ఇషాన్ కిషన్ (0), రోహిత్ శర్మ (52) పరుగులతో ఉన్నారు.

12/09/2023 15:33(IST)

వన్డేల్లో రోహిత్ 10వేలు+

భారత కెప్టెన్‌ రోహిత్ శర్మ 10వేల క్లబ్‌లోకి చేరాడు.
248 మ్యాచుల్లోని 241 ఇన్నింగ్స్‌ల్లో ఈ మైలురాయిని అందుకున్నాడు.
సిక్స్‌తోనే పదివేల పరుగులు దాటడం విశేషం.
ఏడో ఓవర్‌లో సిక్స్‌ సహా 12 పరుగులు వచ్చాయి.
భారత్‌ స్కోరు 43/0కి చేరింది.
క్రీజ్‌లో రోహిత్ (23*), గిల్ (13*) ఉన్నారు.

12/09/2023 15:02(IST)

భారత బ్యాటింగ్‌ ప్రారంభం

భారత బ్యాటింగ్‌ ప్రారంభమైంది. శ్రీలంకతో మ్యాచ్‌లో టాస్‌ నెగ్గిన టీమ్‌ఇండియా బ్యాటింగ్‌ ఎంచుకున్న సంగతి తెలిసిందే. క్రీజ్‌లోకి రోహిత్, గిల్ వచ్చారు. తొలి ఓవర్‌ను శ్రీలంక బౌలర్ కసున్ రజిత వేస్తున్నాడు.

12/09/2023 14:50(IST)

నూతనోత్సాహంతో బరిలోకి దిగాం: రోహిత్ శర్మ

గత మ్యాచ్‌లోనూ మేం ఫస్ట్‌ బ్యాటింగ్ చేశాం. ఇప్పుడు టాస్‌ నెగ్గగానే బ్యాటింగ్‌ ఎంచుకున్నాం. క్రికెటర్‌గా ఎన్నో సవాళ్లను ఎదుర్కోవాల్సి ఉంటుంది. అది వ్యక్తిగతంగానైనా.. జట్టుపరంగానైనా పోరాడతాం. ఈ రెండు మ్యాచ్‌లకు ముందు ఐదు రోజుల సమయం వచ్చింది. ఇప్పుడు వరుసగా ఆడటం విభిన్నంగా ఉంది. అయితే, నూతన ఉత్సాహంతోనే బరిలోకి దిగాం. శార్దూల్ ఠాకూర్ స్థానంలో అక్షర్ పటేల్‌ను తీసుకోవడానికి కారణం అదనంగా స్పిన్నర్‌ ఉంటే బాగుంటుందనే అభిప్రాయంతోనే ఈ నిర్ణయం తీసుకున్నాం.

12/09/2023 14:25(IST)

శ్రీలంకతో భారత్‌ పోరు.. వర్షం గండం తప్పదా..? తుది జట్టు ఎలా ఉండేనో?

రెండు రోజులపాటు పాకిస్థాన్‌తో జరిగిన మ్యాచ్‌లో టీమ్‌ఇండియా ఘన విజయం సాధించింది. ఇవాళ కూడా ఆసియా కప్ సూపర్ -4లో భాగంగా శ్రీలంకతో కొలంబో వేదికగానే భారత్‌ తలపడేందుకు సిద్ధమవుతోంది. అయితే, భారత్‌ మ్యాచ్‌లకు వరుణుడి గండం మాత్రం తప్పేలా లేదు. లీగ్‌ స్టేజ్‌ నుంచి ఇప్పటి వరకు ప్రతి మ్యాచ్‌లోనూ వర్షం పలకరించింది. ఇప్పుడు శ్రీలంకతో మ్యాచ్‌లో కూడా వర్షం పడే అవకాశాలు ఉన్నట్లు వాతావరణ శాఖ రిపోర్ట్ చెబుతోంది. ఇక టీమ్‌ఇండియా తుది జట్టుపైనే అందరి దృష్టి ఉంది. ఒక్క రోజు వ్యవధిలోనే మ్యాచ్‌ ఆడబోతుండటం క్రికెటర్లపై ఒత్తిడికి గురి చేసే అంశమే. మరి కెప్టెన్ రోహిత్ శర్మ ఎలాంటి నిర్ణయం తీసుకుంటాడనేది ఆసక్తికరంగా మారింది. పూర్తి వార్త కోసం క్లిక్‌ చేయండి

App

IND vs SL: శ్రీలంకపై భారత్‌ విజయం

తాజా వార్తలు (Latest News)

EU Meet: ఈయూ విదేశాంగ మంత్రుల భేటీ.. ఉక్రెయిన్‌ వేదికగా ఇదే తొలిసారి!

Top Ten News @ 9 PM: ఈనాడు.నెట్‌లో టాప్‌ 10 వార్తలు

Nara Lokesh: ఇదేం అరాచక పాలన..? బండారు అరెస్టును ఖండించిన లోకేశ్‌

Siddharth: అప్పుడు వెక్కి వెక్కి ఏడ్చా: సిద్ధార్థ్‌

Tragedy: ‘మహా’ విషాదం.. ఆస్పత్రిలో ఒకేరోజు 12మంది శిశువులు సహా 24 మంది మృతి

Ts News: ఉద్యోగులకు గుడ్‌న్యూస్‌.. ఎన్‌ శివశంకర్‌ ఛైర్మన్‌గా పీఆర్‌సీ ఏర్పాటు

సుఖీభవ

చదువు