Breaking | Feedback | ePratibha | E-PAPER | Pratibha

WI vs IND: ఐదో టీ20లో భారత్ ఓటమి.. సిరీస్‌ను కైవసం చేసుకున్న విండీస్

వెస్టిండీస్‌తో జరిగిన ఐదో టీ20లో భారత్ ఓటమిపాలైంది. టీమ్‌ఇండియా నిర్దేశించిన 166 పరుగుల లక్ష్యాన్ని విండీస్ 18 ఓవర్లలో 2 వికెట్లు కోల్పోయి ఛేదించింది.

Updated : 14 Aug 2023 00:36 IST

14/08/2023 00:32(IST)

భారత్ ఓటమి.. సిరీస్‌ను కైవసం చేసుకున్న విండీస్

వెస్టిండీస్‌తో జరిగిన ఐదో టీ20లో భారత్ ఓటమిపాలైంది. టీమ్‌ఇండియా నిర్దేశించిన 166 పరుగుల లక్ష్యాన్ని విండీస్ 18 ఓవర్లలో 2 వికెట్లు కోల్పోయి ఛేదించింది. బ్రాండన్ కింగ్ (85; 55 బంతుల్లో 5 ఫోర్లు, 6 సిక్స్‌లు), నికోలస్ పూరన్ (47; 35 బంతుల్లో 1 ఫోర్, 4 సిక్స్‌లు) రాణించారు. ఈ విజయంతో ఐదు టీ20 మ్యాచ్‌ల సిరీస్‌ను విండీస్‌ 3-2 తేడాతో కైవసం చేసుకుంది.

14/08/2023 00:13(IST)

మ్యాచ్‌ తిరిగి ప్రారంభం.. తిలక్‌వర్మకు వికెట్

మ్యాచ్ తిరిగి ప్రారంభమైంది. తిలక్ వర్మ బౌలింగ్‌లో నికోలస్ పూరన్ (47) ఔటయ్యాడు. అతడు వేసిన 13.2 బంతికి స్లిప్‌లో పాండ్యకు చిక్కాడు. 14 ఓవర్లకు స్కోరు 124/2. కింగ్ (57), షై హోప్‌ (3) పరుగులతో ఉన్నారు.

13/08/2023 23:27(IST)

కింగ్ హాఫ్‌ సెంచరీ.. చిన్నపాటి వర్షంతో మ్యాచ్‌కు అంతరాయం

చాహల్ వేసిన 13వ ఓవర్‌లో మూడో బంతికి సిక్స్ బాది బ్రాండన్ కింగ్ అర్ధ శతకం పూర్తి చేసుకున్నాడు. ఈ క్రమంలోనే చిన్నపాటి వర్షం రావడంతో మ్యాచ్‌ను నిలిపివేశారు. అప్పటికి విండీస్ స్కోరు 117/1. కింగ్ (54), పూరన్ (46) పరుగులతో ఉన్నారు. అయితే, మ్యాచ్‌ తొందరగానే తిరిగి ప్రారంభమయ్యే అవకాశముంది.

13/08/2023 23:12(IST)

సగం ఓవర్లు పూర్తి

166 పరుగుల లక్ష్యఛేదనలో విండీస్ నిలకడగా ఆడుతోంది. 10 ఓవర్లు పూర్తి అయ్యేసరికి ఒక వికెట్ నష్టానికి 96 పరుగులు చేసింది.నికోలస్ పూరన్ (34), బ్రాండన్ కింగ్ (45) క్రీజులో ఉన్నారు. కైల్‌ మేయర్స్‌ (10)ను రెండో ఓవర్‌లోనే అర్ష్‌దీప్‌ వెనక్కి పంపాడు. అనంతరం పూరన్‌తో కలిసి కింగ్ విండీస్‌ ఇన్నింగ్స్‌ను ముందుకు నడిపిస్తున్నాడు. పరుగులు కట్టడి చేయడంతోపాటు వికెట్లు పడగొడితేనే భారత్‌కు విజయం దక్కుతుంది.

