Breaking | Feedback | ePratibha | E-PAPER | Pratibha

పంజాబ్‌ X ముంబయి ఐపీఎల్ మ్యాచ్‌ లైవ్ అప్‌డేట్స్‌

పంజాబ్‌తో జరిగిన ఉత్కంఠ పోరులో ముంబయి 9 పరుగుల తేడాతో విజయం సాధించింది.

Updated : 18 Apr 2024 23:44 IST

18/04/2024 23:38(IST)

Punjab vs Mumbai: పంజాబ్ ఆలౌట్.. ముంబయి విజయం

పంజాబ్‌తో జరిగిన ఉత్కంఠ పోరులో ముంబయి 9 పరుగుల తేడాతో విజయం సాధించింది.
తొలుత బ్యాటింగ్ చేసిన ముంబయి నిర్ణీత 20 ఓవర్లలో 7 వికెట్ల నష్టానికి 192 పరుగులు చేసింది.
ఈ భారీ లక్ష్యఛేదనలో పంజాబ్ 19.1 ఓవర్లకు 183 పరుగులు చేసి ఆలౌటైంది.

18/04/2024 23:23(IST)

Punjab vs Mumbai: ఎనిమిదో వికెట్ కోల్పోయిన పంజాబ్

అశుతోష్‌ శర్మ (61; 28 బంతుల్లో) మెరుపు ఇన్నింగ్స్‌కు తెరపడింది.
కొయెట్జీ వేసిన 18 ఓవర్‌లో తొలి బంతికి అతడు నబీకి క్యాచ్‌ ఇచ్చాడు.
దీంతో 168 పరుగుల వద్ద పంజాబ్ ఎనిమిదో వికెట్ కోల్పోయింది.
ఈ ఓవర్‌లో కొయెట్జీ రెండే పరుగులు ఇచ్చాడు.
18 ఓవర్లకు స్కోరు 170/8. హర్‌ప్రీత్ బ్రార్ (17), హర్షల్ పటేల్ (1) పరుగులతో ఉన్నారు.

18/04/2024 23:17(IST)

unjab vs Mumbai: అర్ధ శతకం బాదేసిన అశుతోష్‌ శర్మ

ఆకాశ్‌ మధ్వాల్ వేసిన 16 ఓవర్‌లో 24 పరుగులు వచ్చాయి.
అశుతోష్ శర్మ (59) వరుసగా రెండు సిక్సర్లు బాది అర్ధ శతకం పూర్తి చేసుకున్నాడు.
హర్‌ప్రీత్ బ్రార్‌ (16) కూడా ఓ సిక్స్ కొట్టాడు.
ఈ ఓవర్‌లో మూడు వైడ్లు, ఒక నో బాల్ కూడా వచ్చాయి.
16 ఓవర్లకు స్కోరు 165/7.

18/04/2024 23:16(IST)

Punjab vs Mumbai: 15 ఓవర్‌.. మూడు ఫోర్లు బాదిన పంజాబ్ బ్యాటర్లు

గెరాల్డ్ కొయెట్జీ వేసిన 15 ఓవర్‌లో 13 పరుగులు వచ్చాయి.
తొలి రెండు బంతులను హర్‌ప్రీత్ బ్రార్ (10) బౌండరీకి పంపాడు.
ఐదో బంతికి అశుతోష్ శర్మ (47) బౌండరీ బాది అర్ధ శతకానికి చేరువయ్యాడు.
15 ఓవర్లకు స్కోరు 141/7.

18/04/2024 22:56(IST)

Punjab vs Mumbai: ఫ్రీ హిట్‌కు సిక్స్ బాదిన అశుతోష్‌

బుమ్రా వేసిన 13 ఓవర్లో తొలి బంతికి శశాంక్ ఔటయ్యాడు.
తర్వాత ఇదే ఓవర్‌లో ఐదో బంతి నో బాల్ కాగా.. ఫ్రీ హిట్‌ను అశుతోష్ శర్మ (36) సిక్సర్‌గా మలిచాడు.
13 ఓవర్లకు స్కోరు 120/7. హర్‌ప్రీత్ బ్రార్ (1) క్రీజులో ఉన్నాడు.

