సీయూఈటీ (పీజీ) ఫలితాలు వచ్చేశాయ్..

దిల్లీ: దేశంలోని పలు ప్రఖ్యాత యూనివర్సిటీల్లో పీజీ కోర్సుల్లో ప్రవేశాల కోసం జాతీయ స్థాయిలో నిర్వహించిన ‘సీయూఈటీ-పీజీ’(CUET-PG 2024) పరీక్ష ఫలితాలు విడుదలయ్యాయి. శుక్రవారం తుది కీ విడుదల చేసిన ఎన్‌టీఏ.. శనివారం ఉదయం ఫలితాలను ప్రకటించింది. 

మార్చి 11 నుంచి 28వ తేదీ వరకు దేశంలోని పలు ప్రధాన నగరాల్లో CUET-PG 2024 పరీక్షలు నిర్వహించిన విషయం తెలిసిందే. మొత్తం 157 సబ్జెక్టుల్లో జరిగిన  ఈ పరీక్షల్లో సాధించిన స్కోరు ఆధారంగా కేంద్రీయ విశ్వవిద్యాలయాలతోపాటు కేంద్రం ఆధ్వర్యంలో నడుస్తున్న విద్యాసంస్థలు, రాష్ట్ర స్థాయి విశ్వవిద్యాలయాలు(Universities), డీమ్డ్‌ యూనివర్సిటీలు, ప్రైవేటు విద్యాసంస్థలు మెరిట్‌ జాబితాలను రూపొందించి కౌన్సెలింగ్‌ ద్వారా  ప్రవేశాలు కల్పించనున్నాయి.  ఈ స్కోరును మొత్తంగా 190 విశ్వవిద్యాలయాలు (38 సెంట్రల్‌ యూనివర్సిటీలు, 38 రాష్ట్ర యూనివర్సిటీలు, తొమ్మిది ప్రభుత్వ సంస్థలు, 105 ప్రైవేటు, డీమ్డ్‌ వర్సిటీలు) పరిగణనలోకి తీసుకొంటాయి.

ఫలితాల కోసం క్లిక్‌ చేయండి