13/08/2023 22:10(IST)

భారత్ బ్యాటింగ్ పూర్తి

విండీస్‌తో జరుగుతున్న ఐదో టీ20లో భారత్ బ్యాటింగ్‌ పూర్తయింది. నిర్ణీత 20 ఓవర్లలో 9 వికెట్ల నష్టానికి 165 పరుగులు చేసింది. ఓపెనర్లు శుభ్‌మన్‌ గిల్ (9), యశస్వి జైస్వాల్ (5) నిరాశపర్చగా.. సూర్యకుమార్‌ యాదవ్ (61; 45 బంతుల్లో 4 ఫోర్లు, 3 సిక్స్‌లు) అర్ధ శతకం బాది భారత్‌ను ఆదుకున్నాడు. తిలక్‌ వర్మ (27; 18 బంతుల్లో) ఫర్వాలేదనిపించాడు. సంజు శాంసన్‌ (13), హార్దిక్ పాండ్య (14) తక్కువ స్కోరుకే పెవిలియన్‌ చేరారు. విండీస్ బౌలర్లలో రొమారియో షెఫర్డ్ 4, అకీల్ హోసీన్‌ 2, జేసన్ హోల్డర్ 2, రోస్టన్ చేజ్ వికెట్ పడగొట్టారు.

13/08/2023 22:02(IST)

మళ్లీ వర్షం

మ్యాచ్‌కు వర్షం మళ్లీ అంతరాయం కలిగిస్తోంది. మరో రెండు బంతులు పూర్తయితే ఇన్నింగ్స్‌ ముగుస్తుందనగా చిన్నపాటి జల్లు కురిసింది. దీంతో ఆటను నిలిపివేశారు. 19.4 ఓవర్లకు భారత్ స్కోరు 161/8. అక్షర్ పటేల్ (13), చాహల్ (0) క్రీజులో ఉన్నారు.

13/08/2023 21:48(IST)

సూర్యకుమార్ కూడా

టీమ్‌ఇండియా మరో వికెట్ కోల్పోయింది. సూర్యకుమార్‌ యాదవ్ (61) ఔటయ్యాడు. హోల్డర్ వేసిన 17.5 ఓవర్‌కు ఎల్బీడబ్ల్యూగా వెనుదిరిగాడు. తొలుత అంపైర్‌ నాటౌట్‌గా ప్రకటించగా.. విండీస్‌ రివ్యూకు వెళ్లి ఫలితం రాబట్టింది. 18 ఓవర్లకు స్కోరు 141/6. అర్ష్‌దీప్‌ సింగ్ (1), అక్షర్‌ పటేల్ (4) పరుగులతో ఉన్నారు.

13/08/2023 21:41(IST)

హార్దిక్ ఔట్

టీమ్ఇండియా కెప్టెన్ హార్దిక్ పాండ్య (14; 18 బంతుల్లో) ఔటయ్యాడు. షెఫర్డ్ వేసిన 16.2 ఓవర్‌కు హోల్డర్‌కు క్యాచ్‌ ఇచ్చాడు.దీంతో 130 పరుగుల వద్ద భారత్ ఐదో వికెట్ కోల్పోయింది. 17 ఓవర్లకు స్కోరు 133/5. సూర్యకుమార్ యాదవ్ (56), అక్షర్ పటేల్ (2) పరుగులతో ఉన్నారు.

