TS Staff nurse Results: ప్రభుత్వ స్టాఫ్‌ నర్సు పరీక్ష తుది ఫలితాలు వచ్చేశాయ్‌..

Staff Nurse Results | హైదరాబాద్‌:  తెలంగాణలో స్టాఫ్‌నర్సు(Staff Nurse) ఉద్యోగాల భర్తీకి నిర్వహించిన పరీక్ష తుది ఫలితాలు విడుదలయ్యాయి. మొత్తం 7,094 పోస్టులకు గతేడాది ఆగస్టు 2న కంప్యూటర్‌ ఆధారిత పరీక్ష నిర్వహించగా.. దాదాపు 40వేల మంది రాసిన విషయం తెలిసిందే.  డిసెంబర్‌లో  తుది కీ విడుదల చేయగా.. అభ్యర్థుల నుంచి టీఎస్‌ హెల్త్‌ సర్వీసెస్‌ రిక్రూట్‌మెంట్‌ బోర్డు(MHSRB) అభ్యంతరాలను స్వీకరించింది. రాత పరీక్షలో మెరిట్‌, ధ్రువపత్రాల పరిశీలన పూర్తి చేసిన అనంతరం తాజాగా  అభ్యర్థుల కటాఫ్‌ మార్కులు, ఫైనల్‌ మెరిట్‌లిస్ట్‌, ఎంపికైన వారి జాబితాను అధికారిక వెబ్‌సైట్‌లో అందుబాటులో ఉంచింది. ఉద్యోగాలకు ఎంపికైన అభ్యర్థుల జాబితా ఇదే..