Breaking | Feedback | ePratibha | E-PAPER | Pratibha

పంజాబ్ X రాజస్థాన్‌ ఐపీఎల్‌ మ్యాచ్‌ లైవ్‌ అప్‌డేట్స్

పంజాబ్‌తో జరిగిన మ్యాచ్‌లో రాజస్థాన్‌ 3 వికెట్ల తేడాతో విజయం సాధించింది. తొలుత బ్యాటింగ్ చేసిన పంజాబ్ నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది. ఈ మోస్తరు లక్ష్యాన్ని రాజస్థాన్‌ 19.5 ఓవర్లలో ఛేదించింది.

Updated : 13 Apr 2024 23:15 IST

13/04/2024 23:13(IST)

Punjab vs Rajasthan: పంజాబ్‌పై రాజస్థాన్‌ విజయం

పంజాబ్‌తో జరిగిన మ్యాచ్‌లో రాజస్థాన్‌ 3 వికెట్ల తేడాతో విజయం సాధించింది.
తొలుత బ్యాటింగ్ చేసిన పంజాబ్ నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది.
ఈ మోస్తరు లక్ష్యాన్ని రాజస్థాన్‌ 7 వికెట్లు కోల్పోయి 19.5 ఓవర్లలో ఛేదించింది.
చివర్లో కాస్త ఉత్కంఠ ఏర్పడిన హెట్‌మయర్ (27*; 10 బంతుల్లో 1 ఫోర్, 3 సిక్స్‌లు) మెరుపులు మెరిపించి జట్టును గెలిపించాడు.
యశస్వి జైస్వాల్ (39), తనుష్ కొటియన్ (24), రియాన్‌ పరాగ్ (23) పరుగులు చేశారు.
పంజాబ్‌ బౌలర్లలో కగిసో రబాడ 2, సామ్‌ కరన్ 2, లివింగ్‌స్టోన్, అర్ష్‌దీప్‌ సింగ్, హర్షల్ పటేల్ ఒక్కో వికెట్ పడగొట్టారు.

13/04/2024 23:04(IST)

Punjab vs Rajasthan: ఒకే ఓవర్లో రెండు వికెట్లు

సామ్‌కరన్ వేసిన 19 ఓవర్‌లో వరుసగా రెండు ఫోర్లు బాదిన రోవ్‌మన్‌ పావెల్ (11; 5 బంతుల్లో) ఔటయ్యాడు.
ఈ ఓవర్‌లో మూడో బంతికి వికెట్ కీపర్‌ జితేశ్‌కు క్యాచ్‌ ఇచ్చాడు.
ఈ ఓవర్‌లో చివరి బంతికి కేశవ్‌ మహరాజ్‌ (1) లివింగ్‌స్టోన్‌కు చిక్కాడు.
చివరి ఓవర్‌లో రాజస్థాన్‌ విజయానికి 10 పరుగులు అవసరం.

13/04/2024 22:50(IST)

Punjab vs Rajasthan: రియాన్‌ పరాగ్ (23) ఔట్.. రాజస్థాన్‌ నాలుగో వికెట్

రాజస్థాన్‌ నాలుగో వికెట్ కోల్పోయింది. రియాన్‌ పరాగ్ (23) ఔటయ్యాడు.
అర్ష్‌దీప్‌ వేసిన 17 ఓవర్‌లో రెండో బంతికి సిక్స్ బాదిన పరాగ్.. నాలుగో బంతికి భారీ షాట్ ఆడి డీప్‌ మిడ్‌ వికెట్‌లో రబాడకు చిక్కాడు.
17 ఓవర్లకు స్కోరు 114/4. ధ్రువ్ జురెల్ (6), హెట్‌మయర్‌ (1) క్రీజులో ఉన్నారు.

