Breaking | Feedback | ePratibha | E-PAPER | Pratibha

లఖ్‌నవూ X రాజస్థాన్‌ ఐపీఎల్‌ మ్యాచ్‌ లైవ్‌ అప్‌డేట్స్

లఖ్‌నవూతో జరిగిన మ్యాచ్‌లో రాజస్థాన్‌ 7 వికెట్ల తేడాతో ఘన విజయం సాధించింది.

Updated : 27 Apr 2024 23:17 IST

27/04/2024 23:09(IST)

Lucknow vs Rajasthan: రాజస్థాన్‌ ఘన విజయం..

లఖ్‌నవూతో జరిగిన మ్యాచ్‌లో రాజస్థాన్‌ 7 వికెట్ల తేడాతో ఘన విజయం సాధించింది.
తొలుత లఖ్‌నవూ నిర్ణీత 20 ఓవర్లలో 5 వికెట్ల నష్టానికి 196 పరుగులు చేసింది.
ఈ లక్ష్యాన్ని రాజస్థాన్‌ 3 వికెట్లు కోల్పోయి ఒక ఓవర్‌ మిగిలి ఉండగానే ఛేదించింది.
సంజు శాంసన్‌ (71*; 33 బంతుల్లో 7 ఫోర్లు, 4 సిక్స్‌లు) చెలరేగిపోయాడు.
ధ్రువ్‌ జురెల్ (52*; 34 బంతుల్లో 5 ఫోర్లు, 2 సిక్స్‌లు) దూకుడుగా ఆడాడు.

27/04/2024 23:03(IST)

Lucknow vs Rajasthan: ఒకే ఓవర్‌లో శాంసన్, ధ్రువ్‌ జురెల్ హాఫ్‌ సెంచరీలు

మోసిన్‌ ఖాన్‌ వేసిన 18 ఓవర్‌లో మూడో బంతికి సిక్స్ బాది శాంసన్ అర్ధ శతకం పూర్తి చేసుకున్నాడు.
ఐదో బంతికి సింగిల్ తీసి ధ్రువ్ జురెల్ కూడా హాఫ్‌ సెంచరీ అందుకున్నాడు.
18 ఓవర్లకు స్కోరు 186/3. చివరి బంతికి శాంసన్ (60) సిక్సర్ బాదాడు.

27/04/2024 23:01(IST)

Lucknow vs Rajasthan: 17 ఓవర్‌.. రాజస్థాన్‌ 170

రాజస్థాన్ విజయం దిశగా సాగుతోంది.
యశ్ ఠాకూర్ వేసిన 17 ఓవర్‌లో 10 పరుగులు వచ్చాయి.
మూడో బంతిని ధ్రువ్ జురెల్ (49) బౌండరీకి పంపి అర్ధ శతకానికి చేరువయ్యాడు.
17 ఓవర్లకు స్కోరు 170/3. శాంసన్ (45) పరుగులతో ఉన్నాడు.

27/04/2024 22:16(IST)

Lucknow vs Rajasthan: సిక్స్‌ బాది వెంటనే ఔటైన రియాన్ పరాగ్

రాజస్థాన్ మూడో వికెట్ కోల్పోయింది. రియాన్‌ పరాగ్ (14) ఔటయ్యాడు.
అమిత్ మిశ్రా వేసిన తొమ్మిదో ఓవర్లో మూడో బంతికి లాంగాన్‌ మీదుగా సిక్స్ బాదిన పరాగ్.. తర్వాతి బంతికే బదోనికి క్యాచ్‌ ఇచ్చాడు.
9 ఓవర్లకు స్కోరు 78/3. ధ్రువ్ జురెల్ (0), శాంసన్ (4) పరుగులతో ఉన్నారు.

27/04/2024 22:05(IST)

Lucknow vs Rajasthan: తొలి బంతికే వికెట్ పడగొట్టిన స్టాయినిస్‌

మార్కస్ స్టాయినిస్‌ తన స్పెల్‌లో తొలి బంతికే వికెట్ పడగొట్టాడు.
అతడు వేసిన 6.1 ఓవర్‌కు యశస్వి జైస్వాల్ (24).. రవి బిష్ణోయ్‌కు క్యాచ్‌ ఇచ్చాడు.
7 ఓవర్లకు స్కోరు 63/2. సంజు శాంసన్ (1), రియాన్‌ పరాగ్ (2) పరుగులతో ఉన్నారు.

