JEE Main final key: జేఈఈ మెయిన్‌ (సెషన్‌-2) ఫైనల్‌ కీ విడుదల

JEE Main 2024 final key| దిల్లీ: జేఈఈ మెయిన్‌ 2024 (సెషన్‌-2) పరీక్షల ఫైనల్‌ ఆన్షర్‌ కీ విడుదలైంది. ఈ కీని నేషనల్‌ టెస్టింగ్‌ ఏజెన్సీ (NTA) సోమవారం అందుబాటులోకి తీసుకొచ్చింది. షెడ్యూల్‌ ప్రకారం ఏప్రిల్‌ 25న JEE main ఫలితాలు వెల్లడించాల్సి ఉన్నప్పటికీ అంతకన్నా ముందే విడుదల చేసే అవకాశం ఉన్నట్లు సమాచారం. ఫలితాలు వెల్లడైన తర్వాత అప్లికేషన్ నంబర్, పుట్టిన తేదీ, సెక్యూరిటీ పిన్ ఎంటర్ చేసి విద్యార్థులు తమ స్కోరు కార్డును పొందొచ్చు. 

ఏప్రిల్‌ 4 నుంచి 12 వరకు జరిగిన JEE Main సెషన్‌ -2 పరీక్షకు దేశవ్యాప్తంగా 12.57 లక్షల మంది రిజిస్ట్రేషన్‌ చేసుకున్నారు. రెండు సెషన్లకు హాజరైన విద్యార్థులు సాధించిన మెరుగైన స్కోరును పరిగణనలోకి తీసుకొని మెరిట్‌ లిస్ట్‌ను ఎన్టీఏ (NTA) విడుదల చేయనుంది.

27 నుంచి అడ్వాన్స్‌డ్‌కు దరఖాస్తులు

జేఈఈ మెయిన్‌లో కటాఫ్‌ మార్కులు పొంది ఉత్తీర్ణత సాధించిన 2.50 లక్షల మందికి జేఈఈ అడ్వాన్స్‌డ్‌ పరీక్ష రాసేందుకు వీలు కల్పిస్తారు. ఈ పరీక్షకు ఏప్రిల్‌ 27 నుంచి మే 7 వరకు దరఖాస్తులు స్వీకరించనున్నారు. మే 17 నుంచి 26 వరకు అడ్మిట్‌ కార్డులను అందుబాటులో ఉంచుతారు. మే 26న ఉదయం 9 గంటల నుంచి మధ్యాహ్నం 12 గంటల వరకు పేపర్‌ -1 పరీక్ష, మధ్యాహ్నం 2.30 గంటల నుంచి సాయంత్రం 5.30 గంటల వరకు పేపర్‌ -2 పరీక్షలు జరుగుతాయి. వీటి ఫలితాలను జూన్‌ 9న ప్రకటిస్తారు.