13/04/2024 22:47(IST)

Punjab vs Rajasthan: రియాన్‌ పరాగ్ క్యాచ్‌ మిస్ చేసిన లివింగ్‌స్టోన్

రియాన్‌ పరాగ్ ఔటయ్యే ప్రమాదం నుంచి తప్పించుకున్నాడు.
సామ్‌ కరన్‌ వేసిన 16 ఓవర్‌లో నాలుగో బంతికి రియాన్‌ పరాగ్ ఇచ్చిన క్యాచ్‌ను లివింగ్‌స్టోన్ మిస్‌ చేశాడు.
ఈ ఓవర్‌లో ఆరు సింగిల్స్ వచ్చాయి.
16 ఓవర్లకు స్కోరు 105/3. పరాగ్ (15), ధ్రువ్ జురెల్ (6) పరుగులతో ఉన్నారు.

13/04/2024 22:33(IST)

Punjab vs Rajasthan: మూడో వికెట్ కోల్పోయిన రాజస్థాన్‌

సంజు శాంసన్ (18) ఔటయ్యాడు.
రబాడ వేసిన 13.2 ఓవర్‌కు ఎల్బీడబ్ల్యూగా వెనుదిరిగాడు.
దీంతో 89 పరుగుల వద్ద రాజస్థాన్‌ మూడో వికెట్ కోల్పోయింది.
14 ఓవర్లకు స్కోరు 90/3. రియాన్‌ పరాగ్ (5), ధ్రువ్ జురెల్ (10 క్రీజులో ఉన్నారు.
రాజస్థాన్‌ విజయానికి చివరి ఆరు ఓవర్లలో 58 పరుగులు అవసరం.

13/04/2024 22:24(IST)

Punjab vs Rajasthan: యశస్వి జైస్వాల్ (39) ఔట్.. రాజస్థాన్‌ రెండో వికెట్

రాజస్థాన్‌ రెండో వికెట్ కోల్పోయింది. యశస్వి జైస్వాల్ (39; 28 బంతుల్లో) ఔటయ్యాడు.
రబాడ వేసిన 11.4 ఓవర్‌కు హర్షల్ పటేల్‌కు చిక్కాడు.
12 ఓవర్లకు స్కోరు 83/2. రియాన్‌ పరాగ్ (1), సంజు శాంసన్ (16) పరుగులతో ఉన్నారు.

13/04/2024 22:22(IST)

Punjab vs Rajasthan: 11 ఓవర్‌.. సిక్స్‌, ఫోర్ బాదిన శాంసన్

లియామ్‌ లివింగ్‌స్టోన్‌ వేసిన 11 ఓవర్‌లో 13 పరుగులు వచ్చాయి.
తొలి బంతికి సిక్సర్ బాదిన సంజు శాంసన్‌ (15).. నాలుగో బంతికి బౌండరీ బాదాడు.
11 ఓవర్లకు స్కోరు 79/1. యశస్వి జైస్వాల్ (37) పరుగులతో ఉన్నారు.

13/04/2024 22:09(IST)

Punjab vs Rajasthan: తనుష్ కొటియన్ (24) ఔట్.. రాజస్థాన్ తొలి వికెట్

రాజస్థాన్‌ మొదటి వికెట్ కోల్పోయింది. తనుష్ కొటియన్ (24) ఔటయ్యాడు.
లివింగ్‌స్టోన్‌ వేసిన తొమ్మిదో ఓవర్‌లో రెండో బంతికి క్లీన్‌బౌల్డ్ అయ్యాడు.
9 ఓవర్లకు స్కోరు 58/1. యశస్వి జైస్వాల్ (30), సంజు శాంసన్ (1) క్రీజులో ఉన్నారు.

13/04/2024 22:07(IST)

Punjab vs Rajasthan: నిలకడగా ఆడుతున్న రాజస్థాన్‌ బ్యాటర్లు

రాజస్థాన్ బ్యాటర్లు నిలకడగా ఆడుతున్నారు.
హర్షల్ పటేల్ వేసిన ఎనిమిదో ఓవర్‌లో ఏడు పరుగులు వచ్చాయి.
8 ఓవర్లకు స్కోరు 56/0. తనుష్ కొటియన్‌ (24), యశస్వి జైస్వాల్ (24) పరుగులతో ఉన్నారు.

