తెలంగాణ పాలిటెక్నిక్ లెక్చరర్ పోస్టులకు.. ర్యాంకింగ్స్ జాబితా విడుదల

ఈనాడు, హైదరాబాద్‌: ప్రభుత్వ పాలిటెక్నిక్‌ కళాశాలల్లో లెక్చరర్‌ పోస్టులకు నిర్వహించిన రాతపరీక్షలో ప్రతిభ ఆధారంగా జనరల్‌ ర్యాంకుల జాబితాను (జీఆర్‌ఎల్‌) టీఎస్‌పీఎస్సీ (TSPSC) ప్రకటించింది. ఈ జాబితాను కమిషన్‌ వెబ్‌సైట్‌లో పొందుపరిచినట్లు వెల్లడించింది. (TS polytechnic lecturer GRL list)

మొత్తం 247 లెక్చరర్ పోస్టుల భర్తీకి గతేడాది సెప్టెంబరులో పరీక్షలు నిర్వహించిన విషయం తెలిసిందే. సెప్టెంబర్ 4 నుంచి 8వ తేదీ వరకు సబ్జెక్టుల వారిగా నిర్వహించిన పాలిటెక్నికల్ లెక్చరర్ పరీక్షలు రాసిన అభ్యర్థుల మెరిట్ ఆధారంగా జనరల్ ర్యాంకింగ్స్ విడుదల చేసింది. సర్టిఫికెట్ల వెరిఫికేషన్ ఎప్పటినుంచి అనే సమాచారం తర్వాత ప్రకటిస్తామని టీఎస్‌పీఎస్సీ ఓ ప్రకటనలో తెలిపింది. ర్యాంకుల జాబితాలో కోసం.. https://www.tspsc.gov.in/GRLPL13570AS ఈ లింక్‌పై క్లిక్ చేయండి.