18/04/2024 22:16(IST)

Punjab vs Mumbai: హర్‌ప్రీత్‌ ఔట్.. పంజాబ్ ఐదో వికెట్ డౌన్

పంజాబ్ సగం వికెట్లు కోల్పోయింది. హర్‌ప్రీత్‌ సింగ్ భాటియా (13) ఔటయ్యాడు.
శ్రేయస్ గోపాల్ వేసిన తొలి బంతికి శశాంక్ సింగ్ (20) సిక్స్ బాదాడు.
ఐదో బంతికి హర్‌ప్రీత్ బౌలర్‌కే రిటర్న్‌ క్యాచ్‌ ఇచ్చాడు.
7 ఓవర్లకు స్కోరు 50/5. జితేశ్‌ శర్మ (1), శశాంక్ సింగ్ (20) పరుగులతో ఉన్నారు.

18/04/2024 22:14(IST)

Punjab vs Mumbai: కట్టుదిట్టంగా బౌలింగ్ చేసిన హార్దిక్ పాండ్య

హార్దిక్‌ పాండ్య చాలా కట్టుదిట్టంగా బౌలింగ్ చేశాడు.
అతడు వేసిన ఆరో ఓవర్‌లో ఒకే ఒక్క సింగిల్ వచ్చింది.
పవర్ ప్లే ముగిసేసరికి పంజాబ్ స్కోరు 40/4. హర్‌ప్రీత్‌ సింగ్ భాటియా (12), శశాంక్ (12) క్రీజులో ఉన్నారు.

18/04/2024 22:09(IST)

Punjab vs Mumbai: నిలకడగా ఆడుతున్న శశాంక్, హర్‌ప్రీత్‌

పంజాబ్ బ్యాటర్లు నిలకడగా ఆడుతున్నారు.
బుమ్రా వేసిన నాలుగో ఓవర్‌లో ఏడు పరుగులు రాబట్టారు.
ఆకాశ్ మధ్వాల్ వేసిన ఐదో ఓవర్‌లో 11 పరుగులు రాగా.. శశాంక్ (11), హర్‌ప్రీత్‌ సింగ్ భాటియా (12) చెరో బౌండరీ బాదారు.
5 ఓవర్లకు స్కోరు 39/4.

18/04/2024 21:53(IST)

Punjab vs Mumbai: 14 పరుగులకే పంజాబ్ నాలుగు వికెట్లు డౌన్

పంజాబ్ వరుసగా వికెట్లు కోల్పోతోంది. గెరాల్డ్ కొయెట్జీ వేసిన 2.1 ఓవర్‌కు లివింగ్‌స్టన్ (1) బౌలర్‌కే రిటర్న్‌ క్యాచ్‌ ఇచ్చి వెనుదిరిగాడు.
దీంతో 14 పరుగులకే పంజాబ్ నాలుగు వికెట్లు కోల్పోయి పీకల్లోతు కష్టాల్లో పడింది.
తర్వాత క్రీజులోకి వచ్చిన శశాంక్ సింగ్ (5) చివరి బంతికి బౌండరీ రాబట్టాడు.
3 ఓవర్లకు పంజాబ్ స్కోరు 21/4.

18/04/2024 21:45(IST)

Punjab vs Mumbai: తొలి ఓవర్లోనే వికెట్ కోల్పోయిన పంజాబ్

193 పరుగుల టార్గెట్‌ని ఛేదించేందుకు బరిలోకి దిగిన పంజాబ్‌కు షాక్ తగిలింది.
కొయెట్జీ వేసిన ఇన్నింగ్స్‌ తొలి ఓవర్‌లో మూడో బంతికి ప్రభ్‌సిమ్రన్ సింగ్ (0) ఔటయ్యాడు.
అతడు ఎదుర్కొన్న తొలి బంతికే వికెట్ కీపర్‌ ఇషాన్ కిషన్‌కు క్యాచ్‌ ఇచ్చాడు.
1 ఓవర్‌కు ముగిసేసరికి పంజాబ్ స్కోరు 12/1.