13/04/2024 21:57(IST)

Punjab vs Rajasthan: పవర్‌ప్లే పూర్తి.. రాజస్థాన్‌ @ 43/0

రాజస్థాన్‌ పవర్‌ప్లే పూర్తయింది.
6 ఓవర్లు ముగిసేసరికి వికెట్లు నష్టపోకుండా 43 పరుగులు చేసింది.
రబాడా వేసిన ఈ ఓవర్లో బౌండరీ సహా 7 పరుగులు వచ్చాయి.
జైస్వాల్‌ (23), కొటియన్ (18) క్రీజులో కొనసాగుతున్నారు.

13/04/2024 21:53(IST)

Punjab vs Rajasthan: జోరు పెంచిన రాజస్థాన్‌.. జైస్వాల్‌ బౌండరీ

లక్ష్య ఛేదనకు దిగిన రాజస్థాన్‌ ఓపెనర్లు జోరు పెంచారు
క్రీజులో నిలదొక్కుకుంటూనే పరుగులు రాబడుతున్నారు.
సామ్‌ కరన్‌ వేసిన తొలి బంతికి జైస్వాల్‌ బౌండరీ బాదాడు
ఈ ఓవర్లో వైడ్‌ సహా 7 పరుగులు వచ్చాయి.
5 ఓవర్లకు రాజస్థాన్‌ @ 36/0

13/04/2024 21:48(IST)

Punjab vs Rajasthan: ఒకే ఓవర్లో 2 బౌండరీలు.. రాజస్థాన్‌ 29/0

ఇంపాక్ట్‌ ప్లేయర్‌ జైస్వాల్‌ బౌండరీ బాదాడు.
అర్ష్‌దీప్‌ వేసిన 3.1వ బంతికి ఆఫ్‌సైడ్‌ మీదుగా బౌండరీకి తరలించాడు.
చివరి బంతికి కొటియన్‌ మరో ఫోర్‌ కొట్టాడు.
ఈ ఓవర్లో మొత్తం 13 పరుగులు వచ్చాయి.
4 ఓవర్లకు రాజస్థాన్‌ స్కోరు 29/0

13/04/2024 21:43(IST)

Punjab vs Rajasthan: కట్టుదిట్టంగా బంతులు విసురుతున్న పంజాబ్‌

పంజాబ్‌ కట్టుదిట్టంగా బంతులు విసురుతోంది.
పరుగులు రాబట్టేందుకు రాజస్థాన్‌ బ్యాటర్లు తీవ్రంగా శ్రమిస్తున్నారు.
సామ్‌ కరన్‌ వేసిన మూడో ఓవర్లో కేవలం 2 పరుగులు మాత్రమే వచ్చాయి.
జైస్వాల్‌ (7), కొటియన్‌ (7) క్రీజులో కొనసాగుతున్నారు.
మూడు ఓవర్లకు రాజస్థాన్‌ @ 15/0

13/04/2024 21:33(IST)

Punjab vs Rajasthan: లక్ష్యఛేదనకు దిగిన రాజస్థాన్.. ఇంపాక్ట్‌ ప్లేయర్‌గా యశస్వి జైస్వాల్

పంజాబ్ నిర్దేశించిన 148 పరుగుల లక్ష్యాన్ని ఛేదించేందుకు రాజస్థాన్ బరిలోకి దిగింది. యశస్వి జైస్వాల్‌ ఇంపాక్ట్‌ ప్లేయర్‌గా వచ్చాడు.
అర్ష్‌దీప్‌ సింగ్ వేసిన తొలి ఓవర్‌లో 9 పరుగులు వచ్చాయి.
ఐదో బంతికి తనుష్ కొటియన్ (5) బౌండరీ బాదాడు. యశస్వి జైస్వాల్ (3) పరుగులతో ఉన్నాడు.

