Breaking | Feedback | ePratibha | E-PAPER | Pratibha

NZ vs IND: మూడో టీ20 మ్యాచ్‌ టై.. భారత్‌దే సిరీస్‌

మూడు టీ20ల సిరీస్‌ను భారత్‌ 1-0 ఆధిక్యంతో దక్కించుకొంది. తొలి మ్యాచ్‌ వర్షం కారణంగా రద్దు కాగా.. రెండో టీ20లో టీమ్‌ఇండియా ఘన విజయం సాధించింది. ఇక మూడో మ్యాచ్‌ వర్షం కారణంగా టైగా ముగిసింది. నేపియర్‌ వేదికగా జరిగిన మ్యాచ్‌లో భారత్‌ త్రుటిలో ఓటమి నుంచి తప్పించుకొంది. 161 పరుగుల లక్ష్య ఛేదనలో భారత్‌ 9 ఓవర్లకు 75/4 స్కోరుతో ఉన్నప్పుడు వర్షం భారీగా రావడంతో మ్యాచ్‌ను నిలిపివేశారు. డక్‌వర్త్‌లూయిస్‌ పద్ధతి ప్రకారం 76 పరుగులు చేస్తే భారత్‌ విజయం సాధించేది. అయితే 75 కొట్టడంతో టైగా ముగిసింది.

Updated : 22 Nov 2022 16:18 IST

22/11/2022 15:59(IST)

మ్యాచ్‌ను ఆపేసిన అంపైర్లు

భారత్‌, న్యూజిలాండ్‌ జట్ల మధ్య మూడో టీ20 మ్యాచ్‌ వర్షం కారణంగా ఆగిపోయింది. మ్యాచ్‌ ఆగిపోయే సమయానికి భారత్‌ 9 ఓవర్లలో 75/4 స్కోరు చేసింది. డక్‌వర్త్‌లూయిస్‌ ప్రకారం 75 పరుగులు చేస్తే మ్యాచ్‌ టైగా ముగుస్తుంది. దీంతో మూడు టీ20ల సిరీస్‌ను భారత్‌ 1-0 ఆధిక్యంతో సొంతం చేసుకొంది.

22/11/2022 15:55(IST)

ఆగిన వర్షం.. తడిగానే అవుట్‌ఫీల్డ్‌

నేపియర్‌ స్టేడియంలో వర్షం అయితే ఆగింది. కానీ అవుట్‌ఫీల్డ్‌ తడిగా ఉంది. మైదానం సిబ్బంది సిద్ధం చేసేందుకు కృషి చేస్తున్నారు. మ్యాచ్‌ నిర్వహణపై మరికాసేపట్లో అంపైర్లు నిర్ణయం వెల్లడించే అవకాశం ఉంది.

22/11/2022 15:48(IST)

4 గంటల్లోపు..

వర్షం కారణంగా ఆగిన మ్యాచ్‌.. భారత కాలమానం ప్రకారం 4 గంటలకల్లా ప్రారంభం కాకపోతే మ్యాచ్‌ను టైగా ప్రకటించే అవకాశం ఉంది. అప్పుడు భారత్‌ మూడు టీ20ల సిరీస్‌ను 1-0 తేడాతో కైవసం చేసుకొంటుంది. మొదటి మ్యాచ్‌ రద్దు కాగా.. రెండో టీ20లో భారత్‌ ఘన విజయం సాధించిన విషయం తెలిసిందే.

22/11/2022 15:22(IST)

వర్షం అంతరాయం.. ఆగిన మ్యాచ్‌

9 ఓవర్లు: వర్షం రావడంతో అంపైర్లు మ్యాచ్‌ను నిలిపివేశారు. ఐష్ సోధి ఈ ఓవర్‌లో ఆరు సింగిల్స్ ఇచ్చాడు. దీంతో భారత్‌ స్కోరు 75/4కి చేరింది. ఒకవేళ వర్షం పడి మ్యాచ్‌ ఆగిపోయినా భారత్ ఓడిపోదు. ఎందుకంటే డక్‌వర్త్‌లూయిస్‌ ప్రకారం 75 కొడితే మ్యాచ్‌ టైగా ముగుస్తుంది. దీంతో సిరీస్‌ను టీమ్‌ఇండియా 1-0 ఆధిక్యంతో సొంతం చేసుకొంటుంది. ప్రస్తుతం క్రీజ్‌లో దీపక్ హుడా (9*), పాండ్య (30*) ఉన్నారు. మ్యాచ్‌ ఆగిపోయేసరికి భారత్‌ ఇంకా 66 బంతుల్లో 86 పరుగులు చేయాలి.

