APPSC Group 2 Results: గ్రూప్‌ -2 ప్రిలిమ్స్‌ ఫలితాలు విడుదల.. క్వాలిఫై అయిన అభ్యర్థుల జాబితా ఇదే..

APPSC Group 2 Result| అమరావతి:  ఏపీపీఎస్సీ గ్రూప్‌ -2 ప్రిలిమ్స్‌ పరీక్ష ఫలితాలు (APPSC Group II Prelims Results) విడుదలయ్యాయి.  రాష్ట్రంలో మొత్తం 899 గ్రూప్‌-2 ఉద్యోగాల భర్తీకి డిసెంబర్‌ 21 నుంచి జనవరి 17 వరకు దరఖాస్తులు స్వీకరించిన ఏపీపీఎస్సీ.. ఫిబ్రవరి 25న ప్రిలిమినరీ పరీక్ష నిర్వహించిన విషయం తెలిసిందే. రాష్ట్ర వ్యాప్తంగా లక్షల మంది అభ్యర్థులు కొన్ని వారాల నుంచి ఎంతో ఉత్కంఠతో ఈ ఫలితాల కోసం ఎదురుచూస్తున్న వేళ.. ఎట్టకేలకు ఏపీపీఎస్సీ ఈ పరీక్ష ఫలితాలను ప్రకటించింది. 92,250 మంది మెయిన్స్‌కు క్వాలిఫై కాగా.. 2557 మంది అభ్యర్థుల్ని వివిధ కారణాలతో రిజెక్ట్‌ చేశారు. ఈ మేరకు  క్వాలిఫై అయిన, రిజెక్ట్ అయిన అభ్యర్థుల జాబితాలను వేర్వేరుగా అధికారులు విడుదల చేశారు. ఈ పరీక్షకు దాదాపు 4లక్షల మందికి పైగా అభ్యర్థులు హాజరు కాగా..  గ్రూప్‌- 2 మెయిన్స్‌ పరీక్షలు జులై 28న నిర్వహించనున్నారు. మెయిన్స్‌కు క్వాలిఫై అయిన అభ్యర్థుల జాబితా ఇదే..