CMAT 2024: ‘సీమ్యాట్‌’ దరఖాస్తుల గడువు పొడిగింపు

సీమ్యాట్‌ పరీక్ష దరఖాస్తుల గడువును ఎన్‌టీఏ పొడిగించింది.

Published : 19 Apr 2024 23:10 IST

ఇంటర్నెట్‌ డెస్క్‌: మేనేజ్‌మెంట్‌ కోర్సుల్లో ప్రవేశాలకు నిర్వహించే కామన్‌ మేనేజ్‌మెంట్‌ అడ్మిషన్‌ టెస్ట్ (CMAT) పరీక్షకు దరఖాస్తుల గడువు పొడిగించారు. గత నెలలో ఇచ్చిన నోటిఫికేషన్‌ ప్రకారం మార్చి 19 నుంచి ఏప్రిల్‌ 18వరకు దరఖాస్తులు స్వీకరించారు. అయితే, మరికొంత మందికి అవకాశం కల్పించే ఉద్దేశంతో అప్లికేషన్ల గడువును ఎన్‌టీఏ పొడిగించింది. దీంతో ఆసక్తి కలిగిన, అర్హులైన అభ్యర్థులు ఏప్రిల్‌ 23న రాత్రి 9.50గంటల వరకు ఆన్‌లైన్‌లో దరఖాస్తు చేసుకోవచ్చు. ఈ పరీక్షలో సాధించిన స్కోరుతో దేశవ్యాప్తంగా దాదాపు వెయ్యి విద్యాసంస్థల్లో మేనేజ్‌మెంట్‌ కోర్సుల్లో ప్రవేశాలు పొందొచ్చు.

నోటిఫికేషన్‌లో కొన్ని ముఖ్యాంశాలివే..

అర్హత: ఏదైనా డిగ్రీ ఉత్తీర్ణత. ప్రస్తుతం చివరి సంవత్సరం కోర్సులు చదువుతున్నవారూ దరఖాస్తు చేసుకోవచ్చు. గరిష్ఠ వయసు నిబంధన లేదు. ఆన్‌లైన్‌ దరఖాస్తు కోసం క్లిక్‌ చేయండి
దరఖాస్తు ఫీజు: జనరల్‌ కేటగిరీ పురుషులకు రూ.2000; మిగతా అందరూ రూ.1000 చొప్పున చెల్లించాలి.
దరఖాస్తుల్లో ఏవైనా పొరపాట్లు ఉంటే ఏప్రిల్‌ 24 నుంచి 26వరకు సవరించుకోవచ్చు.
పరీక్ష కేంద్రాలు ఎక్కడ? హాల్‌టికెట్ల డౌన్‌లోడ్‌ ఎప్పటినుంచి అనే వివరాలు తర్వాత వెల్లడిస్తారు. పరీక్ష మే నెలలో జరిగే అవకాశం ఉంది.
ఆన్‌లైన్‌లో నిర్వహించే ఈ పరీక్షలో ఒక్కో సెక్షన్‌ నుంచి 20 చొప్పున 5 విభాగాల్లో వంద ఆబ్జెక్టివ్‌ ప్రశ్నలు ఉంటాయి. అవి.. క్వాంటిటేటివ్‌ టెక్నిక్స్‌ అండ్‌ డేటా ఇంటర్‌ప్రెటేషన్‌, లాజికల్‌ రీజనింగ్‌, లాంగ్వేజ్‌ కాంప్రహెన్షన్‌, జనరల్‌ అవేర్‌నెస్‌, ఇన్నోవేషన్‌ అండ్‌ ఎంటర్‌ప్రెన్యూర్‌షిప్‌.
పరీక్ష వ్యవధి 3 గంటలు. ప్రతి ప్రశ్నకు 4 చొప్పున మొత్తం ప్రశ్నపత్రానికి 400 మార్కులు.
ప్రశ్నపత్రం ఆంగ్ల మాధ్యమంలోనే ఉంటుంది. తప్పుగా గుర్తించిన ప్రతి సమాధానానికీ ఒక మార్కు కోత విధిస్తారు. ఈ పరీక్షకు సంబంధించిన పూర్తి సమాచారం ఈ లింక్‌పై క్లిక్‌ చేసి తెలుసుకోవచ్చు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.