27/04/2024 22:00(IST)

Lucknow vs Rajasthan: బట్లర్ (34) క్లీన్‌బౌల్డ్.. రాజస్థాన్‌ తొలి వికెట్

జోస్ బట్లర్ (34; 18 బంతుల్లో) ఔటయ్యాడు.
యశ్ ఠాకూర్‌ వేసిన ఆరో ఓవర్‌లో ఐదో బంతికి క్లీన్‌బౌల్డ్ అయ్యాడు.
దీంతో 60 పరుగుల వద్ద రాజస్థాన్‌ తొలి వికెట్ కోల్పోయింది.
పవర్‌ ప్లే ముగిసేసరికి స్కోరు 60/1. సంజు శాంసన్ (0), యశస్వి జైస్వాల్ (24) క్రీజులో ఉన్నారు.

27/04/2024 21:50(IST)

Lucknow vs Rajasthan: క్రీజులో నిలదొక్కుకుంటున్న ఓపెనర్లు.. 4 ఓవర్లకు 37/0

జైస్వాల్‌, బట్లర్‌ క్రీజులో నిలదొక్కుకుంటూ పరుగులు రాబడుతున్నారు.
మోసిన్‌ ఖాన్‌ వేసిన తొలి బంతికి బట్లర్‌ బౌండరీ బాదాడు.
ఈ ఓవర్లో 9 పరుగులు వచ్చాయి.
4 ఓవర్లకు రాజస్థాన్‌ 37/0

27/04/2024 21:42(IST)

Lucknow vs Rajasthan: వారెవ్వా.. వాట్‌ ఏ ఫోర్‌.. జైస్వాల్‌ అద్భుత బౌండరీ

మోసిన్‌ ఖాన్‌ వేసిన రెండో ఓవర్లో జైస్వాల్‌ అద్భుత బౌండరీ సాధించాడు.
చాలా సింపుల్‌గా బంతిని ఫ్లిప్‌ చేసి ఫోర్‌గా మలిచాడు.
ఈ ఓవర్లో మొత్తం 7 పరుగులు వచ్చాయి.
జైస్వాల్‌ (17), బట్లర్‌ (2) క్రీజులో కొనసాగుతున్నారు.
2 ఓవర్లకు రాజస్థాన్‌ @ 20/0

27/04/2024 21:37(IST)

Lucknow vs Rajasthan: సింగిల్‌తో ప్రారంభం.. జైస్వాల్‌ సిక్సర్‌

రాజస్థాన్‌ ఇన్నింగ్స్‌ సింగిల్‌తో మొదలైంది. తొలి బంతికి జైస్వాల్‌ ఒక్క పరుగు రాబట్టాడు.
నాలుగో బంతిని ఆఫ్‌ స్టంప్‌ మీదుగా 86 మీటర్ల భారీ సిక్సర్‌గా మలిలిచాడు.
ఓ ఫోర్‌ సహా తొలి ఓవర్లో 13 పరుగులు వచ్చాయి.

27/04/2024 21:17(IST)

Lucknow vs Rajasthan: రాహుల్, దీపక్‌ హాఫ్‌ సెంచరీలు.. రాజస్థాన్‌ లక్ష్యం 197

రాజస్థాన్‌తో జరుగుతున్న మ్యాచ్‌లో లఖ్‌నవూ బ్యాటింగ్‌ ముగిసింది.
నిర్ణీత 20 ఓవర్లలో 5 వికెట్ల నష్టానికి 196 పరుగులు చేసింది.
కేఎల్ రాహుల్ (76; 48 బంతుల్లో 8 ఫోర్లు, 2 సిక్స్‌లు), దీపక్‌ హుడా (50; 31 బంతుల్లో 7 ఫోర్లు) అర్ధ శతకాలు బాదారు.
రాజస్థాన్ బౌలర్లలో సందీప్ శర్మ 2, ట్రెంట్ బౌల్ట్, అవేశ్‌ ఖాన్‌, అశ్విన్‌ తలో వికెట్ పడగొట్టారు.

27/04/2024 21:05(IST)

Lucknow vs Rajasthan: కేఎల్ రాహుల్ (74) ఔట్.. లఖ్‌నవూ ఐదో వికెట్

లఖ్‌నవూ ఐదో వికెట్ కోల్పోయింది. కేఎల్ రాహుల్ (74) ఔటయ్యాడు.
అవేశ్‌ ఖాన్‌ వేసిన 17.2 ఓవర్‌కు ట్రెంట్ బౌల్ట్‌కు క్యాచ్‌ ఇచ్చాడు.
18 ఓవర్లకు స్కోరు 178/5. ఆయుష్ బదోని (15), కృనాల్ పాండ్య (2) పరుగులతో ఉన్నారు.