18/04/2024 21:24(IST)

Punjab vs Mumbai: సూర్యకుమార్ మెరుపులు.. పంజాబ్ టార్గెట్ 193

పంజాబ్‌తో జరుగుతున్న మ్యాచ్‌లో ముంబయి భారీ స్కోరు చేసింది.
నిర్ణీత 20 ఓవర్లలో 7 వికెట్ల నష్టానికి 192 పరుగులు చేసింది.
సూర్యకుమార్ యాదవ్ (78; 53 బంతుల్లో 7 ఫోర్లు, 3 సిక్స్‌లు) మెరుపులు మెరిపించాడు.
రోహిత్ శర్మ (36; 25 బంతుల్లో 2 ఫోర్లు, 3 సిక్స్‌లు), తిలక్ వర్మ (34*; 18 బంతుల్లో 2 ఫోర్లు, 2 సిక్స్‌లు) దూకుడుగా ఆడారు. హార్దిక్‌ పాండ్య (10), టిమ్ డేవిడ్ (14), ఇషాన్ కిషన్ (8) పరుగులు చేశారు.
పంజాబ్ బౌలర్లలో హర్షల్ పటేల్ 3, సామ్ కరన్ 2, రబాడ ఒక వికెట్ పడగొట్టారు.

18/04/2024 21:09(IST)

Punjab vs Mumbai: హార్దిక్ పాండ్య (10) ఔట్.. ముంబయి నాలుగో వికెట్

ముంబయి నాలుగో వికెట్ కోల్పోయింది.
హర్షల్ పటేల్ వేసిన 18 ఓవర్‌లో చివరి బంతికి హార్దిక్ పాండ్య (10) హర్‌ప్రీత్‌ బ్రార్‌కు క్యాచ్‌ ఇచ్చాడు.
ఈ ఓవర్‌లో రెండో బంతికి తిలక్ వర్మ (32) సిక్స్‌ బాదాడు.
18 ఓవర్లకు స్కోరు 167/4.

18/04/2024 21:00(IST)

Punjab vs Mumbai: సూర్యకుమార్ యాదవ్ (78) ఔట్

148 పరుగుల వద్ద ముంబయి మూడో వికెట్ కోల్పోయింది.
సూర్యకుమార్ యాదవ్ (78) ఔటయ్యాడు.
సామ్ కరన్‌ వేసిన 17 ఓవర్‌లో రెండో బంతికి ప్రభ్‌సిమ్రన్‌ సింగ్‌కు క్యాచ్‌ ఇచ్చాడు.
తర్వాత క్రీజులోకి వచ్చిన హార్దిక్ పాండ్య (7) చివరి బంతికి సిక్సర్ బాదాడు.
17 ఓవర్లకు స్కోరు 156/3. తిలక్ వర్మ (24) పరుగులతో ఉన్నాడు.

18/04/2024 20:59(IST)

Punjab vs Mumbai: దూకుడు పెంచిన ముంబయి బ్యాటర్లు

ముంబయి బ్యాటర్లు దూకుడు పెంచారు.
రబాడ వేసిన 16 ఓవర్‌లో 18 పరుగులు రాబట్టారు.
సూర్యకుమార్ యాదవ్ (78) వరుసగా ఫోర్, సిక్స్ బాదగా.. చివరి బంతిని తిలక్ వర్మ (23) స్టాండ్స్‌లోకి పంపాడు.
16 ఓవర్లకు ముంబయి స్కోరు 148/2. తిలక్ వర్మ (23) పరుగులతో ఉన్నాడు.