13/08/2023 21:25(IST)

‘స్కై’ హాఫ్‌ సెంచరీ.. ఆటకు వర్షం అంతరాయం

అల్జారీ జోసెఫ్‌ వేసిన 16వ ఓవర్లో తొలి బంతికి సూర్యకుమార్‌ యాదవ్‌ సిక్స్ బాది అర్ధ శతకం పూర్తి చేసుకున్నాడు. ఇదే ఓవర్‌లో ఫుల్‌ టాస్‌గా వచ్చిన నాలుగో బంతిని హార్దిక్ పాండ్య నేరుగా ఆడగా.. బౌలర్ జోసెప్‌ క్యాచ్‌ అందుకోలేకపోయాడు. 15.5 ఓవర్ల ఆట పూర్తయిన తర్వాత చిరుజల్లు కురవడంతో మ్యాచ్‌ను నిలిపివేశారు. అప్పటికి భారత్ స్కోరు 121/4. సూర్యకుమార్ (53), హార్దిక్ (8) పరుగులతో ఉన్నారు.

13/08/2023 21:18(IST)

సూర్యకుమార్ సిక్స్

రొమారియో షెఫర్డ్ వేసిన 15వ ఓవర్‌లో 10 పరుగులు వచ్చాయి. ఈ ఓవర్‌లో ఫుల్ టాస్‌గా వచ్చిన తొలి బంతిని సూర్యకుమార్‌ యాదవ్‌ (46) మిడ్ వికెట్ మీదుగా సిక్సర్‌గా మలిచాడు. 15 ఓవర్లకు స్కోరు 112/4. హార్దిక్ పాండ్య (7) పరుగులతో ఉన్నాడు.

13/08/2023 20:57(IST)

శాంసన్‌ ఔట్

సంజు శాంసన్ (13) మరోసారి నిరాశపర్చాడు. రొమారియో షెఫర్డ్ వేసిన 11 ఓవర్‌లో రెండో బంతికి వికెట్ కీపర్ నికోలస్ పూరన్‌కు క్యాచ్‌ ఇచ్చాడు. దీంతో 87 పరుగుల వద్ద భారత్ నాలుగో వికెట్ కోల్పోయింది. 11 ఓవర్లకు స్కోరు 89/4. హార్దిక్ పాండ్య (1), సూర్యకుమార్ (30) క్రీజులో ఉన్నారు.

13/08/2023 20:53(IST)

సగం ఓవర్లు పూర్తి

విండీస్‌తో ఐదో టీ20లో భారత్ నిలకడగా ఆడుతోంది. 10 ఓవర్లు పూర్తి అయ్యేసరికి 86/3 స్కోరుతో ఉంది. ఓపెనర్లు శుభ్‌మన్ గిల్ (9), యశస్వి జైస్వాల్ (5) నిరాశపర్చగా.. తిలక్ వర్మ (27; 18 బంతుల్లో) ఫర్వాలేదనిపించాడు. ప్రస్తుతం సూర్యకుమార్ యాదవ్ (28), సంజు శాంసన్ (13) పరుగులతో ఉన్నారు.

13/08/2023 20:42(IST)

తిలక్ ఔట్

తిలక్ వర్మ (27; 18 బంతుల్లో) ఔటయ్యాడు. రోస్టన్ చేజ్ వేసిన ఎనిమిదో ఓవర్‌లో ఐదో బంతికి బౌలర్‌ చేజ్‌ ఒంటిచేత్తో క్యాచ్‌ అందుకోవడంతో అతడు పెవిలియన్ చేరాడు. దీంతో 66 పరుగుల వద్ద భారత్ మూడో వికెట్ కోల్పోయింది. 8 ఓవర్లకు స్కోరు 67/3. సంజు శాంసన్ (1), సూర్యకుమార్ యాదవ్ (21) పరుగులతో ఉన్నారు.

13/08/2023 20:37(IST)

సిక్స్‌ను ఆపేశాడు

హోల్డర్ వేసిన ఏడో ఓవర్‌లో మూడో బంతికి సూర్యకుమార్ యాదవ్ లాంగాన్‌ మీదుగా భారీ షాట్ ఆడగా.. సిక్స్ వెళ్లే బంతిని పావెల్ గాల్లోకి ఎగిరి మరి మైదానంలోకి పడేశాడు. ఐదో బంతికి తిలక్ వర్మ (27) లాంగాఫ్‌ మీదుగా సిక్స్‌ బాదాడు. 7 ఓవర్లకు స్కోరు 60/2. సూర్యకుమార్ (16) పరుగులతో ఉన్నాడు.

