JNVST 2024 Results: ‘నవోదయ’ 6, 9 తరగతి ప్రవేశ పరీక్షల ఫలితాలు విడుదల.. రిజల్ట్స్‌ కోసం క్లిక్‌ చేయండి

దిల్లీ: నవోదయ విద్యాలయాల్లో (JNV) ఆరు, తొమ్మిదో తరగతుల్లో ప్రవేశాలకు నిర్వహించిన పరీక్ష( Navodaya Vidyalaya selection test) ఫలితాలు విడుదలయ్యాయి. దేశ వ్యాప్తంగా 649 పాఠశాలల్లో సీట్ల భర్తీకి గతేడాది జూన్‌ నుంచి ఆగస్టు 25వరకు ఆన్‌లైన్‌లో దరఖాస్తులు స్వీకరించిన అధికారులు.. జనవరి 20న ఆరోతరగతి, ఫిబ్రవరి 10న తొమ్మిదో తరగతి ప్రవేశ పరీక్ష నిర్వహించిన విషయం తెలిసిందే. తాజాగా ఫలితాలను విడుదల చేశారు. ఈ పరీక్షలో విద్యార్థులు సాధించిన మార్కుల ఆధారంగా ఆయా తరగతులకు ఎంపిక చేయనున్నారు. ఎంపికైన విద్యార్థులకు 6వ తరగతి నుంచి 12వ తరగతి వరకు ఉచిత విద్య అందిస్తారు. విద్యార్థులు తమ రోల్‌ నంబర్‌, పుట్టిన తేదీ వివరాలను ఎంటర్‌ చేయడం ద్వారా JNVST 2024 ఫలితాలు పొందొచ్చు.

ఆరో తరగతి ఫలితాల కోసం క్లిక్‌ చేయండి

 తొమ్మిదో తరగతి  ఫలితాల కోసం క్లిక్‌ చేయండి