18/04/2024 20:51(IST)

Punjab vs Mumbai: వరుసగా రెండు ఫోర్లు బాదిన తిలక్ వర్మ

రబాడ వేసిన 14 ఓవర్‌లో ఆరు సింగిల్స్ వచ్చాయి.
అర్ష్‌దీప్‌ సింగ్ వేసిన 15 ఓవర్‌లో మూడు, నాలుగు బంతులకు తిలక్ వర్మ (17) ఫోర్లు బాదాడు.
ఇదే ఓవర్‌లో చివరి బంతికి సూర్యకుమార్ (67) బౌండరీ రాబట్టాడు.
15 ఓవర్లకు స్కోరు 125/2. సూర్యకుమార్ యాదవ్ (63) పరుగులతో ఉన్నాడు.

18/04/2024 20:29(IST)

Punjab vs Mumbai: రోహిత్ శర్మ (36) ఔట్.. ముంబయి రెండో వికెట్

ముంబయి 99 పరుగుల వద్ద రెండో వికెట్ కోల్పోయింది.
సామ్‌ కరన్ వేసిన 12 ఓవర్‌లో నాలుగో బంతికి రోహిత్ శర్మ (36).. హర్‌ప్రీత్‌ బ్రార్‌కు క్యాచ్‌ ఇచ్చాడు.
12 ఓవర్లకు స్కోరు 101/2. సూర్యకుమార్‌ (55), తిలక్ వర్మ (1) క్రీజులో ఉన్నారు.

18/04/2024 20:21(IST)

Punjab vs Mumbai: 10 ఓవర్లు పూర్తి.. భారీ స్కోరుపై కన్నేసిన ముంబయి

ముంబయి భారీ స్కోరుపై కన్నేసింది.
10 ఓవర్లు పూర్తి అయ్యేసరికి ఒకే వికెట్ కోల్పోయి 86 పరుగులు చేసింది.
లివింగ్‌స్టన్ వేసిన 10 ఓవర్‌లో నాలుగో బంతికి సూర్యకుమార్‌ యాదవ్ (49) క్రీజు వదిలి బయటకు సిక్సర్ బాదాడు.
రోహిత్ (29) పరుగులతో ఉన్నాడు.

18/04/2024 20:14(IST)

Punjab vs Mumbai: అర్ధ శతకం దిశగా సూర్యకుమార్‌ యాదవ్

సూర్యకుమార్ యాదవ్ (41) అర్ధ శతకం దిశగా సాగుతున్నాడు.
హర్‌ప్రీత్‌ బ్రార్ వేసిన తొమ్మిదో ఓవర్‌లో ఐదో బంతిని స్కై బౌండరీకి పంపాడు.
9 ఓవర్లకు ముంబయి స్కోరు 77/1. రోహిత్ శర్మ (28) పరుగులతో ఉన్నాడు.

18/04/2024 20:11(IST)

Punjab vs Mumbai: తన ట్రేడ్ మార్క్‌ షాట్‌తో సిక్స్ కొట్టిన సూర్యకుమార్‌

రబాడ వేసిన ఎనిమిదో ఓవర్‌లో 10 పరుగులు వచ్చాయి.
సూర్యకుమార్‌ యాదవ్ (33) ఐదో బంతికి ఫైన్ లెగ్ మీదుగా తన ట్రేడ్ మార్క్ షాట్‌తో సిక్స్ బాదాడు.
8 ఓవర్లకు స్కోరు 68/1. రోహిత్ శర్మ (27) పరుగులతో ఉన్నాడు.

