SHRESTA NETS 2024: ‘శ్రేష్ఠ’ ప్రవేశ పరీక్ష తేదీలో మార్పు.. కొత్త తేదీ ఇదే..

దిల్లీ: ప్రతిభావంతులైన ఎస్సీ విద్యార్థులకు సీబీఎస్‌ఈ (CBSE) అనుబంధ ప్రఖ్యాత ప్రైవేటు రెసిడెన్షియల్‌ పాఠశాలల్లో 9, 11 తరగతుల్లో ప్రవేశాలకు నిర్వహించే ‘నేషనల్‌ ఎంట్రన్స్‌ టెస్ట్‌ ఫర్‌ శ్రేష్ఠ (SHRESHTA- NETS 2024)పరీక్ష తేదీలో మార్పు చోటుచేసుకుంది. లోక్‌సభ ఎన్నికల నేపథ్యంలో ఈ పరీక్షను షెడ్యూల్‌ కన్నా ముందే నిర్వహించాలని నేషనల్‌ టెస్టింగ్‌ ఏజెన్సీ నిర్ణయించింది. కేంద్ర సామాజిక న్యాయం-సాధికార మంత్రిత్వశాఖ ఆధ్వర్యంలో జరిగే ఈ పరీక్షను తొలుత మే 24న జరపాలని నిర్ణయించగా..  ఎన్నికల నేపథ్యంలో మే 11కు మార్పు చేసినట్లు ఎన్‌టీఏ(NTA) బుధవారం ఓ ప్రకటనలో తెలిపింది.  

పేద విద్యార్థులకు వరం.. ‘శ్రేష్ఠ’మైన విద్యకు దరఖాస్తుల ఆహ్వానం

దీంతో మే 11న మధ్యాహ్నం 2 గంటల నుంచి సాయంత్రం 5 గంటల పాటు శ్రేష్ఠ ప్రవేశపరీక్ష ఆయా కేంద్రాల్లో జరగనుంది. పరీక్ష జరిగిన నాలుగు నుంచి ఆరు వారాల్లో ఫలితాలు ప్రకటిస్తారు. అర్హులైన, ఆసక్తి కలిగిన అభ్యర్థుల నుంచి ఏప్రిల్‌ 4 వరకు ఆన్‌లైన్‌లో https://shreshta.ntaonline.in/దరఖాస్తులు స్వీకరించనున్నారు.