13/08/2023 20:30(IST)

తిలక్ దూకుడు

కెరీర్‌లో నాలుగో టీ20 ఆడుతున్న హైదరాబాదీ కుర్రాడు తిలక్ వర్మ మరోసారి కీలక ఇన్నింగ్స్ ఆడుతున్నాడు. అల్జారీ జోసెఫ్‌ వేసిన ఆరో ఓవర్‌లో తొలి బంతి డాట్. తర్వాత నాలుగు బంతులకు తిలక్ వరుసగా 4,6,4,4 బాదేశాడు. చివరి బంతికి సింగిల్ తీశాడు. దీంతో ఈ ఓవర్‌లో 19 పరుగులు వచ్చాయి. 6 ఓవర్లకు స్కోరు 51/2. సూర్యకుమార్ యాదవ్ (15) పరుగులతో ఉన్నాడు.

13/08/2023 20:15(IST)

గిల్ కూడా

టీమ్‌ఇండియా మరో వికెట్ కోల్పోయింది. ఇప్పటికే ఓపెనర్ యశస్వి జైస్వాల్ ఔట్ కాగా.. మరో ఓపెనర్ శుభ్‌మన్ గిల్ (9) ఔటయ్యాడు. అకీల్ హోసీన్ వేసిన మూడో ఓవర్‌లో ఐదో బంతికి గిల్ ఎల్బీడబ్ల్యూగా వెనుదిరిగాడు. 3 ఓవర్లకు స్కోరు 17/2.

13/08/2023 20:05(IST)

ప్రారంభమైన మ్యాచ్‌.. భారత్‌కు షాక్‌

టాస్‌ గెలిచి బ్యాటింగ్‌కు దిగిన టీమ్‌ఇండియాకు ఆదిలోనే షాక్‌ తగిలింది. ఓపెనర్‌ యశస్వి జైస్వాల్ (5) ఔటయ్యాడు. అకీల్‌ హోసీన్‌ వేసిన తొలి ఓవర్‌లో ఐదో బంతికి బౌలర్‌కే క్యాచ్‌ ఇచ్చాడు. 1 ఓవర్‌ ముగిసేసరికి స్కోరు 6/1. సూర్యకుమార్‌ యాదవ్‌ (0), శుభ్‌మన్‌ గిల్ (1) క్రీజులో ఉన్నారు.

13/08/2023 19:43(IST)

విండీస్ తుది జట్టులో రెండు మార్పులు

ఒడియన్‌ స్మిత్ స్థానంలో రోస్టన్ చేజ్, మెకాయ్‌ స్థానంలో అల్జారీ జోసెఫ్‌ను తుది జట్టులోకి తీసుకుంది.

తుది జట్టు: బ్రాండన్ కింగ్, కైల్ మేయర్స్, షై హోప్, నికోలస్ పూరన్ (వికెట్‌ కీపర్‌), రోవ్‌మన్ పావెల్ (కెప్టెన్), షిమ్రాన్ హెట్‌మయర్‌, జాసన్ హోల్డర్, రోస్టన్ చేజ్, రొమారియో షెఫర్డ్, అకీల్ హోసేన్, అల్జారీ జోసెఫ్.

13/08/2023 19:34(IST)

టాస్ గెలిచిన టీమ్‌ఇండియా

వెస్టిండీస్, భారత్ మధ్య మరికాసేపట్లో ఐదో టీ20 మ్యాచ్‌ ప్రారంభంకానుంది. ఈ మ్యాచ్‌లో నెగ్గిన జట్టు సిరీస్‌ను సొంతం చేసుకుంటుంది. టీమ్‌ఇండియా కెప్టెన్ హార్దిక్ పాండ్య టాస్‌ గెలిచి తొలుత బ్యాటింగ్ చేయాలని నిర్ణయించుకున్నాడు. వరుసగా రెండు మ్యాచ్‌ల్లో నెగ్గిన భారత జట్టు.. ఐదో టీ20లోనూ గెలిచి సిరీస్‌ను సొంతం చేసుకోవాలనే లక్ష్యంతో బరిలోకి దిగుతోంది.