18/04/2024 20:01(IST)

Punjab vs Mumbai: సూర్య ఫోర్.. రోహిత్ సిక్సర్‌తో పవర్‌ ప్లే పూర్తి

ముంబయి బ్యాటర్లు దూకుడుగా ఆడుతున్నారు.
సామ్‌ కరన్ వేసిన ఆరో ఓవర్‌లో 11 పరుగులు రాబట్టారు.
రెండో బంతికి సూర్యకుమార్‌ యాదవ్ (22) బౌండరీ బాదాడు.
చివరి బంతిని రోహిత్ శర్మ (24) సిక్సర్‌గా మలిచాడు.
పవర్‌ ప్లే ముగిసేసరికి స్కోరు 54/1.

18/04/2024 19:57(IST)

Punjab vs Mumbai: బతికిపోయిన రోహిత్ శర్మ

హర్షల్ పటేల్ వేసిన ఐదో ఓవర్‌లో ఏడు పరుగులు వచ్చాయి.
తొలి బంతికి సూర్యకుమార్ యాదవ్ (17) ఫోర్ కొట్టాడు.
నాలుగో బంతికి రోహిత్ శర్మ ఎల్బీడబ్ల్యూగా ఔటైనట్లు అంపైర్ ప్రకటించాడు.
కానీ, ముంబయి రివ్యూ తీసుకుని సానుకూల ఫలితం సాధించింది.
5 ఓవర్లకు స్కోరు 43/1. రోహిత్ (18) పరుగులతో ఉన్నాడు.

18/04/2024 19:50(IST)

Punjab vs Mumbai: అర్ష్‌దీప్‌ బౌలింగ్.. రోహిత్ సూపర్ సిక్సర్

అర్ష్‌దీప్‌ సింగ్ వేసిన నాలుగో ఓవర్‌లో తొమ్మిది పరుగులు వచ్చాయి.
ఈ ఓవర్‌లో మూడు సింగిల్స్‌ రావడంతోపాటు మూడో బంతిని రోహిత్ శర్మ (17) స్టాండ్స్‌లోకి పంపాడు.
4 ఓవర్లకు స్కోరు 36/1. సూర్యకుమార్ (11) పరుగులతో ఉన్నాడు.

18/04/2024 19:45(IST)

Punjab vs Mumbai: ఇషాన్ ఔట్‌.. సూర్య బ్యాక్‌ టు బ్యాక్‌ బౌండరీలు

ఇషాన్ కిషన్ ఔటైన తర్వాత సూర్యకుమార్‌ యాదవ్‌ క్రీజులోకి వచ్చాడు.
తొలి రెండు బంతులు పరుగులేమీ చేయని అతడు.. తర్వాత వరుసగా రెండు ఫోర్లు బాదాడు.
3 ఓవర్లకు స్కోరు 27/1. రోహిత్ శర్మ (10), సూర్యకుమార్‌ (9) పరుగులతో ఉన్నారు.

18/04/2024 19:13(IST)

Punjab vs Mumbai: పంజాబ్ ప్లేయింగ్ ఎలెవన్‌ ఇదే

సామ్ కరన్‌ (కెప్టెన్‌), రిలీ రోసోవ్‌, ప్రభ్‌సిమ్రన్ సింగ్, జితేశ్‌ శర్మ, లియామ్ లివింగ్‌స్టన్‌, శశాంక్ సింగ్, అశుతోష్ శర్మ, హర్‌ప్రీత్‌ బ్రార్‌, హర్షల్ పటేల్, కగిసో రబాడ, అర్ష్‌దీప్‌ సింగ్.