13/04/2024 21:14(IST)

Punjab vs Rajasthan: ముగిసిన పంజాబ్‌ బ్యాటింగ్.. రాజస్థాన్‌ లక్ష్యం 148

రాజస్థాన్‌తో జరుగుతున్న మ్యాచ్‌లో పంజాబ్‌ బ్యాటింగ్ ముగిసింది.
నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది.
టాపార్డర్ బ్యాటర్లు అథర్వ తైడే (15), జానీ బెయిర్‌స్టో (15), ప్రభ్‌సిమ్రన్‌ సింగ్ (10), సామ్‌కరన్‌ (6) ఘోరంగా విఫలమయ్యారు.
ఎనిమిదో స్థానంలో బ్యాటింగ్‌ వచ్చిన అశుతోష్ శర్మ (31; 16 బంతుల్లో 1 ఫోర్, 3 సిక్స్‌లు) టాప్‌ స్కోరర్‌. జితేశ్ శర్మ (29), లివింగ్‌స్టోన్ (21) పరుగులు చేశారు.
రాజస్థాన్ బౌలర్లలో అవేశ్‌ ఖాన్‌ 2, కేశవ్ మహరాజ్‌ 2, ట్రెంట్ బౌల్ట్, కుల్దీప్‌ సేన్, యుజ్వేంద్ర చాహల్ ఒక్కో వికెట్ పడగొట్టారు.

13/04/2024 21:03(IST)

Punjab vs Rajasthan: లివింగ్‌స్టోన్‌ రనౌట్.. పంజాబ్‌ ఏడో వికెట్

పంజాబ్‌ ఏడో వికెట్ కోల్పోయింది. చాహల్ వేసిన 17.5 ఓవర్‌కు లివింగ్‌స్టోన్ (21) రనౌటయ్యాడు.
ఈ ఓవర్‌లో అశుతోష్ శర్మ (9) ఓ సిక్సర్ బాదాడు.
18 ఓవర్లకు స్కోరు 123/7. హర్‌ప్రీత్‌ బ్రార్‌ (1) క్రీజులో ఉన్నాడు.

13/04/2024 20:54(IST)

Punjab vs Rajasthan: జితేశ్‌ శర్మ (29) ఔట్.. పంజాబ్‌ ఆరో వికెట్ డౌన్

పంజాబ్‌ ఆరో వికెట్ కోల్పోయింది. జితేశ్‌ శర్మ (29) ఔటయ్యాడు.
అవేశ్‌ ఖాన్‌ వేసిన 16.1 ఓవర్‌కు రియాన్‌ పరాగ్‌కు చిక్కాడు.
17 ఓవర్లకు స్కోరు 111/6. లివింగ్‌స్టోన్ (20), అశుతోష్ శర్మ (1) క్రీజులో ఉన్నారు.

13/04/2024 20:46(IST)

Punjab vs Rajasthan: 15 ఓవర్‌.. మ్యాచ్‌లో ఫస్ట్ సిక్స్‌

యుజ్వేంద్ర చాహల్ వేసిన 15 ఓవర్‌లో 11 పరుగులు వచ్చాయి.
ఐదో బంతికి జితేశ్‌ శర్మ (22) సిక్సర్ బాదాడు. ఈ మ్యాచ్‌లో నమోదైన మొదటి సిక్స్‌ ఇదే.
15 ఓవర్లకు స్కోరు 86/5. లివింగ్‌స్టోన్ (4) పరుగులతో ఉన్నారు.

13/04/2024 20:34(IST)

Punjab vs Rajasthan: శశాంక్ ఔట్.. పంజాబ్‌ ఐదు వికెట్లు డౌన్

పంజాబ్ ఐదో వికెట్ కోల్పోయింది.
కుల్దీప్‌ సేన్‌ వేసిన 12.1 ఓవర్‌కు శశాంక్‌ సింగ్ (9) జురెల్‌కు క్యాచ్‌ ఇచ్చాడు.
ఈ ఓవర్‌లో కుల్దీప్‌ సేన్ ఒక వికెట్ పడగొట్టి రెండు పరుగులే ఇచ్చాడు.
13 ఓవర్లకు స్కోరు 72/5. జితేశ్ శర్మ (11), లివింగ్‌స్టోన్ (1) పరుగులతో ఉన్నారు.

