TG TET: 80 కేంద్రాల్లో టెట్‌ పరీక్ష.. ఏర్పాట్లు పూర్తి చేసిన అధికారులు

హైదరాబాద్‌: తెలంగాణ వ్యాప్తంగా సోమవారం నుంచి టీచర్‌ ఎలిజబిలిటీ టెస్ట్‌(టెట్‌) పరీక్షలు నిర్వహించనున్నారు. ఈ మేరకు అన్ని ఏర్పాట్లు పూర్తి చేసినట్లు టెట్‌ కన్వీనర్‌ ప్రకటించారు. ఈ పరీక్షలు సోమవారం నుంచి జూన్‌ 6వ తేదీ వరకు కొనసాగుతాయి. ప్రతి రోజు 2 సెషన్ల చొప్పున ఉదయం 9 నుంచి 11.30 గంటల వరకు, మధ్యాహ్నం 2 నుంచి 4.30 గంటల వరకు నిర్వహించనున్నారు. రాష్ట్రవ్యాప్తంగా 80 కేంద్రాల్లో ఈ పరీక్షలు జరగనున్నాయి. వాటిలో అత్యధికంగా మేడ్చల్‌లో 25, రంగారెడ్డిలో 17 కేంద్రాలున్నాయి. మార్చి 27 నుంచి ఏప్రిల్‌ 20 వరకు టెట్‌కి దరఖాస్తులు స్వీకరించగా.. పేపర్‌ 1కి 99,958 మంది, పేపర్‌ 2కి 1,86,428 మంది దరఖాస్తు చేసుకున్నారు.