TS Inter Results: 24న తెలంగాణ ఇంటర్‌ ఫలితాలు.. బోర్డు అధికారిక ప్రకటన

హైదరాబాద్‌ : తెలంగాణలో ఇంటర్మీడియట్‌ పరీక్షల ఫలితాలకు (TS Inter Results 2024) సంబంధించి ఇంటర్‌ బోర్డు కీలక అప్‌డేట్‌ ఇచ్చింది. ఏప్రిల్‌ 24న (బుధవారం) ఉదయం 11 గంటలకు ఇంటర్‌ ప్రథమ, ద్వితీయ ఫలితాలు ఒకేసారి విడుదల చేయనున్నట్లు వెల్లడించింది. ఈ ఫలితాలను ఇంటర్‌ బోర్డు కార్యాలయంలో విద్యాశాఖ ముఖ్య కార్యదర్శి బుర్రా వెంకటేశం, ఇంటర్‌ బోర్డు కార్యదర్శి శృతి ఓజా విడుదల చేస్తారని పేర్కొంది. ఈ ఫలితాలను results.eenadu.netలో చెక్‌ చేసుకోవచ్చు.

ఫిబ్రవరి 28 నుంచి మార్చి 19 వరకు ఇంటర్మీడియట్‌ పరీక్షలు జరిగిన విషయం తెలిసిందే. ప్రథమ, ద్వితీయ ఇంటర్‌ పరీక్షలను 9,80,978 మంది విద్యార్థులు రాశారు. మార్చి 10 నుంచి మూల్యాంకనం ప్రారంభించిన అధికారులు.. ఏప్రిల్‌ 10తో పూర్తి చేసిన అధికారులు ఫలితాల విడుదలకు రంగం సిద్ధం చేశారు. మరోవైపు, పదోతరగతి ఫలితాలను ఈనెల 30 లేదా మే 1వ తేదీన విడుదల చేసే అవకాశం ఉన్నట్లు సమాచారం.