27/04/2024 21:03(IST)

Lucknow vs Rajasthan: 17 ఓవర్‌.. 15 రన్స్‌ ఇచ్చిన అశ్విన్

అశ్విన్ వేసిన 17 ఓవర్‌లో 15 పరుగులు వచ్చాయి.
తొలి బంతికి వైడ్‌ రూపంలో బౌండరీ వచ్చింది.
ఆయుష్ బదోని (12) నాలుగో బంతికి బౌండరీ బాదాడు.
17 ఓవర్లకు స్కోరు 171/4. కేఎల్ రాహుల్ (74) పరుగులతో ఉన్నాడు.

27/04/2024 20:54(IST)

Lucknow vs Rajasthan: నికోలస్ పూరన్ (11) ఔట్.. లఖ్‌నవూ నాలుగో వికెట్

లఖ్‌నవూ నాలుగో వికెట్ కోల్పోయింది. నికోలస్ పూరన్‌ (11) తక్కువ స్కోరుకే వెనుదిరిగాడు.
15.1 ఓవర్‌కు ట్రెంట్‌ బౌల్ట్‌కు క్యాచ్‌ ఇచ్చాడు.
16 ఓవర్లకు స్కోరు 156/1. ఆయుష్‌ బదోని (3), కేఎల్ రాహుల్ (73) పరుగులతో ఉన్నారు.

27/04/2024 20:36(IST)

Lucknow vs Rajasthan: మూడో వికెట్ కోల్పోయిన లఖ్‌నవూ

అర్ధ శతకం పూర్తి చేసుకున్న దీపక్ హుడా (50) ఔటయ్యాడు.
అశ్విన్‌ వేసిన 12.1 ఓవర్‌కు రోవ్‌మన్‌ పొవెల్‌కు క్యాచ్‌ ఇచ్చాడు.
తర్వాత వచ్చిన నికోలస్ పూరన్ (5) ఫోర్ కొట్టాడు.
13 ఓవర్లకు స్కోరు 135/3. రాహుల్ (63) పరుగులతో ఉన్నాడు.

27/04/2024 20:29(IST)

Lucknow vs Rajasthan: దీపక్‌ దూకుడు.. 100 దాటిన లఖ్‌నవూ స్కోరు

దీపక్‌ హుడా (44; 27 బంతుల్లో) దూకుడుగా ఆడుతున్నాడు.
ట్రెంట్ బౌల్ట్ వేసిన 11 ఓవర్‌లో వరుసగా రెండు ఫోర్లు బాదాడు.
ఈ ఓవర్‌లో వైడ్ రూపంలో ఓ బౌండరీ సహా మొత్తం 18 పరుగులు వచ్చాయి.
11 ఓవర్లకు స్కోరు 112/2. కేఎల్ రాహుల్ (53) పరుగులతో ఉన్నాడు.

27/04/2024 20:22(IST)

Lucknow vs Rajasthan: కేఎల్ రాహుల్ హాఫ్‌ సెంచరీ

చాహల్‌ వేసిన 10 ఓవర్‌లో నాలుగో బంతిని బౌండరీకి పంపి కేఎల్ రాహుల్ అర్ధ శతకం పూర్తి చేసుకున్నాడు.
ఇదే ఓవర్‌లో తొలి బంతికి దీపక్ హుడా (32) ఫోర్ బాదాడు.
10 ఓవర్లకు స్కోరు 94/2. రాహుల్ (52) పరుగలతో ఉన్నాడు.

27/04/2024 20:11(IST)

Lucknow vs Rajasthan: దూకుడు పెంచిన కేఎల్ రాహుల్

లఖ్‌నవూ కెప్టెన్ కేఎల్ రాహుల్ (45) దూకుడు పెంచాడు.
అవేశ్ ఖాన్‌ వేసిన ఎనిమిదో ఓవర్‌లో రెండో బంతికి రాహుల్ సిక్స్ బాదాడు.
ఐదో బంతికి అతడు సిక్స్ కొట్టగా అది నో బాల్. ఫ్రీ హిట్‌కు బౌండరీ సాధించాడు.
8 ఓవర్లకు స్కోరు 75/2. దీపక్ హుడా (21) పరుగులతో ఉన్నాడు.

27/04/2024 19:56(IST)

Lucknow vs Rajasthan : పడిపోయి మరీ ఫోర్‌ కొట్టిన రాహుల్‌

ఐదో ఓవర్‌ నాలుగో బంతి భలేగా బౌండకీకి వెళ్లింది. అశ్విన్‌ వేసిన బంతికి స్వీప్‌ ఆడదాం అనుకున్న రాహుల్‌ అదుపుతప్పి జారిపోయి మరీ కొట్టాడు.
ఓవర్‌ ఆఖరి బంతికి కూడా దీపక్‌ హుడా బౌండరీ బాదాడు.
ఐదు ఓవర్లకు లఖ్‌నవూ స్కోరు: 36/2
క్రీజులో దీపక్‌ హుడా (13), కేఎల్‌ రాహుల్‌ (15) ఉన్నారు.

