CUET UG: సీయూఈటీ యూజీ అడ్మిట్‌ కార్డుల విడుదల.. డౌన్‌లోడ్‌ చేసుకోండిలా..!

దిల్లీ: ఉమ్మడి విశ్వవిద్యాలయ ప్రవేశ పరీక్ష(CUET UG 2023)- యూజీ పరీక్షకు అడ్మిట్‌ కార్డులు విడుదలయ్యాయి. విద్యార్థులు ఎంతో ఆసక్తితో ఎదురుచూస్తోన్న ఈ హాల్‌టికెట్లను నేషనల్‌ టెస్టింగ్‌ ఏజెన్సీ (NTA) శుక్రవారం విడుదల చేసింది. అయితే, ప్రస్తుతానికి 21, 22, 23, 24 తేదీల్లో జరిగే పరీక్షకు మాత్రమే ఈ అడ్మిట్‌ కార్డులు విడుదలయ్యాయి. హాల్‌ టికెట్లను cuet.samarth.ac.in వెబ్‌సైట్‌ నుంచి డౌన్‌లోడ్‌ చేసుకోవచ్చు. ఈ నెల 21 నుంచి జూన్‌ 2వ తేదీ వరకు; అలాగే, జూన్‌ 5, 6 తేదీల్లో ఈ పరీక్షలు జరగనున్నాయి.

అడ్మిట్ కార్డుల కోసం క్లిక్‌ చేయండి

దేశవ్యాప్తంగా 250 యూనివర్సిటీల్లో గ్రాడ్యుయేషన్‌ కోర్సుల్లో ప్రవేశాల కోసం 13 భాషల్లో ఈ పరీక్ష జరగనుంది. దేశంలోని పలు నగరాలు/పట్టణాలతో పాటు విదేశాల్లోని 24 నగరాల్లో ఈ ఆన్‌లైన్‌ పరీక్ష జరగనుంది. ఈ పరీక్ష కోసం దాదాపు 15లక్షల దరఖాస్తులు వచ్చినట్టు సమాచారం. వైద్య కోర్సుల్లో ప్రవేశాలకు నిర్వహించే నీట్‌ యూజీ తర్వాత రెండో అతిపెద్ద పరీక్ష ఇదే కావడం విశేషం.

అడ్మిట్‌ కార్డు ఇలా పొందొచ్చు..

• తొలుత cuet.samarth.ac.in వెబ్‌సైట్‌కు వెళ్లాలి.
• Home pageలో సీయూఈటీ Login లింక్‌పై క్లిక్‌ చేయాలి.
• ఆ పేజీలో Download Admit card అనే ఆప్షన్‌ను క్లిక్‌ చేయాలి.
• అక్కడ Application number, పుట్టిన తేదీ వివరాలు ఇచ్చి అక్కడ ఇచ్చిన సెక్యూరిటీ పిన్ ఎంటర్ చేయడం ద్వారా హాల్ టికెట్లను పొందొచ్చు.