13/04/2024 20:32(IST)

Punjab vs Rajasthan: నిలకడగా ఆడుతున్న పంజాబ్‌ బ్యాటర్లు

పంజాబ్‌ బ్యాటర్లు నిలకడగా ఆడుతున్నారు.
యుజేంద్ర చాహల్ వేసిన 11 ఓవర్‌లో ఐదు పరుగులు వచ్చాయి.
కేశవ్‌ మహరాజ్ వేసిన 12 ఓవర్‌లో 12 పరుగులు రాగా.. జితేశ్ (10), శశాంక్‌ (9) చెరో బౌండరీ బాదారు.
12 ఓవర్లకు స్కోరు 70/4.

13/04/2024 20:22(IST)

Punjab vs Rajasthan: 10 ఓవర్లకే పంజాబ్ నాలుగు వికెట్లు

రాజస్థాన్‌ బౌలింగ్‌ను పంజాబ్‌ బ్యాటర్లు సమర్థవంతంగా ఎదుర్కొలేకపోతున్నారు.
పరుగులు రాబట్టడానికి ఇబ్బందిపడుతూ వికెట్లు కోల్పోతున్నారు.
కేశవ్ మహరాజ్‌ వేసిన 10 ఓవర్‌లో మూడో బంతికి సామ్‌ కరన్‌ (6) ఔటయ్యాడు.
దీంతో 52 పరుగుల వద్ద పంజాబ్‌ నాలుగో వికెట్ కోల్పోయింది.
10 ఓవర్లకు స్కోరు 53/4. జితేశ్‌ శర్మ (2), శశాంక్‌ సింగ్ (1) పరుగులతో ఉన్నారు.

13/04/2024 20:16(IST)

Punjab vs Rajasthan: కట్టుదిట్టంగా బౌలింగ్ చేస్తున్న రాజస్థాన్‌ బౌలర్లు

రాజస్థాన్‌ బౌలర్లు కట్టుదిట్టంగా బౌలింగ్ చేస్తున్నారు.
కుల్దీప్‌ సేన్ వేసిన తొమ్మిదో ఓవర్‌లో మూడు సింగిల్స్ మాత్రమే వచ్చాయి.
9 ఓవర్లకు స్కోరు 50/3. సామ్‌ కరన్ (5), జితేశ్ శర్మ (1) క్రీజులో ఉన్నారు.

13/04/2024 20:05(IST)

Punjab vs Rajasthan: రెండో వికెట్ కోల్పోయిన పంజాబ్‌

పంజాబ్‌ రెండో వికెట్ కోల్పోయింది. ప్రభ్‌సిమ్రన్‌ సింగ్ (10) ఔటయ్యాడు.
యుజ్వేంద్ర చాహల్ వేసిన ఏడో ఓవర్‌లో మూడో బంతికి ధ్రువ్‌ జురెల్‌కు చిక్కాడు.
7 ఓవర్లకు స్కోరు 42/2. జానీ బెయిర్‌స్టో (12), సామ్‌కరన్‌ (1) క్రీజులో ఉన్నారు.

13/04/2024 20:01(IST)

Punjab vs Rajasthan: పవర్‌ ప్లే పూర్తి.. పంజాబ్‌ స్కోరు 38/1

అవేశ్ ఖాన్‌ వేసిన ఆరో ఓవర్‌లో ఏడు పరుగులు వచ్చాయి.
మొదటి నాలుగు బంతుల్లో రెండే పరుగులు రాగా.. ఐదో బంతికి ప్రభ్‌సిమ్రన్‌ సింగ్ (9) బౌండరీ బాదాడు.
పవర్ ప్లే ముగిసేసరికి స్కోరు 38/1. జానీ బెయిర్‌స్టో (11) పరుగులతో ఉన్నాడు.

