APPSC Group 2 Exam: ఆ అభ్యర్థులకు ఉపశమనం.. ఏపీపీఎస్సీ లేఖపై స్పందించిన ఎస్‌బీఐ

అమరావతి: ఏపీ గ్రూప్‌-2 (AP Group 2) పరీక్ష, ఎస్‌బీఐ క్లర్క్‌ (జూనియర్‌ అసోసియేట్స్‌) మెయిన్స్‌ (Sbi Junior Associates Main Exam) పరీక్షలు ఒకేరోజు వుండటంతో ఆందోళన చెందుతున్న అభ్యర్థులకు శుభవార్త. ఈ రెండు పరీక్షలు ఒకేరోజు వుండటంతో  పరీక్ష తేదీ మార్చాలంటూ ఏపీపీఎస్సీ రాసిన లేఖపై ఎస్‌బీఐ స్పందించింది.  ఈ నెల 25న గ్రూప్2 పరీక్ష రాసే అభ్యర్థులు మార్చి 4న మెయిన్స్‌ పరీక్ష రాసేందుకు వీలు కల్పిస్తున్నట్లు తెలిపింది. ఈ నిర్ణయంతో గ్రూప్‌-2 పరీక్ష రాయనున్న అభ్యర్థులకు ఉపశమనం కలుగుతుందని ఏపీపీఎస్సీ బోర్డు సభ్యుడు సుధీర్ తెలిపారు. ఈ విషయాన్ని ఆయన ఎక్స్ వేదికగా ప్రకటించారు. అయితే, మార్చి 4న ఎస్‌బీఐ మెయిన్స్‌ పరీక్ష రాయాలనుకొనే అభ్యర్థులు ఫిబ్రవరి 23న ఉదయం 9 గంటల లోపు https://ibpsonline.ibps.in/sbijaoct23/ ద్వారా దరఖాస్తు చేసుకోవాలని ఎస్‌బీఐ స్పష్టం చేసింది.