22/11/2022 15:14(IST)

సూర్యకుమార్‌ ఔట్

భారత్‌ కీలక వికెట్‌ను కోల్పోయింది. మంచి ఫామ్‌లో ఉన్న సూర్యకుమార్‌ (13) సోధి బౌలింగ్‌లో గ్లెన్ ఫిలిప్స్‌ చేతికి క్యాచ్‌ ఇచ్చి పెవిలియన్‌కు చేరాడు. దీంతో 6.3 ఓవర్లలో 60 పరుగుల వద్ద భారత్‌ నాలుగో వికెట్‌ను నష్టపోయింది. అనంతరం క్రీజ్‌లోకి దీపక్ హుడా (3*) వచ్చాడు. ఈ ఓవర్‌లో సోధి ఆరు పరుగులను ఇచ్చాడు. దీంతో భారత్‌ స్కోరు 7 ఓవర్లకు 64/4, క్రీజ్‌లో హుడాతోపాటు పాండ్య (25*) ఉన్నారు.

22/11/2022 15:10(IST)

లక్ష్యం 84 బంతుల్లో 103

న్యూజిలాండ్‌ నిర్దేశించిన 161 పరుగుల లక్ష్యాన్ని ఛేదించాలంటే భారత్‌ ఇంకా 84 బంతుల్లో 103 పరుగులు చేయాల్సి ఉంది. ప్రస్తుతం మూడు వికెట్ల నష్టానికి 58 పరుగులు చేసింది. క్రీజులో హార్దిక్‌పాండ్య 23(11), సూర్యకుమార్‌ 12(8) ఉన్నారు. ఆరో ఓవర్‌లో ఒక సిక్స్‌ రెండు సింగిల్స్‌తో కలిపి మొత్తం 8 పరుగులు వచ్చాయి.

22/11/2022 14:56(IST)

మూడు ఓవర్లు మూడు వికెట్లు

న్యూజిలాండ్‌ నిర్దేశించిన 161 పరుగుల లక్ష్యాన్ని ఛేదించే క్రమంలో భారత్‌ టాప్‌ ఆర్డర్‌కు గట్టి దెబ్బ తగిలింది. మూడు ఓవర్లు ముగిసే సమయానికి టీమిండియా మూడు వికెట్లు కోల్పోయి 23 పరుగులు చేసింది. ఇషాన్‌ కిషన్‌ 10(11), రిషబ్‌ పంత్‌ 11(5), శ్రేయస్‌ అయ్యర్‌ 0(1) ఔటయ్యారు. ప్రస్తుతం క్రీజులో సూర్య కుమార్‌ యాదవ్‌, హర్దిక్‌పాండ్యా ఉన్నారు.

22/11/2022 14:24(IST)

కివీస్‌ ఆలౌట్‌

భారత బౌలర్లు అర్ష్‌దీప్‌ సింగ్‌ (4/37), సిరాజ్ (4/17) విజృంభించడంతో కివీస్‌ 19.4 ఓవర్లలో 160 పరుగులకే ఆలౌటైంది. చివరి ఓవర్‌లో హర్షల్‌ పటేల్ (1/28) సౌథీ (6)ని క్లీన్‌బౌల్డ్‌ చేయడంతో న్యూజిలాండ్‌ ఇన్నింగ్స్‌ ముగిసింది. హర్షల్‌ ఈ ఓవర్‌లోని మూడు బంతులకు ఐదు పరుగులు ఇచ్చాడు.

22/11/2022 14:18(IST)

వరుసగా మూడు వికెట్లు

ఐష్ సోధి (0)ని అర్ష్‌దీప్ క్లీన్‌బౌల్డ్‌ చేశాడు. అనంతరం క్రీజ్‌లోకి వచ్చిన ఆడమ్ మిల్నే (0) రనౌట్‌ రూపంలో పెవిలియన్‌కు చేరాడు. దీంతో 149 పరుగుల వద్ద కివీస్‌ వరుసగా వికెట్లను చేజార్చుకొంది. అంతకుముందు డారిల్‌ మిచెల్‌ను అర్ష్‌దీప్‌ ఔట్‌ చేశాడు.

22/11/2022 14:12(IST)

సిరాజ్‌కు మరొకటి

సిరాజ్‌ ఖాతాలో మరొక వికెట్‌ పడింది. సాంట్నర్ (1) షాట్‌ కొట్టేందుకు యత్నించి చాహల్‌కు క్యాచ్‌ ఇచ్చాడు. దీంతో 17.5 ఓవర్లలో 149 పరుగుల వద్ద కివీస్‌ ఆరో వికెట్‌ను నష్టపోయింది. ఈ ఓవర్‌లో సిరాజ్‌ కేవలం రెండు పరుగులు ఇచ్చి రెండు వికెట్లు తీశాడు. దీంతో కివీస్‌ స్కోరు 18 ఓవర్లకు 149/6.

22/11/2022 14:05(IST)

కాన్వే కూడా పెవిలియన్‌కు..