13/04/2024 19:57(IST)

Punjab vs Rajasthan: పొదుపుగా బౌలింగ్ చేసిన ట్రెంట్ బౌల్ట్

ట్రెంట్ బౌల్ట్ పొదుపుగా బౌలింగ్ చేస్తున్నాడు.
అతడు వేసిన ఇన్నింగ్స్‌ ఐదో ఓవర్‌లో మూడు సింగిల్సే వచ్చాయి.
5 ఓవర్లకు స్కోరు 31/1. ప్రభ్‌సిమ్రన్‌ సింగ్ (3), జానీ బెయిర్‌స్టో (10) పరుగులతో ఉన్నారు.

13/04/2024 19:52(IST)

Punjab vs Rajasthan: తొలి వికెట్ కోల్పోయిన పంజాబ్‌

పంజాబ్‌ మొదటి వికెట్ కోల్పోయింది. అథర్వ తైడే (15; 12 బంతుల్లో) ఔటయ్యాడు.
అవేశ్‌ ఖాన్‌ వేసిన 3.4 ఓవర్‌కు కుల్దీప్‌ సేన్‌కు చిక్కాడు.
4 ఓవర్లకు స్కోరు 28/1. ప్రభ్‌సిమ్రన్ సింగ్ (1), జానీ బెయిర్‌స్టో (9) పరుగులతో ఉన్నారు.

13/04/2024 19:48(IST)

Punjab vs Rajasthan: నిలకడగా ఆడుతున్న పంజాబ్ ఓపెనర్లు

పంజాబ్ ఓపెనర్లు నిలకడగా ఆడుతున్నారు.
ట్రెంట్ బౌల్ట్ వేసిన మూడో ఓవర్‌లో 9 పరుగులు వచ్చాయి.
నాలుగో బంతిని బెయిర్‌స్టో (8) నేరుగా బౌండరీకి పంపాడు.
3 ఓవర్లకు స్కోరు 26/0. అథర్వ తైడే (15) పరుగులతో ఉన్నాడు.

13/04/2024 19:41(IST)

Punjab vs Rajasthan: వరుసగా రెండు ఫోర్లు కొట్టిన అథర్వ తైడే

కుల్దీప్‌ సేన్ వేసిన రెండో ఓవర్‌లో 13 పరుగులు వచ్చాయి.
మొదటి రెండు బంతులకు అథర్వ తైడే (13) బౌండరీలు రాబట్టాడు.
తర్వాత వరుసగా 2, 1, 1, 1 వచ్చాయి.
2 ఓవర్లకు స్కోరు 17/0. జానీ బెయిర్‌స్టో (2) పరుగులతో ఉన్నారు.

13/04/2024 19:36(IST)

Punjab vs Rajasthan: ప్రారంభమైన మ్యాచ్‌.. కట్టుదిట్టంగా బౌల్ట్ బౌలింగ్

టాస్‌ ఓడి పంజాబ్‌ బ్యాటింగ్‌కు దిగింది.
ట్రెంట్ బౌల్ట్ వేసిన తొలి ఓవర్‌లో నాలుగు పరుగులే వచ్చాయి.
ఇందులో ఒక వైడ్, ఓ లెగ్‌బై ఉంది.
అథర్వ తైడే (1), జానీ బెయిర్‌స్టో (1) క్రీజులో ఉన్నారు.

13/04/2024 19:16(IST)

Punjab vs Rajasthan: రాజస్థాన్‌ తుది జట్టులో చోటు దక్కింది వీరికే

సంజు శాంసన్ (వికెట్ కీపర్‌/కెప్టెన్), రియాన్ పరాగ్, రోవ్‌మన్ పావెల్, షిమ్రాన్ హెట్‌మయర్, ధ్రువ్ జురెల్, తనుష్ కొటియన్, ట్రెంట్ బౌల్ట్, కేశవ్ మహరాజ్, అవేశ్ ఖాన్, కుల్దీప్ సేన్, యుజ్వేంద్ర చాహల్.