18/04/2024 18:58(IST)

ఐపీఎల్‌లో ఆ రూల్ నాకు నచ్చలేదు: రోహిత్ శర్మ

ఐపీఎల్‌లో అనుసరిస్తున్న ఇంపాక్ట్ ప్లేయర్‌ రూల్‌పై ముంబయి స్టార్ బ్యాటర్ రోహిత్ శర్మ అసంతృప్తి వ్యక్తం చేశాడు. ఈ నిబంధన వల్ల శివమ్‌ దూబె, వాషింగ్టన్ సుందర్‌ వంటి ఆల్‌రౌండర్లు బౌలింగ్ చేయలేకపోతున్నారని, ఇది భారత క్రికెట్‌కు అంత మంచిది కాదని అభిప్రాయపడ్డాడు. పూర్తి వార్త కోసం క్లిక్ చేయండి

18/04/2024 18:40(IST)

ముంబయి గెలవాలంటే.. హార్దిక్‌ ఫామ్‌ అందుకోవడం అత్యవసరం: ఫించ్‌

ఐదుసార్లు ఛాంపియన్‌ ముంబయి జట్టుకు ఐపీఎల్‌ 17వ సీజన్‌ అంతగా కలిసి రావడం లేదు. ఆడిన ఆరు మ్యాచుల్లో కేవలం రెండు విజయాలను మాత్రమే నమోదు చేసింది. ప్రస్తుతం పాయింట్ల పట్టికలో తొమ్మిదో స్థానంలో కొనసాగుతోంది. ఇవాళ పంజాబ్‌తో ముల్లాన్‌పుర వేదికగా ముంబయి తలపడనుంది. ఈక్రమంలో ముంబయి మళ్లీ విజయాల బాట పట్టాలంటే ఆ జట్టు కెప్టెన్ హార్దిక్‌ పాండ్య ఫామ్‌లోకి రావాల్సిన అవసరం ఉందని ఆసీస్‌ మాజీ కెప్టెన్ ఆరోన్ ఫించ్ వ్యాఖ్యానించాడు. పూర్తి వార్త కోసం క్లిక్‌ చేయండి

18/04/2024 18:35(IST)

Punjab vs Mumbai: చరిత్ర సృష్టించనున్న రోహిత్‌ శర్మ.. ధోనీ తర్వాత రెండో ఆటగాడిగా

పంజాబ్‌తో జరిగే మ్యాచ్‌లో ముంబయి బ్యాటర్ రోహిత్ శర్మ చరిత్ర సృష్టించనున్నాడు.
లీగ్‌ చరిత్రలో 250వ మ్యాచ్‌లు పూర్తి చేసుకున్న రెండో ఆటగాడిగా నిలవనున్నాడు.
ఎంఎస్ ధోనీ (256).. రోహిత్ కంటే ముందున్నాడు.

18/04/2024 18:35(IST)

Punjab vs Mumbai: ఈ సీజన్‌లో రెండు జట్ల పరిస్థితి ఇలా

ముంబయి, పంజాబ్ జట్ల పరిస్థితి ప్రస్తుతం ఏ మాత్రం బాగోలేదు.
రెండు జట్లు ఇప్పటివరకు ఆరు మ్యాచ్‌లు రెండేసి మ్యాచ్‌లు నెగ్గి మిగిలిన మ్యాచ్‌ల్లో ఓటమిపాలయ్యాయి.
పంజాబ్ ఎనిమిదో స్థానంలో, ముంబయి తొమ్మిదో స్థానంలో ఉన్నాయి.

App

పంజాబ్‌ X ముంబయి ఐపీఎల్ మ్యాచ్‌ లైవ్ అప్‌డేట్స్‌

తాజా వార్తలు (Latest News)

వాట్సప్‌లో కొత్త ఖాతాల నుంచి సందేశాలు రావిక..?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

నేటి రాశి ఫలాలు.. 12 రాశుల ఫలితాలు ఇలా... (02/05/24)

‘అద్దె ఇల్లే సో బెటరు’.. కారణం చెప్పిన బాంబే షేవింగ్ కంపెనీ సీఈఓ

గూగుల్‌తో ఇంగ్లిష్‌ ప్రాక్టీస్‌.. కొత్త ఏఐ ఫీచర్‌ను ఎలా వాడాలి?

స్విమ్మింగ్‌ పూల్‌లో కేథరిన్‌.. సముద్ర తీరాన శ్రీనిధి

సుఖీభవ

చదువు