కివీస్‌ ఓపెనర్ డేవన్ కాన్వే (59) పెవిలియన్‌కు చేరాడు. అర్ష్‌దీప్‌ వేసిన (16.4వ ఓవర్‌) స్లో బంతిని అంచనా వేయలేకపోయిన కాన్వే బౌండరీ లైన్‌ వద్ద ఇషాన్‌ కిషన్‌ చేతికి చిక్కాడు. దీంతో న్యూజిలాండ్‌ 146 పరుగుల వద్ద నాలుగో వికెట్‌ను కోల్పోయింది. అర్ష్‌దీప్‌ వేసిన ఈ ఓవర్‌లో రెండు ఫోర్లు సహా 12 పరుగులు వచ్చాయి. దీంతో కివీస్ స్కోరు 17 ఓవర్లకు 147/4కి చేరింది. క్రీజ్‌లో డారిల్‌ మిచెల్ (9*), నీషమ్ ఉన్నారు.

22/11/2022 13:59(IST)

పది ఓవర్ల తర్వాత వికెట్‌

దాదాపు పది ఓవర్ల తర్వాత ఎట్టకేలకు భారత్‌కు వికెట్ దక్కింది. ప్రమాదకర బ్యాటర్‌ గ్లెన్‌ ఫిలిప్స్ (54) సిరాజ్‌ బౌలింగ్‌లో భారీ షాట్‌కు యత్నించి భువీ చేతికి చిక్కి పెవిలియన్‌కు చేరాడు. దీంతో 15.5 ఓవర్లలో 130 పరుగుల వద్ద కివీస్‌ మూడో వికెట్‌ను కోల్పోయింది. అనంతరం బ్యాటింగ్‌కు వచ్చిన మిచెల్ (4*) బౌండరీ కొట్టాడు. ఈ ఓవర్‌లో సిరాజ్‌ ఆరు పరుగులు ఇచ్చాడు. దీంతో కివీస్‌ స్కోరు 16 ఓవర్లకు 135/3. క్రీజ్‌లో మిచెల్‌తోపాటు డేవన్ కాన్వే (54*) ఉన్నాడు.

22/11/2022 13:53(IST)

కాస్త తగ్గింది.. ఫిలిప్స్‌ కూడా

15 ఓవర్లు: ఇంతకుముందు ఓవర్‌లో కాన్వే (53*) అర్ధశతకం చేసిన విషయం తెలిసిందే. ఇప్పుడు గ్లెన్‌ ఫిలిప్స్‌ (54*) కూడా హాఫ్ సెంచరీ పూర్తి చేశాడు. కేవలం 31 బంతుల్లోనే ఈ మార్క్‌ను అందుకొన్నాడు. హర్షల్‌ పటేల్ ఈ ఓవర్‌లో 9 పరుగులు ఇచ్చాడు. ఇందులో ఒక సిక్స్‌ కూడా ఉంది. దీంతో కివీస్ స్కోరు 129/2కి చేరింది.

22/11/2022 13:43(IST)

వంద దాటిన స్కోరు

13 ఓవర్లు: న్యూజిలాండ్‌ స్కోరు వంద దాటింది. చాహల్‌ బౌలింగ్‌లో ఫిలిప్స్‌ సిక్స్‌, ఫోర్ బాదేశాడు. ఈ ఓవర్‌లో మొత్తం 16 పరుగులు వచ్చాయి. దీంతో కివీస్‌ స్కోరు 13 ఓవర్లకు 105/2కి చేరింది. క్రీజ్‌లో డేనవ్ కాన్వే (48*), ఫిలిప్స్‌ (35*) ఉన్నారు. వీరిద్దరూ కలిసి మూడో వికెట్‌కు 61 పరుగులు జోడించారు.

22/11/2022 13:38(IST)

ఫిలిప్స్‌ ఫోర్

12 ఓవర్లు: సిరాజ్‌ బౌలింగ్‌లో తొలి బంతికే ఫిలిప్స్ (22*) బౌండరీ కొట్టాడు. అయితే మిగతా బంతులకు కేవలం మూడుపరుగులే ఇచ్చాడు. ఈ ఓవర్‌లో ఏడు పరుగులు వచ్చాయి. దీంతో కివీస్ స్కోరు 89/2కి చేరింది. క్రీజ్‌లో ఫిలిప్స్‌తోపాటు కాన్వే (45*) ఉన్నారు.