13/04/2024 19:14(IST)

Punjab vs Rajasthan: పంజాబ్‌ తుది జట్టు ఇదే

సామ్ కరన్ (కెప్టెన్‌), అథర్వ తైడే, జానీ బెయిర్‌స్టో, ప్రభ్‌సిమ్రన్ సింగ్, లియామ్ లివింగ్‌స్టోన్, శశాంక్ సింగ్, జితేశ్ శర్మ (వికెట్ కీపర్‌), హర్‌ప్రీత్ బ్రార్, హర్షల్ పటేల్, కగిసో రబాడ, అర్ష్‌దీప్ సింగ్.

13/04/2024 19:05(IST)

Punjab vs Rajasthan: టాస్ గెలిచిన రాజస్థాన్‌.. తుది జట్టులో మార్పులు

పంజాబ్‌తో జరగనున్న మ్యాచ్‌లో రాజస్థాన్ టాస్ గెలిచి బౌలింగ్‌ ఎంచుకుంది.
రాజస్థాన్‌ తుది జట్టులో రెండు మార్పులు జరిగాయి.
బట్లర్, అశ్విన్‌ స్థానంలో రొవ్‌మన్ పావెల్, తనుష్ కొటియాన్‌ వచ్చారు.

13/04/2024 18:45(IST)

Punjab vs Rajasthan: ఇరుజట్ల మధ్య 26 మ్యాచ్‌లు.. ఆధిపత్యం ఎవరిది?

పంజాబ్‌, రాజస్థాన్ మధ్య ఇప్పటివరకు 26 మ్యాచ్‌లు జరిగాయి.
15 మ్యాచ్‌ల్లో రాజస్థాన్‌ గెలుపొందగా.. 11 మ్యాచ్‌ల్లో పంజాబ్‌ నెగ్గింది.
పంజాజ్‌తో జరిగిన గత ఏడు మ్యాచ్‌ల్లో రాజస్థాన్‌ ఐదింట గెలిచి తిరుగులేని ఆధిపత్యం ప్రదర్శించింది.

13/04/2024 17:59(IST)

రాజస్థాన్‌.. గత సీజన్‌ పరిస్థితిని తెచ్చుకోవద్దు: టామ్‌ మూడీ కీలక సూచన

ఐపీఎల్ 17వ సీజన్‌లో ముల్లాన్‌పుర్ మైదానం వేదికగా పంజాబ్‌తో తలపడేందుకు రాజస్థాన్ సిద్ధమైంది. వరుసగా నాలుగు మ్యాచుల్లో గెలిచిన ఆ జట్టు గుజరాత్‌ చేతిలో అనూహ్యంగా ఓటమి పాలైంది. ప్రస్తుతం పాయింట్ల పట్టికలో అగ్రస్థానంలోనే కొనసాగుతున్న ఆ జట్టు మిగతా మ్యాచుల్లో విజయం సాధించాలని.. లేకపోతే 2023 సీజన్‌ ఫలితాలే పునరావృతమయ్యే అవకాశం ఉందని ఆసీస్‌ మాజీ క్రికెటర్ టామ్‌ మూడీ వ్యాఖ్యానించాడు. అలాంటి ప్రమాదం రాకుండా మెరుగ్గా రాణించాలని సూచించాడు. పూర్తి వార్త కోసం క్లిక్‌ చేయండి

App

పంజాబ్ X రాజస్థాన్‌ ఐపీఎల్‌ మ్యాచ్‌ లైవ్‌ అప్‌డేట్స్

తాజా వార్తలు (Latest News)

మృత్యువుతో గెలిచి.. పదిలో మెరిసి

వాట్సప్‌లో కొత్త ఖాతాల నుంచి సందేశాలు రావిక..?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

నేటి రాశి ఫలాలు.. 12 రాశుల ఫలితాలు ఇలా... (02/05/24)

‘అద్దె ఇల్లే సో బెటరు’.. కారణం చెప్పిన బాంబే షేవింగ్ కంపెనీ సీఈఓ

గూగుల్‌తో ఇంగ్లిష్‌ ప్రాక్టీస్‌.. కొత్త ఏఐ ఫీచర్‌ను ఎలా వాడాలి?

సుఖీభవ

చదువు