13/08/2023 17:40(IST)

టీమ్‌ఇండియా ‘హ్యాట్రిక్‌’ కొట్టాలి.. టీ20 సిరీస్‌ పట్టేయాలి!

తొలి రెండు మ్యాచుల్లో ఓటమి.. అదీనూ చివరి వరకు వచ్చి మరీ చేజారాయి. ఇక యువకులతో కూడిన జట్టు.. స్వదేశంలో పటిష్ఠమైన విండీస్‌ను ఎలా ఎదుర్కొంటుందోననే సందేహాలు మొదలయ్యాయి. పొట్టి సిరీస్‌ చేజారుతుందేమోనని ఆందోళనా రేగింది. ఐదు టీ20ల సిరీస్‌లో 0-2తో టీమ్‌ఇండియా వెనుకబడింది. అయితే కీలకమైన మూడు, నాలుగు టీ20ల్లో మాత్రం అద్భుత విజయాలు సాధించి తామూ సిరీస్‌ రేసులో ఉన్నామని ఘనంగా చాటిచెప్పింది భారత యువ క్రికెట్ జట్టు. పూర్తి వార్త కోసం క్లిక్ చేయండి

13/08/2023 17:39(IST)

ఇది ఆరంభం మాత్రమేనన్న యశస్వి.. గత మ్యాచుల్లో పొరపాట్లేమీ చేయలేదన్న గిల్!

వెస్టిండీస్‌తో తొలి మూడు టీ20ల్లో 3, 7, 6 పరుగులు చేసిన భారత ఓపెనర్ శుభ్‌మన్‌ గిల్ కీలకమైన నాలుగో మ్యాచ్‌లో మాత్రం చెలరేగిపోయాడు. హాఫ్ సెంచరీ (77) చేసి ఫామ్‌లోకి వచ్చిన గిల్ గత మూడు మ్యాచుల్లో విఫలం కావడంపై స్పందించాడు. యశస్వి జైస్వాల్‌తో కలిసి 165 పరుగులు జోడించడం ఆనందంగా ఉందని వ్యాఖ్యానించాడు. పూర్తి వార్త కోసం క్లిక్‌ చేయండి

13/08/2023 17:38(IST)

తిరుమల శ్రీవారిని దర్శించుకున్న క్రికెటర్‌ రోహిత్‌ శర్మ

తిరుమల శ్రీవారిని టీమ్ఇండియా క్రికెటర్ రోహిత్ శర్మ దర్శించుకున్నారు. ఇవాళ ఉదయం రోహిత్ శర్మ కుటుంబ సమేతంగా స్వామివారి సేవలో పాల్గొన్నారు. తితిదే ఆలయ అధికారులు ఆయనకు స్వాగతం పలికి దర్శన ఏర్పాట్లు చేశారు. వీడియో కోసం క్లిక్‌ చేయండి

WI vs IND: ఐదో టీ20లో భారత్ ఓటమి.. సిరీస్‌ను కైవసం చేసుకున్న విండీస్

తాజా వార్తలు (Latest News)

ముంబయిని ఓడించి.. ప్లేఆఫ్స్‌కు కోల్‌కతా

నేటి రాశి ఫలాలు.. 12 రాశుల ఫలితాలు ఇలా... (12/05/24)

ఖుషీ-జాన్వీకపూర్‌ల ఉత్సాహం.. చీరకట్టులో దివి హొయలు

భారతీయ విలువలు చూసి ఆశ్చర్యపోయా.. జపాన్‌ కంపెనీ సీఈఓ

సుఖీభవ

చదువు