22/11/2022 13:07(IST)

సిరాజ్‌ బ్రేక్

వరుసగా రెండు ఓవర్లపాటు గడగడలాడించిన కివీస్‌కు అడ్డుకట్ట పడింది. మహమ్మద్ సిరాజ్‌ బౌలింగ్‌లో (5.2వ ఓవర్) చాప్‌మన్ (12) భారీ షాట్‌కు యత్నించి అర్ష్‌దీప్‌ చేతికి చిక్కాడు. దీంతో 44 పరుగుల వద్ద న్యూజిలాండ్‌ రెండో వికెట్‌ను నష్టపోయింది. పవర్‌ప్లే ముగిసింది. ఈ ఓవర్‌లో సిరాజ్ కేవలం రెండు పరుగులు ఇచ్చి వికెట్ తీశాడు. దీంతో కివీస్‌ స్కోరు 6 ఓవర్లకు 46/2. క్రీజ్‌లో డేవన్ కాన్వే (23*), గ్లెన్‌ ఫిలిప్స్‌ (1*) ఉన్నారు.

22/11/2022 13:02(IST)

బాదేసిన బ్యాటర్లు

4 ఓవర్లు: తొలి మూడు ఓవర్లు ఆచితూచి ఆడిన కివీస్‌ బ్యాటర్లు అర్ష్‌దీప్‌ వేసిన ఈ ఓవర్‌లో మాత్రం దూకుడు పెంచారు. డేవన్ కాన్వే (16*) సిక్స్‌, రెండు ఫోర్లు కొట్టగా.. మార్క్‌ చాప్‌మన్(5*) బౌండరీ బాదాడు. మొత్తం 19 పరుగులు వచ్చాయి. దీంతో కివీస్‌ స్కోరు 30/1కి చేరింది.

22/11/2022 12:50(IST)

ఫిన్‌ ఔట్‌

నేపియర్‌ పిచ్‌ స్వింగ్‌కు బాగా అనుకూలంగా ఉన్నట్లుంది. అర్ష్‌దీప్‌ వేసిన అద్భుతమైన ఇన్‌స్వింగర్‌కు ఫిన్‌ అలెన్ (3) ఎల్బీగా పెవిలియన్‌కు చేరాడు. దీంతో 1.3 ఓవర్లలో 9 పరుగుల వద్ద కివీస్‌ తొలి వికెట్‌ను కోల్పోయింది. ఈ ఓవర్‌లో ఐదు పరుగులు వచ్చాయి. అందులో లెగ్‌బైస్ రూపంలోనే నాలుగు పరుగులు ఇవ్వడం గమనార్హం. దీంతో కివీస్ స్కో్రు 2 ఓవర్లకు 9/1. క్రీజ్‌లో డేవన్ కాన్వే, చాప్‌మన్ ఉన్నారు.

22/11/2022 12:05(IST)

NZ vs IND: టాస్‌ నెగ్గి బ్యాటింగ్‌ ఎంచుకున్న కివీస్‌

నేపియర్‌ వేదికగా భారత్‌తో జరుగుతోన్న మూడో టీ20లో న్యూజిలాండ్‌ టాస్‌ గెలిచి బ్యాటింగ్‌ ఎంచుకుంది. ఇప్పటికే 1-0తో ఆధిక్యంలో ఉన్న హార్దిక్‌ సేన సిరీస్‌పై కన్నేసింది.

22/11/2022 11:10(IST)

సూర్య స్థానంలో సంజూ అయితే బెటర్‌: డీకే

న్యూజిలాండ్‌తో చివరి టీ20లో సూర్యకుమార్‌ యాదవ్‌కు బదులుగా సంజూ శాంసన్‌కు అవకాశం కల్పించాలని సీనియర్‌ ఆటగాడు దినేశ్‌ కార్తీక్‌ సూచించాడు. ఫాస్ట్‌ బౌలింగ్‌ను ఎదుర్కోవడంలో ఆరితేరిన సంజూ ఈ మ్యాచ్‌లో అదనపు ప్రయోజనం అవుతాడని తెలిపాడు. సూర్యకుమార్‌కు ఈ మ్యాచ్‌లో విశ్రాంతి కల్పించి రానున్న వన్డేల్లో తిరిగి జట్టులో చేర్చుకోవచ్చని కోరాడు.

NZ vs IND: మూడో టీ20 మ్యాచ్‌ టై.. భారత్‌దే సిరీస్‌

తాజా వార్తలు (Latest News)

తప్పుడు అత్యాచారం కేసు.. మహిళకు నాలుగేళ్ల కారాగారం

రోజుకు 80,000 మందికే శబరిమల అయ్యప్ప దర్శనం

జూన్‌ 20 నుంచి ఆర్మీ రిక్రూట్‌మెంట్‌ ర్యాలీ

కర్ణాటకలో అధునాతనం.. ఏపీలో అధ్వానం!

ఏపీ డీజీపీగా ద్వారకా తిరుమలరావుకు అవకాశం!

నేటి రాశి ఫలాలు.. 12 రాశుల ఫలితాలు ఇలా... (06/05/24)

సుఖీభవ

చదువు