27/04/2024 19:52(IST)

Lucknow vs Rajasthan : నాలుగో ఓవర్‌ ఆ 3 లేకుంటేనా..

నాలుగో ఓవర్‌లో లఖ్‌నవూ బ్యాటర్లకు పరుగుల రాక కష్టంగా మారింది.
ఐదో బంతికి మూడు పరుగులు రాకుండా రాజస్థాన్‌కు మంచి ఓవర్‌ అయ్యేది.
మొత్తంగా ఈ ఓవర్‌లో ఆరు పరుగులే వచ్చాయి.
లఖ్‌నవూ స్కోరు: 26/2. రాహుల్‌ (10), హుడా (8) క్రీజులో ఉన్నారు.

27/04/2024 19:41(IST)

Lucknow vs Rajasthan : సెంచరీ హీరో మార్కస్‌ స్టాయినిస్‌ ఔట్‌

తొలి ఓవర్‌లో రెండు బౌండరీలు సమర్పించుకున్న రాజస్థాన్‌ రెండో ఓవర్‌ను కట్టుదిట్టంగా వేసింది.
సందీప్‌ శర్మ ఈ ఓవర్‌లో మూడు పరుగులే ఇచ్చి ఓ వికెట్‌ తీశాడు.
గత మ్యాచులో చెన్నై మీద సెంచరీ చేసిన మార్కస్‌ స్టాయినిస్‌ డకౌట్‌ అయ్యాడు.
లఖ్‌నవూ స్కోరు: రెండు ఓవర్లకు 11/2.

27/04/2024 19:11(IST)

Lucknow vs Rajasthan : ఇంపాక్ట్‌ ప్లేయర్లు వీరే!

లఖ్‌నవూ: యుధ్విర్‌ సింగ్‌ చారక్‌, కృష్ణప్ప గౌతమ్‌, అమిత్‌ మిశ్రా, అర్షిన్‌ కులకర్ణి, మణిమారన్‌ సిద్ధార్థ్‌

రాజస్థాన్‌: రియాన్‌ పరాగ్‌, నవదీప్‌ సైని, శుభమ్‌ దూబె, టమ్‌ కోలెర్‌ కాడ్మోర్‌, తనుష్‌ కొటియాన్‌

27/04/2024 19:08(IST)

ఈ రోజు ఆడే రాజస్థాన్‌ రాయల్స్‌ వీరే!

యశస్వి జైస్వాల్‌, జాస్‌ బట్లర్‌, సంజూ శాంసన్‌ (కెప్టెన్‌), రోమన్‌ పావెల్‌, షిమ్రన్‌ హెట్‌మయర్‌, ధ్రువ్‌ జురెల్‌, రవిచంద్రన్‌ అశ్విన్‌, ట్రెంట్‌ బౌల్ట్‌, అవేశ్‌ ఖాన్‌, సందీప్‌ శర్మ, యుజువేంద్ర చాహల్‌

27/04/2024 17:11(IST)

Lucknow vs Rajasthan: రాజస్థాన్‌ 1.. లఖ్‌నవూ 4

రాజస్థాన్‌ ఈ సీజన్‌లో వరుస విజయాలతో దూసుకుపోతోంది.
ఇప్పటికే ఎనిమిది మ్యాచ్‌లు ఆడి ఏడు మ్యాచ్‌ల్లో గెలిచి ఒక మ్యాచ్‌లోనే ఓడింది. ప్రస్తుతం 14 పాయింట్లతో అగ్రస్థానంలో ఉంది.
మరోవైపు, లఖ్‌నవూ ఎనిమిది మ్యాచ్‌లు ఆడి ఐదు విజయాలు సాధించి నాలుగో స్థానంలో ఉంది.

లఖ్‌నవూ X రాజస్థాన్‌ ఐపీఎల్‌ మ్యాచ్‌ లైవ్‌ అప్‌డేట్స్

తాజా వార్తలు (Latest News)

చీరలో అదాశర్మ హొయలు.. ఈవెంట్‌లో మౌనీరాయ్‌ పోజులు

పూర్వ వైభవానికి బైజూస్‌ పాట్లు.. కోర్సు ఫీజు తగ్గింపు!

కెనడా ఏ ఆధారాలూ ఇవ్వలేదు.. నిజ్జర్‌ హత్య కేసుపై భారత్‌

వీసా లేకుండానే థాయిలాండ్‌కు.. మరో ఆరు నెలలు వెసులుబాటు

నేటి రాశి ఫలాలు.. 12 రాశుల ఫలితాలు ఇలా... (10/05/24)

‘పది’లో 625/625 మార్కులు.. అదరగొట్టావ్‌ అంకిత!

సుఖీభవ

చదువు